तामाङ घेदुङ,मकाउ द्वारा सुजना गोलेलाई उपचारको लागि आर्थिक सहयोग प्रदान
नेपाल तामाङ घेदुङ ,मकाउ द्वारा दोलखा जिल्ला भेड्पु गाउँ बिकास समिति स्थायी घर भएकी बर्ष २४ की सुजना गोले तामाङलाई उपचारको लागि आर्थिक सहयोग संकलन गरी ने.रू. २,१९,००० .०० (अक्षरूपी : दुई लाख उन्नाईस हजार )हस्तातरण गरेको छ | गोले एप्लास्टिक एनिमिया भन्ने रोगबाट पीडित भई हाल काठमाण्डौ स्थित सिभिल सर्भिस हस्पिटलमा उपचार गराई रहेकी छिन् |
नेपाल तामाङ् घेदुङ मकाउका अध्यक्ष दोर्जे तामाङ्को पहलमा “सुजना गोले बचाउ अभियान” जारी गरी मकाउमा कार्यरत नेपाली दाजुभाइ तथा दिदीबहिनीहरु संगै नेपाली कार्यरत कम्पनीहरुबाट आर्थिक संकलन गरिएको थियो | जसअनुसार नेपाल तामाङ घेदुङ मकाउ ५२९२ मोप , गोरखा सेक्युरिटी कम्पनी ,जि. फोर. एस.सेक्युरिटी कम्पनी र विईन प्यालेसबाट ६१८० मोप, ल्याण्ड मार्कबाट २४५० मोप , मकाउ जिमबाट १०२० मोप , न्युट्रस कम्पनीबाट ४०० मोप र .डि थ्रि क्लवबाट ५०० मोप गरी जम्मा १५,८४२ मोप संकलन भएको थियो | जसलाई नेपाली रुपियाँ मा रुपान्तर गर्दा भएको ने.रू. २,१९,००० .०० (अक्षरूपी : दुई लाख उन्नाईस हजार ) नेपाल तामाङ घेदुङ मकाउका अध्यक्ष दोर्जे तामाङले मकाउमा कार्यरत रहेका दिपक थोकर मार्फत एप्लास्टिक एनिमिया रोगबाट पीडित सुजना गोलेलाई हस्तान्तरण गरिएको हो |
