हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

विदेशिबाट फर्केका युवाहरु व्यावसायिक पशुपालनमा आकर्षित

पाल्पा, २५ चैत । बौघापोखराथोकका कृषक रुकबहादुर रेश्मी साहुसँग रु दुई लाख ऋण गरेर बहराइन पुग्नुभयो । दुई वर्ष त्यहाँ काम गर्दा ऋण तिर्न पनि उहाँलाई धौधौ प¥यो । मनग्य कमाइ गर्न त परै जाओस् साहुसँग विदेश जाँदा लिएको ऋण तिर्न मुस्किल भएपछि रेश्मी घर फर्किएर गाईपालन व्यवसायमा लाग्नुभयो ।

विदेशमा यथेष्ट कमाइ गर्ने र परिवारलाई सुखसँग पाल्ने उहाँको सपना गाईपालन व्यवसायबाट पूरा भएको छ । “सात वर्षअघि रु पच्चीस लाखको लागतमा थालेको व्यवसायबाट अहिले मासिक रु एक लाखभन्दा बढी आम्दानी हुन्छ”, रेश्मीले भन्नुभयो– “घरमै बसेर पनि मनग्य कमाउन सकिँदो रहेछ ।”

रेश्मीले जर्सी र होलस्टिन गरी २० वटा गाई पाल्नुभएको छ । दैनिकजसो १२० लिटर दूध उत्पादन गरी सदरमुकाम तानसेनमा बिक्री गर्दै आउनुभएका उहाँले २५ वटा माउ गाई पाल्ने लक्ष्य लिनुभएको छ ।

यस्तै रामपुरका गणेश आचार्यले पनि तीन वर्ष खाडी मुलुकमा काम गरेर अहिले गाउँमै गाईपालन व्यवसाय थाल्नुभएको छ । रु १७ लाखको लगानीमा व्यवसाय थाल्नुभएका उहाँले जर्सी र होलस्टिन जातका २२ वटा गाई पाल्नुभएको छ । “दैनिक ७० देखि ८० लिटरसम्म दूध उत्पादन गरी मासिक रु ६० हजार आम्दानी हुन्छ,” उहाँले भन्नुभयो ।

त्यस्तै रोजगारीका लागि खाडी मुलुक पुग्नुभएका ज्ञानराज पोखरेललाई विदेश जाँदा बैंकबाट झिकेको रु तीन लाख ऋण तिर्न मुस्किल प¥यो । तीन वर्षमा उहाँले मुस्किलले रु दुई लाख ५० हजार कमाइ गर्नुभयो । स्वदेश फर्किए लगत्तै पोखरेलले गाई फार्म व्यवसाय सुरु गर्नुभयो ।

रु १२ लाखको लागतमा व्यवसाय थाल्नुभएका उहाँले अहिले ११ वटा गाईबाट दैनिक ३० देखि ५० लिटरसम्म दूध उत्पादन गर्नुहुन्छ । “मासिक रु ५० हजारसम्म आम्दानी हुन्छ”, उहाँले भन्नुभयो । विदेश जानुअघि धेरै इच्छा, आशा मनमा भए पनि त्यहाँ पुग्दा सबै सपना विलिन हुने गरेका उहाँले सुनाउनुभयो ।

विदेश गएर स्वदेश फर्केका जिल्लाका युवा अहिले गाईपालनबाट मनग्य कमाइ गर्न सफल भएका छन् । साहुसँग ऋण झिकेर विदेशिएका युवाले पछिल्लो समय आम्दानीको बलियो र दिगो व्यवसाय पशुपालनलाई बनाएका छन् ।

जिल्लामा अहिले विदेश गएर फर्केका र विदेश जान लागेका १३० युवाले व्यावसायिक पशुपालनबाट मनग्य आम्दानी गरेका जिल्ला पशुसेवा कार्यालयका पशु विकास अधिकृत डा चन्द्रबहादुर राना बताउनुहुन्छ । कार्यालयले व्यावसायिक पशुपालनमा युवाको आकर्षण बढाउन युवालक्षित कार्यक्रमअन्तर्गत अनुदान रकम, विभिन्न सामग्री, भकारो सुधार, गोठ निर्माण, निःशुल्क घाँसको बीउ, औषधि उपचारजस्ता सेवा उपलब्ध गराएका कारण पशुपालनमा युवाको सङ्ख्या बढेको हो ।“दस वर्ष यताकै पशुपालनमा तेब्बर सङ्ख्यामा युवाको आकर्षण बढेको छ” उहाँले भन्नुभयो ।

 






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution