टोरोन्टो,क्यानाडा -गैरआवासीय नेपाली संघ क्यानाडा र कन्सर्न नेपाली क्यानाडाको संयुक्त समन्वयमा नेपाली पहिचानको निम्ति “बुद्ध शान्ति र्याली एवं नेपाल प्रवर्द्धन दिवस” सम्पन्न गरेको छ |

कार्यक्रममा नेपाली दुतावास क्यानाडाका उपनियोग प्रमुख रोजिना ताम्राकार,एनआरएनए क्यानाडाका अध्यक्ष दिपक गौतम,कन्सर्न नेपाली क्यानाडाका अध्यक्ष तुल्सी धरेल , नेपाल आदिवासी जनजाती महासंघ क्यानाडाका अध्यक्ष बिर तमु लगायत नेपाली अग्रज बुद्धिजीवीहरु र ग्रेटर टोरोण्टो क्षेत्रमा रहनुभएका नेपाली संघसंस्थाहरु एवं नेपाली समुदायका सदस्यहरुको बाक्लो सहभागी रहेको थियो |

नेपाललाई बुद्ध जन्मेको देश र सगरमाथाको देश भनेर चिनाउन सहभागीहरुका लागि बुद्ध र सगरमाथाको चित्र अंकित नि:शुल्क टोपिहरु बितरण गरिएको थियो भने बिदेशिहरुलाई लक्षित गरि बुद्ध र सागरमाथाको बारेमा  जानकारी सहित पर्चाहरु बाँडीएको थियो |

नेपाल र क्यानाडाको झन्डा सहित नेपाली मौलिक पन्चेबाजा र मनोरन्जन नाच संगै योङ-दाण्डास स्क्वाएर (Young- DundasSquare) बाट सुरु गरिएको र्याली नथन फिलीप स्क्वाएर (Nathan Phillips Square) सम्म पुगेर र्याली समापन गरिएको थियो |

प्रकाशित : २१ मे २०२३