टोरोन्टो — नेपाली फिल्म ‘छक्का पन्जा–४’ आज  मार्च १८ तारिख क्यानडाको विभिन्न शहरमा पहिलो दिन सफलतापुर्वक प्रदर्शन भएको छ । क्यानाडा स्थित Scarborough र Missisauga शहरमा आज एकैदिन हाउसफूलका साथ् प्रदर्शन भएको हो | दुवै शहरमा हाउसफुलका साथ प्रदर्शन भएको फिल्म आज,भोलि र पर्सि गरि तीन दिनसम्म निरन्तर चल्ने Scarborough स्थित फिल्म हलमा भेटघाटको क्रममा बितरक क्रिजल अधिकारी केसीले जानकारी दिनु भएको छ | वहाँले आज पहिलो दिन नेपाली फिल्मलाई माया गरेर फिल्म हेर्न आउनुहुने सम्पूर्ण दर्शकहरुलाई धन्यवाद व्यक्त गर्नुभएको छ | साथै भोलि र  पर्सि प्रदर्शन हुने शो हरुमा पनि सबैलाई फिल्म हेर्न आउनु हुन् हार्दिक अनुरोध गर्नुभएको छ |

चलचित्र हेरेपछि अधिकाश दर्शकहरुले फिल्म एकदमै राम्रो रहेको प्रतिक्रिया दिएका छन् | फिल्म हलबाट निस्कने क्रममा दर्शक ममता श्रेष्ठले सबै कलाकारहरुको अभिनय राम्रो लागेको बताइन् |

क्यानाडाको लागि छक्का पन्जा–४ फिल्मका वितरकमा क्रिजल अधिकारी र  सुजन गुरुङ रहेका छन् |

हेमराज बीसीले निर्देशन गरेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय रहेको छ ।

फिल्मको कथा दीपकराज गिरी,नरेन्द्र मैनालीको छायांकन र फिल्मलाई निमेष श्रेष्ठले सम्पादन गरेका हुन् । दीपेन्द्र खनिया र केशव न्यौपाने निर्माता रहेको फिल्मका कार्यकारी निर्माता केदारप्रसाद घिमिरे र निर्मल शर्मा रहेका छन् ।

१८ मार्च २०२३