काठमाडौँ, २१ फागुन । उपराष्ट्रपति नन्दबहादुर पुनले आफ्नो प्रेस संयोजकमा मनोज घर्तीमगरलाई नियुक्त गर्नुभएको छ ।

नयाँ पत्रिका दैनिकमा कार्यरत घर्तीमगरलाई उपराष्ट्रपति पुनले आफ्नो स्वकीय सचिवालयअन्तर्गत प्रेस संयोजकमा नियुक्ति गर्नुभएको उपराष्ट्रपति कार्यालयले जनाएको छ । विगत १२ वर्षदेखि पत्रकारितामा क्रियाशील घर्तीमगरस“ग उपप्रधानमन्त्री तथा गृहमन्त्री र अर्थमन्त्रीको प्रेस संयोजक भएर काम गरेको अनुभव छ । २८ वर्षे घर्तीमगर रोल्पा निवासी हुनुहुन्छ ।
उहाँ नेपाल मगर पत्रकार सङ्घको अध्यक्ष र नेपाल आदिवासी जनजाति पत्रकार महासङ्घ (फोनिज)को सङ्गठन सचिवसमेत हुनुहुन्छ ।