हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

तामाङ घेदुङको नवौं सङ्घीय महाधिवेशन फागुन भित्रै सम्पन्न गर्ने तयारीमा

याम्बु – नेपाल तामाङ घेदुङको नवौं सङ्घीय महाधिवेशन फागुन महिना भित्रै सम्पन्न गर्ने तयारीमा जुटेको छ | यसको लागि घेदुङले  नवौं सङ्घीय महाधिवेशनको लागि २०७८ फागुन १५ गतेभित्र प्रतिनिधि दर्ता गरिसक्न घेदुङले सर्कुलर जारी गरेको छ । गत माघ २४ गते बसेको ३० औं सचिवालय बैठकले फागुन ६ गतेदेखि ८ गतेसम्म काठमाडौंमा गर्ने भनिएको महाधिवेशनको तिथि स्थगित गर्दै घेदुङले सर्कुलर जारी गरेको हो ।

यसअघि २०७६ र २०७८ को चैत महिनामा महाधिवेशन सम्पन्न गर्ने मिति तोकेको घेदुङले यस वर्ष कोभिड महामारी सुरु हुनु अगावै महाधिवेशन सम्पन्न गर्नेगरी फागुनको पहिलो हप्ता मिति तोकेको थियो । तर यसवर्ष पुष अन्तिमदेखि नै कोभिड–१९ को ओमिक्रोन भेरियन्टको संक्रमण बढेर फेरि मिति सार्न बाध्य भएको घेदुङले जनाएको छ ।

कोभिड संक्रमणलाई मध्येनजर गरी नेपाल सरकारले अहिले सभा, सम्मेलन नगर्न र सार्वजनिक स्थलमा २५ जनाभन्दा बढी भेला हुन रोक लगाएको छ । कोभिड संक्रमणदर घट्दै गएको हुँदा फागुन महिनादेखि लकडाउनको मोडेल केही खुकुलो हुने आशा गर्दै घेदुङका महासचिव महितकुमार तामाङद्वारा हस्ताक्षरित सर्कुलरमा फागुन मसान्तभित्र जसरी पनि महाधिवेशन सम्पन्न गर्ने बताएको छ ।

फागुनको पहिलो हप्ताभित्र सचिवालय बैठकबाट टुङ्गो लगाउने भएको छ |

यसको लागि घेदुङले फागुन १५ गतेभित्रमा प्रतिनिधि दर्ता गरिसक्ने र त्यसपछि आएको प्रतिनिधि दर्ता नगर्ने निर्णय गरेको छ । घेदुङले संघ, प्रदेश, प्रवास, जिल्ला, भातृसंगठन, विभाग र स्थानीय समिति समेत गरी लगभग ५०० देखि ७०० को हाराहारीमा प्रतिनिधिले महाधिवेशनमा सहभागिता जनाउने आँकलन गरेको छ भने अहिलेसम्म १८७ जना प्रतिनिधि, पर्यवेक्षकको नाम दर्ता भइसकेको कार्यालयको रेकर्डमा देखिन्छ ।

दर्ता भइसकेको प्रतिनिधिको नाम महाधिवेशनमा प्रकाशित बुकलेटमा प्रकाशित हुने भएकोले समयमै प्रतिनिधि दर्ता गर्न घेदुङले सबै समितिहरूलाई ताकेता गरिरहेको छ ।

घेदुङले महाधिवेशनलाई छिटो, छरितो र सहज ढंगबाट सम्पन्न गर्न नीति सम्बन्धी बहसको प्रक्रियालाई करिब करिब टुंगो लगाएको छ । यसको लागि सातवटै प्रदेशमा प्रदेश स्तरीय भेलाको आयोजना गरी गत पुष महिनामै संगठनको सांगठनिक प्रतिवेदन, आर्थिक प्रतिवेदन र विधानको संशोधित मस्यौदाबारे सुझाव संकलन गरिसकेको छ ।

प्राप्त सुझावलाई समेटेर प्रतिवेदन, विधान लगायत नीतिको पक्षलाई अन्तिम रूप दिइने र अब हुने महाधिवेशनमा नेतृत्व चयन मात्रै हुनेगरी सम्पन्न गर्ने घेदुङको तयारी रहेको छ ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution