एनआरएन इजरायलले बृहत अन्तरक्रिया कार्यक्रमको आयोजना गर्दै
तेलअविव – गैरआवासिय नेपाली संघ राष्ट्रिय समन्वय परिषद इजरायलले संस्थाको १४ औ बार्षिक उत्सवको पावन अवसरमा इजरायलमा रहेका नेपाली कामदारहरु लगायत विभिन्न मुलुकका कामदारहरुमा बेला बेलामा आइपर्ने विभिन्न कानूनी समस्याहरु तथा समाधानका उपायहरु लगायत विविध विषयमा अन्तरक्रिया गर्ने भएको छ |
इजरायलमा रहेका कामदारहरुको हकहितको लागि लागिपर्दै आइरहेको कानूनप्रद संस्था काभ्ला ओभेद र इजरायलमा रहेका विदेशी कामदारहरुका मुद्दाहरु हेर्दै आइरहेका ‘इमिग्रेसन एण्ड लेबर ल’को विषयमा पारंगत मानिने वरिष्ट कानूनविद्ब द्वारा परामर्श गराउने गरी आगामी १८ डिसेम्वर शनिवार १२ बजेदेखि तेलअविव स्थित मतालोन स्ट्रिट ७५ मा वृहत अन्तरक्रिया कार्यक्रम गर्न लागेको हो |
हिव्रु, अंग्रेजी तथा नेपाली तथा हिन्दी भाषामा समेत सबैले वुझ्ने दोभासेको सहयोगमा परामर्श लिने सकिने गरी आयोजित कार्यक्रममा विशेष गरी नेपाल, भारत लगायत इजरायलमा रहेका हरेक मुलुकका कामदारहरुको लागि अति उपयोगी रहने भएकाले नेपाली समुदाय, नेपाली भाषी भारतियहरु तथा यथाशक्य अन्य मुलुककमा कामदारहरुलाई समेत सहभागी गराउनको लागि सहयोग पुर्याइदिनु हुन इजरायलमा क्रियाशिल सम्पूर्ण संघस्थाहरु, संचारकर्मी तथा समाजसेवीहरुमा गैरआवासिय नेपाली संघ राष्ट्रिय समन्वय परिषद (एनआरएनए-एनसिसी) इजरायल हार्दिक अपिल गरेको छ |