इजरायल घेदुङले तामाङ पहिचान र ज्ञान दिवसको अवसरमा अन्तरक्रिया कार्यक्रम गर्दै
तेलअविव – नेपाल तामाङ घेदुङ इजरायलले तामाङ पहिचान दिवस (भाद्र -६ गते) र तिथि अनुसार यसपाली तामाङ ज्ञान दिवस (गोने ङ्ञा) पनि भाद्र ६ गते नै परेको अवसरमा शुभकामना आदानप्रदान तथा बृहत अन्तरक्रिया कार्यक्रमको आयोजन गरेको छ।
नेपाल तामाङ घेदुङ,संघीय अध्यक्ष मोहन गोले तामाङको प्रमुख आतिथ्यमा प्रमुख वक्ता मानवशास्त्री डा. मुक्त सिंह तामाङको उपस्थितिमा तामाङ पहिचान र संस्कृति विषयक बृहत अन्तरक्रिया कार्यक्रम जुम भर्चुअल मार्फत आयोजन गरिएको संस्थाका महासचिव शम्भु घिसिङ तामाङ(निङमा)ले जानकारी दिनु भएको छ ।
तामाङ समुदायको इतिहास, पहिचान , संस्कृति र परम्परा सम्बन्धि जानकारी आदाप्रदान गर्ने हेतुले संस्थागत रूपमा घेदुङ इजरायले तामाङ पहिचान दिवस र ज्ञान दिवसको अवसरमा तामाङ मौलिक दिवसहरुलाई सम्वर्द्धन र संरक्षण गर्दै युवा पिडीहरुलाई जानकारी एवन शिक्षा दिने उद्धेश्यका साथ कार्यक्रमको आयोजन गरेको घेदुङ इजरायलकी अध्यक्ष सीता कुमारी घिसिङ तामाङले जानकारी दिनु भएको छ ।
शुभकामना तथा अन्तरक्रियामा इजरायलमा रहेका विभिन्न राजनीतिक, सामाजिक, धार्मिक, संघसंस्थाका अध्यक्षहरु,इजरायलमा बसोवास गर्नुहुने नेपाली दाजुभाइ तथा दिदिबहिनीहरु, स्वदेश तथा बिदेशमा भएका तामाङ संघसंस्थाहरुका अध्यक्षहरु,बिश्वभरि छरिएर रहनुभएका तामाङ ज्योज्यो आले नाना आङाहरु लगायत नेपाली दिदीबहिनी तथा दाजुभाइहरुमा गरिमामय उपस्थितिको लागि निमन्त्रणा गरेको छ ।
कार्यक्रम तालिका :
मिति :- २२ अगस्ट २०२१ (आइतबार)
माध्यम :- जुम भर्चुअल ।
इजरायली समय:- दिउँसो २:३० बजे ।
नेपाली समय:- साँझ ५:१५ बजे ।
जुम आइडी:- 85375614211
पासकोड :- israel
« नेपाली समाज इजरायलको प्रथम अधिवेशनबाट अध्यक्षतामा अनिला तामाङ चयन (Previous News)
(Next News) आज तामाङ पहिचान तथा ज्ञान दिवस (गोने ङ्ञा) »