११ दिन पछि इजरायल र गाजाबीच युद्धविराम
तेलअविव – इजरायल र गाजा प्यालेस्टाइनबीच युद्धविराम भएको छ । द्वन्द्व सुरुवात भएको ११ दिन पछि युद्धविरामको सहमति गरेका हुन् ।दुई देशबीचको सहमतिअनुसार स्थानीय समय अनुसार शुक्रवार बिहान २ बजे देखि युद्धविराम गर्ने निर्णय गरेको हो ।
युद्धविरामलाई लिएर अन्तर्राष्ट्रिय समुदायले पनि त्यसको स्वागत गरेका छन् ।
अमेरिकी राष्ट्रपति जो बाइडेनले दुई देशबीचको युद्धविरामप्रति खुशी व्यक्त गरेका छन् । अमेरिकाले आफू गाजाको पुनर्निमाणका लागि संयुक्त राष्ट्रसंघसँग मिलेर काम गर्न तयार रहेको बताएका छन् ।
मे १० देखि सुरु भएको दुई देशबीचको द्वन्द्वमा प्यालेस्टाइनको गाजा क्षेत्रमा ६५ बालबालिकासहित कम्तीमा २३२ जनाको ज्यान गएको छ भने हमासको आक्रमणबाट इजरायलतर्फ १ बच्चा , ३ जना बिदेशी कामदार सहित १२ जनाको ज्यान गएको छ ।
बिदेशी कामदारमा १ जना भारतीय महिला (केयरगिभर) र २ जना थाइल्याण्डका नागरिकको मिर्त्यु भएको थियो |
संयुक्त राष्ट्रसंघका अनुसाार युद्धका कारण ९१ हजार जना विस्थापित भएका छन् ।
युद्धबिराम भए संगै नेपाली कामदारहरुले पनि खुशी व्यक्त गरेका छन् |
इजरायलमा बिगत लामो समयदेखि कार्यरत बी बी लामा तामाङले फेसबुकमा लेखेका छन् “इजरायल र हमास इस्लामिक जीहाद (गाजा /प्यालेस्टाइन) भएको लड़ाई ११ दिनपछि हिजो रातको २ बजेदेखि (शुक्रबार) लागु हुने गरि युद्धविराम भएको छ । अब चाहिँ शान्ति पाउने भयो, त्रास र मनले । खुशी लागेको छ ।”
