हेडलाईन

इजरायल घेदुङको सातौं अधिवेशनबाट अध्यक्षमा पेमा लामा पाख्रिन तामाङ चयन         इजरायलमा चासोक तङ्नाम (उधौली/न्वागी पुजा ) येले तङ्बे ५०८१ भव्यताको साथ मनाउने         इजरायलमा राष्ट्रिय पर्व तमू ल्होसार २०७८ भव्यताको साथ मनाउने         नेफिन दक्षिण कोरियाको अध्यक्षमा विक्रम राना निर्बिरोध चयन         नेपाल तामाङ घेदुङ कुवेतको छैटौं अधिवेशनबाट अध्यक्षमा नाराण ग्लान तामाङ निर्विरोध चयन         तामाङ समाज स्पेनको अध्यक्षमा अजय लोप्चन तामाङ         इजरायलमा पाँचौ संस्करणको वलिहाङ कप २०२१ फुटबल खेल हुदै         बागमती प्रदेशको सामाजिक विकास मन्त्रालयमा कुमारी मोक्तान तामाङ नियुक्ति         इजरायलमा नेपाल सम्बत ११४२ स्वन्ति नख: तथा म्ह:पुजा कार्यक्रम हुदै         प्रवासी सृजनशील महिला समूह इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेपाली समाज (नेसो)इजरायलले “सुज”अभियान कार्यक्रम गर्दै         जनसंम्पर्क समिति इजरायलले चाडपर्वको अवसरमा शुभकामना आदानप्रदान कार्यक्रम गर्दै         नेफिन:अन्तर्राष्ट्रिय प्रवास समन्वय समिति गठन         इजरायल घेदुङको सातौं वार्षिकोत्सव तथा एकता दिवस साथै अधिवेशन हुदै         इजरायल जान यसरी ११७५ जनाको नामावली सार्वजनिक (छनौटको भिडियो सहित)        

६० लाख यहुदीको नरसंहार गरेका हिटलर र यहुदी बालिकाबीच मित्रताको त्यो कथा

एक बालिकालाई झुकेर माया गर्दै गरेका यी व्यक्तिको तस्बिर झट्ट हेर्दा निकै राम्रो लाग्छ । तर सन् १९३३ मा लिइएको यो तस्बिरका पछाडिको कथा अलिक मार्मिक छ । तस्बिरमा देखिन्छन् जर्मन तानाशाह एडल्फ हिटलर, जसले ६० लाख यहुदीको नरसंहार गरेका थिए । अनि तस्बिरकी यी बालिका हुन् यहुदी मुलकी बालिका रोजा बनाईल निनाओ ।

वरिष्ठ नाजी अधिकारीहरुले हस्तक्षेप गर्दासम्म हिटलर र यी बालिकाबीच गहिरो मित्रता भइसकेको थियो । तर पछि त्यो अन्त्य भयो ।

अमेरिकाको मेरिल्याण्डस्थित अलेक्जाण्डर ऐतिहासिक लिलामी संस्थाका अनुसार फोटोग्राफर हेनरिक हाफम्यानले यो तस्बिर खिचेका थिए । यही तस्बिर गत मंगलबार अमेरिकामा ११ हजार ५ सय २० अमेरिकी डलरमा लिलाम भयो ।

लिलाम गर्ने बिल प्यानागोपुलसले बेलायती अखबार डेली मेलसँग भनेका छन्, ‘हस्ताक्षरित यो तस्बिरलाई यसअघि कसैले पनि देखेको थिएन ।’

यो तस्बिरको मुख्य विशेषता के हो भने यसमा बालिका र हिटलरबीचको सम्बन्ध वास्तविकजस्तै लाग्छ । बिल भन्छन्, ‘हिटलर अक्सर बालबालिकाका साथ प्रोपोगान्डाको उद्देश्यले फोटो खिचाउँथे ।’

हिटलरको माया

२० अप्रिल हिटलरको जन्मदिन हो । सोही दिन उनको यी बालिकासँग भेट भएको थियो । लिलामी गर्ने वेबसाइटका अनुसार २० अप्रिलका दिन रोजाको पनि जन्मदिन थियो । त्यो दिन उनी आमा क्यारोलिनसित हिटलरको निवास बर्गोफबाहिरको भीडमा सामेल थिइन् । जब हिटलरले त्यो दिन रोजाको पनि जन्मदिन भन्ने थाहा पाए, आमाछोरीलाई आफ्नो घरमा निम्त्याए, जहाँ यो तस्बिर लिइयो ।

केही समयपछि थाहा भयो, क्यारोलिनको आमा यहुदी थिइन् । तर यसले हिटलर र रोजाबीचको मित्रतामा केही फरक पारेन । हिटलरले यो तस्बिर आफ्नो हस्ताक्षरका साथ रोजालाई पठाएका थिए ।

उनले तस्बिरमा लेखेका छन्, ‘प्रिय र रोजा निनाओ, एडल्फ हिटलर, म्युनिख, १६ जुन १९३३ ।’ पछि रोजाले तस्बिरमा आफ्नो छाप लगाइन् र कालो र सेतो रंगको फुल बनाइन् ।

१९३५ र १९३८ को बीचमा रोजाले हिटलर र उनका निकट सहयोगी विलहेम ब्रक्नरलाई कम्तीमा पनि १७ पटक चिठी लेखिन् । तर पछि हिटलरका निजी सचिव मार्टिन बर्मनले रोजा र उनकी आमालाई अबदेखि हिटलरसँग सम्पर्क नगर्न आदेश दिए ।
फोटोग्राफर हाफम्यानका अनुसार यो आदेशबाट हिटलर भने खुशी थिएनन् । आफ्नो पुस्तक ‘हिटलर माइ फ्रेन्ड’ मा हाफम्यानले लेखेका छन्, ‘त्यतिबेला हिटलरले मलाई भनेका थिए केही यस्ता मानिसहरु छन् जसको वास्तविक कला मेरो सम्पूर्ण खुशी बर्बाद गर्नु हो ।’

हाफम्यानले सन् १९५५ मा प्रकाशित गरेको उक्त पुस्तकमा बालिकासँगको अर्को तस्बिर पनि छ, जसको क्याप्सन छ– हिटलरको माया : उनी बालिकालाई बर्गोफ (हिटलरको निवास) मा देख्न रुचाउथे, तर पछि कसैले पत्ता लगाए कि बालिका आर्य वंशकी होइनन् ।’

हिटलरका निजी सचिवले रोजालाई हिटलरसँग सम्पर्क गर्न बन्द गर्ने आदेश दिएको एक वर्षपछि नै दोस्रो विश्वयुद्ध सुरु भयो । युद्धका क्रममा रोजाको पनि मृत्यु भयो । हिटलरसँगको पहिलो भेटको एक दशकपछि १९४३ मा म्युनिखको एक अस्पतालमा १७ वर्षको उमेरमा पोलियोका कारण रोजाको मृत्यु भएको थियो ।

बीबीसीबाट (कात्तिक ३०, २०७५)






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution