याम्बु -सागका दोहोरो स्वर्ण विजेता सुवास तामाङलाई एक स्ट्रोकले हराउँदै भुवन नगरकोटी सूर्य नेपाल सेन्ट्रल ओपनको उपाधि जित्न सफल भएका छन् ।

बिहीबार अन्तिम दिन २ ओभर ७४ अंक जोडे पनि समग्रमा ७ अन्डर २८१ को नतिजामा भुवनले उपाधि जितेका हुन् । अन्तिम अठार होलको खेलको सुरुवात गर्दा भुवनसँग दुई स्ट्रोकको अग्रता थियो । दनलाई चुनौती दिएका शुक्रबहादुर राईले ब्याक नाइनमा बिर्सनलायक खेले र उनी उपाधि होडबाट बाहिरिए ।

एमेच्योर खेलाडी सुवासले भने चुनौती दिए तर पनि भुवनले एक स्ट्रोकलर बाजी मारे । भुवनले फ्रन्ट लाइन दुई ओभर ३८ मा सकाए । बमताक नाइन इभन पार ३६ मा सकाउँदै दुई ओभर ७४ अंक जोडे । तेस्रो र चौथो दिन लगातार दुई ओभर खेलेपनि पहिलो दिनको आठ अन्डर र दोस्रो दिनको तीन अन्डरको प्रदर्शनले भुवन उपाधिको हकदार बने । उपाधिसँगै उनले एक लाख ३० हजार प्राप्त गरे ।

सुवासले एक अन्डर ७१ को समकोरकार्ड तयार पारे र समग्रमा आठ अन्डर २८२ को नतिजामा दोस्रो भए। उनी मात्र एक स्ट्रोकले चुके। सुवास एमेच्योरतर्फ च्याम्पियन बने । एमेच्योर सुवास दोस्रो हुँदा ५ ओभर ७७ अंक बनाएका शुक्र राईले समग्रमा दुई अन्डर २८६ अंकसहित तेस्रो स्थानमा चित बुझाए ।

उनले अन्तिम दुन बमयान नाइनमा बिर्सनलायक खेल खेले । उनले नगद ८४ हजार प्राप्त गरे । दुई ओभर ७४ अंकसहित समग्रमा दुई ओभर २९० अंक जोडेका सञ्जय लामा चौथो भए । उनले ६० हजार प्राप्त गरे । कुल ७ लाख २५ हजार नगद पुरस्कार राशिको चार दिने प्रतियोगितामा २१ खेलाडीले नगद पुरस्कार प्राप्त गरे । यो पटक ४४ प्रोफेसनल र १७ एमेच्योर खेलाडी गरी कुल ६१ खेलाडीको सहभागिता रहेको थियो । जुन टुरकै इतिहासमा सर्वाधिक खेलाडीको सहभागिता पनि हो ।