प्रवासी सृजनशिल महिला समूह इजरायलले पाँचौं वार्षिकोत्सव मनाउदै
तेलअविव | प्रवासी सृजनशिल महिला समूह इजरायलले आफ्नो स्थापनाको पाँचौं वार्षिकोत्सव कार्यक्रम आगामी १७ मार्च वुधवार वेलुकी साढे ८ बजे देखि जुम भर्चुअल अनलाइन मार्फत मनाउने तयारी गरेको छ ।
कोभिड १९ महामारीका कारण यस बर्षको बार्षिकोत्सव जुम भर्चुअल अनलाइन मार्फत मनाउने कार्यक्रममा द भ्वाइस अफ नेपाल सिजन १ का बिजेता गायक सिडी बिजय अधिकारी, गायिका मनिषा राई र स्थानीय कलाकारहरुको साथमा गीत संगीतबाट पनि भरपुर मनोरन्जन दिदै मनाउने तयारीमा छ |
“महिला स्वालम्वन तथा समाजसेवा” भन्ने मुल उद्देश्यका साथ इजरायलमा रहेका महिला दिदिबहिनीहरुद्वारा स्थापना गरिएको उक्त संस्थाले प्राकृतिक प्रकोपमा परेका, विभिन्न जघन्य रोगहरुबाट पिडित, दीनदुखीहरु र देश विकास लगायतका क्षेत्रहरुमा सहयोग पुर्याउदै सामाजिक कामहरु गर्दै आइरहेको छ ।
उक्त कार्यक्रममा सहभागिताको लागि आयोजकले इजरायलवासी सम्पूर्ण नेपालीहरुमा हार्दिक अनुरोध गरेको छ ।