याम्बु – कोरोना संक्रमितको कारण नेकपाका केन्द्रिय सदस्य,दक्षिण कोरियाको लागि नेपालको पुर्वराजदुत तथा पुर्वसांसद कमान सिंह लामाको निधन भएको छ |

कोरोना संक्रमित भएर केहि समय अघिदेखि शिक्षण अस्पताल महाराजगन्ज,कोरोना उपचार सेक्सन ‘गणेशमान बिल्डिङ’मा उपचार गर्दै आउनु भएको थियो |

स्वगिय लामा २०४८ सालको संसदीय चुनाबमा काभ्रे निर्वाचन क्षेत्र – ३ बाट सयुक्त जनमोर्चाको तर्फबाट सांसदमा प्रत्यक्ष निर्वाचित हुनुभएको थियो |

नेपाल सरकारले वहाँलाई दक्षिण कोरियाको लागि सन्  २०१२ देखि सन् २०१६ सम्म चार बर्षको लागि राजदुत नियुक्ति गरेका थिए | वहाँले आफ्नो कार्यकाल सफलतापुर्वक पुरा गरेका थिए |

स्वगिय लामा गरिब दिनदुखी तथा आदिवासी जनजातिको पहिचान,हकहित र अधिकारको सवालमा अग्रपंतिमा रहेर आफ्नो आवाजलाई बुलन्द पार्दै आउनु भएको थियो |