हेडलाईन

नेफिन:अन्तर्राष्ट्रिय प्रवास समन्वय समिति गठन         इजरायल घेदुङको सातौं वार्षिकोत्सव तथा एकता दिवस साथै अधिवेशन हुदै         इजरायल जान यसरी ११७५ जनाको नामावली सार्वजनिक (छनौटको भिडियो सहित)         इजरायलमा मणि पूजा तथा प्रवचन कार्यक्रम हुदै         डिभी लटरी आजबाट खुल्यो         नेपाली काँग्रेसका १४ औँ महाधिवेशनअन्तर्गत जिल्ला सभापतिमा तामाङद्वय निर्वाचित         नेपाल तामाङ कलाकार संघको अध्यक्षमा बिश्व दोङ निर्वाचित         इजरायलमा नेपाली चाडपर्वहरुको अवसरमा शुभकामना आदानप्रदान कार्यक्रम हुदै         जसपा नेपालको प्रबास विशेष प्रदेश समितिले संगठन सुदृढीकरण तथा जनजागरण अभियान अभिमुखीकरण कार्यक्रम गर्ने         नेवा: खल: इजरायलले चोथा: पूजा तथा हरितालिका तीजको शुभकामना आदानप्रदान कार्यक्रम गर्दै         आज तामाङ पहिचान तथा ज्ञान दिवस (गोने ङ्ञा)         इजरायल घेदुङले तामाङ पहिचान र ज्ञान दिवसको अवसरमा अन्तरक्रिया कार्यक्रम गर्दै         नेपाली समाज इजरायलको प्रथम अधिवेशनबाट अध्यक्षतामा अनिला तामाङ चयन         इजरायलमा २७ औं विश्व आदिवासी दिवस अनलाइन भर्चुअल मार्फत मनाउने         इजरायलमा भारतको ७५ औं स्वतन्त्रता दिवसको अवसरमा फुटसल प्रतियोगिता हुने        

कुलमान घिसिङलाई निरन्तरता दिनुपर्ने पक्षमा प्रचण्ड

याम्बु  । नेपाल विद्युत प्राधिकरणका प्रबन्ध निर्देशकमा कुलमान घिसिङलाई निरन्तरता दिने विषयमा सरकारले कुनै पनि निर्णय नगरेको सरकार प्रवक्ता तथा अर्थमन्त्री डा. युवराज खतिवडाले प्रष्ट्याएका छन् ।

बिहीबारको नियमित पत्रकार सम्मेलनमा संचारकर्मीहरुको प्रश्नको जवाफ दिंदै अर्थमन्त्री डा. खतिवडाले यस्तो प्रष्टीकरण दिएका हुन् ।

उनले कुलमान घिसिङलाई सामाजिक सञ्जालले नियुक्त गरेको, तर सरकारले नगरेको समेत बताए । ‘सामाजिक सञ्जालले दिएको नियुक्तिको विषयमा सरकारलाई थाहा हुने कुरा भएन ।’ संचारमन्त्री समेत रहेका डा. खतिवडाले थपे-‘प्राधिकरणको प्रबन्ध निर्देशक नियुक्ति सम्बन्धी अजेण्डा क्याबिनेटमा पेश नै भएको छैन ।’

यसअघि विभिन्न सामाजिक सञ्जाल र केही अनलाइन मिडियाहरुमा समेत कुलमानलाई प्राधिकरणमा प्रबन्ध निर्देशकको रुपमा निरन्तरता दिइएको समाचार प्रकाशन भएको थियो । यतिसम्म कि कतिपय क्याबिनेट मन्त्रीहरुले नै कुलमान नियुक्त भइसकेका सूचना संचारमाध्यमलाई दिएका थिए, तर ती सबै झुठा साबित भएका छन् ।

कुलमानको निरन्तरता सम्बन्धी समाचार आउन थालेपछि उर्जामन्त्री वर्षमान पुनले सो विषय झूठा रहेको सोही बेला प्रष्टीकरण दिएपछि सामाजिक सञ्जालमा फैलिएको भ्रम चिरिएको थियो ।

अध्यक्ष विभाजित

सत्तारुढ दल नेकपाको सचिवालयका एक सदस्यका अनुसार कुलमानलाई विद्युत प्राधिकरणको प्रबन्ध निर्देशकको रुपमा निरन्तरता दिने या नदिने विषयमा पछिल्लो समय दलका अध्यक्ष केपी शर्मा ओली र कार्यकारी अध्यक्ष प्रचण्डबीच नै मत बाझिएको छ । प्रचण्ड कुलमानले प्राधिकरणको नेतृत्व हाँकेर राम्रो काम गरेका भन्दै उनलाई निरन्तरता दिनुपर्ने पक्षमा छन् । तर, केपी ओली भने सरकारलाई समेत दवाब दिने उद्देश्यले सामाजिक सञ्जालको दुरुपयोग गरी कुलमानले अभियान चलाएका भन्दै उनीप्रति असन्तुष्ट छन् । सामाजिक सञ्जालमा दवाब दिएपछि सरकारलाई समेत घूँडा टेकाउन सकिन्छ भन्ने गलत नजिर बस्न नदिने भन्दै ओलीले कुलमानलाई निरन्तरता दिन नसकिने विषयमा अडान लिइरहेका ती नेताले जानकारी दिए ।

‘संभवत दुई–तीन दिनमै दुई अध्यक्षबीच यो विषयमा कुनै सहमति बन्ला । प्राधिकरणको प्रबन्ध निर्देशक नियुक्तिको विषय ठूलो इस्यू पनि होइन ।’ ती सचिवालय सदस्यले भने-‘कुलमान नै आउँछन् वा आउदैनन् भन्ने विषयमा अहिले नै केही भन्न सकिने अवस्था छैन ।’

कुलमानको कार्यकाल भदौ २९ गते सकिँदैछ । सरकारले त्यसअघि नयाँ प्रबन्ध निर्देशक वा पुरानैलाई निरन्तरता दिने विषयमा निर्णय लिनुपर्ने हुन्छ । पर्याप्त समय रहेकोले समेत सरकारले यसमा हतारो नगरेको देखिन्छ ।

पछिल्लो समय कुलमानलाई निरन्तरता दिने पक्षमा उर्जामन्त्री वर्षमान पुन पनि सकारात्मक छैनन् । उनले प्रस्ताव नलगी मन्त्रीमण्डलबाट कुलमानलाई निरन्तरता दिने विषयमा कुनै निर्णय हुन सक्दैन ।

पछिल्लो समय कतिपय जलमाफिया तथा विगतमा विद्युत प्राधिकरणलाई डूबाउन अग्रसरहरुबाट कुलमानलाई दोहोर्याउन नहुने भन्दै सरकारमाथि निरन्तर दवाब सिर्जना भइरहेको समेत स्रोतहरु बताउँछन् ।

यता, सामाजिक सञ्जालमा सर्वसाधारणहरु भने कुलमानलाई नै प्राधिकरणको नेतृत्व दिनुपर्ने आवाज उठाइरहेका छन् । यतिसम्म कि देशका कतिपय क्षेत्रका युवाहरु त कुलमानको पक्षमा सडक प्रदर्शनमै उत्रिसकेका छन् । ती प्रदर्शन कुलमानबाटै प्रायोजित हुन या होइनन् भन्ने चाहिँ खुलिसकेको छैन ।

कुलमानले भने आफूले सामाजिक सञ्जालमा कुनै अभियान नचलाएको र सरकारलाई दवाब समेत नदिएको प्रष्ट पारिसकेका छन्@बिजशाला






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution