संघीय लिम्बुवान सामाजिक मञ्च इजरायलको अध्यक्षमा प्रकाश पाहिम चयन
तेलअविव । संघीय लोकतान्त्रिक राष्ट्रिय मञ्च तथा संघीय लिम्बुवान मञ्च नेपालको प्रवास समिति संघीय लिम्बुवान सामाजिक मञ्च इजरायलको दोश्रो अधिबेशन सम्पन्न भएको छ ।
मंचको अध्यक्ष माया चेम्जोङ् आङ्देम्बेको सभापतित्वमा भएको कार्यक्रममा प्रमुख अतिथि केन्द्रिय अध्यक्ष कुमार लिङ्देन मिराक,बिशेष अतिथिहरुमा केन्द्रीय उपाध्यक्षहरु, महासचिव, उपमहासचिवहरु,विभिन्न देशबाट संघीय लिम्बुवान सामाजिक मञ्चको अध्यक्ष तथा प्रतिनिधिहरु,इजरायलमा क्रियाशिल राजनैतिक,धार्मिक,सामाजिक,आदिवासी जनजाती संथासंस्थाका प्रतिनिधि र मिडियाकर्मिहरुको सहभागी रहेको थियो ।
अधिवेशनबाट प्रकाश पाहिम अध्यक्षमा १३ सदस्यीय नयाँ कार्यसमितिको चयन गरेको छ । जसअनुसार अध्यक्ष प्रकाश पाहिम,बरिष्ठ उपाध्यक्ष प्रताप मादेन, उपाध्यक्षहरु दुर्गा चोङ्बाङ्, इन्दु लावती, महासचिव गीता तुम्बाहाम्फे, सचिव संगीता आङ्थुपो, कोषाध्यक्ष धनु देवान ,सदस्यहरु प्रविण आङबुङ, बसन वनेम, सुदिप आङ्बुहाङ्, खुमा मगर लिम्बू, रोजी मगर चयन भएका छन् ।
विश्व महामारी कोरोनाको कारण सामाजिक संजाल जुमबाट सम्पन्न भएको कार्यक्रममा नयाँ कार्यसमितिमा निर्वाचितहरुलाई प्रमुख अतिथि कुमार लिङ्देन मिराक लगायतले बधाई तथा शुभकामना दिएका थिए ।
कार्यक्रम गीता तुम्बाहाम्फे फुदोङ्ले संचालन गरेकी थिईन् ।