इजरायलबाट प्रधानमन्त्री के पी शर्मा ओलीलाई ज्ञापन पत्र
तेलअविव – नेपाली जनसमपर्क समिति इजरायलले नेपाली राजदुतावास इजरायल मार्फत नेपाल सरकार तथा सम्माननीय प्रधानमन्त्री केपी शर्मा ओलीलाई ज्ञापन पत्र बुझाएको छ।
जनसम्पर्क समिति इजरायलको सभापति खगेस्वर अधिकारीको नेतृत्वमा उपसभापति दिपिका भुषाल,महामन्त्रीद्धय राज छत्कुली ,सुर्य बहादुर राना,सल्लाहकार सुरेन्द्र प्रसाइ र लक्षुमण न्येउपाने उपस्थित रहेको थियो ।
जनसम्पर्क समिति इजरायलको सभापति खगेस्वर अधिकारीले ज्ञापन पत्र इजरायलको लागि नेपाली राजदुत डा.अन्जान शाक्यलाई हस्तान्तरण गरेको हो ।
ज्ञापन पत्रको पूर्ण अंश
मिति :१६/ ०६/ २०२०
सम्माननीय प्रधानमन्त्री के पी शर्मा ओली ज्यु
प्रधानमन्त्रीको कार्यालय, सिंह दरबार काठमान्डौ नेपाल
मार्फत
नेपाली राजदूवासको कार्यालय, तेलअभिव इज़रायल ।
बिषय : ज्ञापन पत्र
सम्माननीय प्रधानमन्त्री ज्यु करिब ६ महिना अगाडि चाइनाको वुहान प्रान्तबाट शुरु भएको कोभिड-१९ अर्थात् कोरोना भाइरसले संसारका धेरै देशमा अत्याधिक प्रभाव पारेको छ र यस महामारीको चपेटाबाट नेपाल पनि अछुतो रहन सकेको छैन । जसको कारण आज आम नेपालीहरुले त्यसको नियती भोगिरहनु परेको तथ्य जगजाहेर नै छ । कोरोना भाइरसका कारण युरोप, अमेरिका लगायतका दर्जनौं देशमा जनजिवन प्रभावित भएदेखि नै नेपाली कांग्रेसले सदनमा यसको तयारीबारे विशेष आह्वान गरेको , साथै सर्वदलीय बैठकमा समेत नेपाली कांग्रेसका सभापति आदरणीय शेरबहादुर देउवाले सरकार समक्ष जतिसक्दो चाँडो तयारी तीब्र गर्नुपर्ने, विदेशमा रहेका नेपालीहरुलाई छिटो नेपाल फर्काउनुपर्ने, उपचार र परिक्षणको दायरा बढाउनुपर्ने, क्वारेनटाइनको व्यवस्थापन का सम्बन्धमा सम्भव भए बिस्व स्वास्थ्य सङ्गठन ले निर्धारण गरेको मापदण्ड अनुरुप यदि सम्भव नभए न्युनतम पुर्बाधार सम्पन्न क्वारेन्टाइनको ब्यबस्था गर्नुपर्ने लगायतका कुरामा जोड दिदै आउनु भएको यहाँमा अवगत नै छ । यसै कामका लागी नेपाली कांग्रेसले कोरोना नियन्त्रणका लागि बनाइएको कोषमा ५० लाख रुपैयाँ सहयोग गरेको कुरा स्मरण गराउन चाहन्छौं। अहिलेसम्म कोरोना रोकथामको लागि भनेर करिब १० अर्ब रुपैयाँ खर्च भैसकेको दाबी नेपाल सरकारले गरेको छ । तर पनि जनताको पीडा यति धेरै दर्दनाक छ कि आँफ्नै देशमा तेस्रो मुलुकको जस्तो नागरिक भएर बाँच्न बाध्य हुनु परेको छ। नेपाली कांग्रेसले कोरोनाको समय अबधिमा १० अर्ब खर्च भएको कुरा संसदमा उठाएको बिषयलाई प्रधानमन्त्री जस्तो गरिमामय कुर्ची बाँट संसदको रोस्टममा, बिषयलाई अन्तै मोडेर ठटेउली र तथ्यहीन कुरा गर्दै पीडित जनता माथी नुनचूक छर्किने काम भएको छ। यो जनादेशको घोर अपमान भएको यस समितिले महसुस गरेको छ।
करिव ८२ दिनसम्म लकडाउन हुँदा काम गरेर खाने निम्न बर्ग अत्यान्तै प्रभावित भएको हुँदा बैंकको किस्ता, ब्याज, घर खर्च र समान्य औषधि उपचार गर्न नसकेर र परिस्थिति संग जुध्न नसकेर करिब १,००० भन्दा धेरैले आत्महत्या गर्न बाध्य भएका ति बास्तबिक जनता जसरि गुज्रीएका छन उनिहरुको त्यो दयनिय नाजुक दैनिकिको मर्म र भावनामा स्मरण गराउँन चाहान्छौ । काठमाडौँ जस्तो राजधानीको मुख्य चोक र सडकमा भोक र तिर्खाले भौतारिदै पिठ्युंमा डोको र थाप्लोमा नाम्लो सहित मृत्यु बरण हुन बाध्य भएका ति बास्तविक जनताको चीत्कार यो सरकारले सुन्न र महसुस गर्न नसक्नु मानवीय संवेदना विपरीत छ ।
त्यत्ति मात्र नभएर आजको २१औ शताब्दीमा कम्युनिस्टको नारा बोकेर सत्तामा पुगेको सरकारले यही बन्दाबन्दीको समयमा रुकुम घटनामा कायरतपूर्ण हत्याको निर्लज्ज ढाकछोप गर्न आफ्ना नेता कर्याकर्तालाई उक्साएको छ भने , आफू मुकदर्शक भएर रमिता हेरिरहेको छ । जुन निन्दनीय र घोर आपत्तिजनक छ । कैलालीको क्वारेनटाइनमा स्वास्थ्यकर्मी द्घारा भएको बल्तकारको जघन्य अपराधीहरु लाइ कानुनी दायरामा लेराइ कारबाही गर्न र यस्ता तमाम घटनाका दोषी उपर कडा भन्दा कडा कारबाहीको माग यो समिति गर्दछ । साथै हरेक तथ्य लुकाएर, जनता रुवाइ आँफ्ना कर्याकर्ता मात्र पोस्ने र राष्ट्रवादको उग्र नारा मात्र जप्ने अहिलेको सरकारले जनताको हरेक समस्यालाई मजाकमा उडाएकोले सरकारमा जनादेश र आम जनतको सवालमा उच्च नैतिक धरातलमा रहेर कार्य सम्पादन गर्न हुन नेपाली जनसम्पर्क समिति इजरायल परिवार जोडदार माग गर्दछौ ।
जय नेपाल ।
बोधार्थ
नेपाली कांग्रेस केन्द्रिय कार्यलय बी पी स्मृति भवन
ललितपुर नेपाल ।
खगेस्वर अधिकारी
सभापति
नेपाली जनसम्पर्क समिति इजरायल ।
राज छत्कुली
महामन्त्री
नेपाली जनसम्पर्क समिति इजरायल ।