हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

अन्तरजातीय बिहेको निहुँमा हत्या, यसरी सुरु भयो प्रेम सम्बन्ध

गत वर्ष रुकुम पश्चिमको चौरजहारीमा रनिङ सिल्ड थियो । जाजरकोट भेरी नगरपालिका–४, रानागाउँका १९ वर्षीय नवराज विक पनि उक्त प्रतियोगितामा सहभागी थिए । त्यतिबेला रुकुम पश्चिम चौरजहारी नगरपालिका–८, सोतीकी सुष्मा मल्लसँग प्रेम सम्बन्ध गासियो । प्रेम सम्बन्धमा बाँधिएका उनीहरू विवाह गर्ने निर्णयमा पुगे । उक्त निर्णय उनीहरूका लागि सहज थिएन । फलामको चिउरा चपाउनु जस्तै जब्बर र कठिन थियो । तर दुवैको सहास र आँट थपियो ।

अन्ततः विवाहका लागि शनिबार राति नवराव साथीभाईलाई लिएर सुष्माको घर पुगे । राति करिब सवा १० बजे सुष्मालाई भगाउन लाग्दा घरपरिवारले गाउँले गुहारे । वडाध्यक्ष डम्बरबहादुर मल्लको नेतृत्वमा गाउँलेले नवराज र उनका साथीलाई ढुंगामुडाले लखेटे । प्रेमी प्रेमिकाको सम्बन्धलाई श्रीमान् श्रीमतीको नातामा बदल्ने नवराजको सोचाइ सदाका लागि पूर्णबिराम लाग्यो । गाउँलेको लखेटाइबाट उनी भेरी नदीमा बगेर ज्यान गुमाउन बाध्य भए । उनीसँगै गएका अर्का एकजना पनि साथीका लागि बलिदानी दिए । अरु पाँचजना अहिले पनि बेपत्ता छन् भने १२ जना हिरासतमा छन् ।

स्थानीयले करिब राति एक बजे भेरी नदीमा शव भेटाएको भिडियो नागरिकलाई प्राप्त भएको छ । बग्दै गरेको शव स्थानीय एक युवाले सामाजिक सञ्जालमार्फत् लाइभसमेत गरेका छन् । प्रेम सम्बन्धमा जोडिएको हप्ता दिनपछि केटी (सुष्मा) आफ्नो घर आएको नवराजका बुवा मुनलालले बताए । त्यहाँ उनले सुष्मालाई जात मिल्दैन, फेरि तिम्रो उमेर पनि सानो छ । बालविवाह लाग्छ भन्दै सम्झाएका थिए ।

‘यति सम्झाउँदा नमानेर फेरि केटीलाई आफ्नो भाईलाई मेरो घरमा पठाइन्,’ उनले भने, ‘एक हप्तासम्म बसेर गए ।’ पुसमा थाप्लेमा लाग्ने रमाइलो मेला पनि नवराज र सुष्मा भेटिएको उनको भनाइ छ । ‘शनिबार म घरमा थिएन,’ उनले भने, ‘आमा (उर्मिला) लाई बुहारी ल्याउँछु भनेर निस्केको रहेछ । तर फर्केर आएन ।’ यता इलाका प्रहरी कार्यालय चौरजहारीका प्रहरी निरीक्षक धर्मसिंह विष्टले भने गाउँले लखेटे पछि केटा पक्ष भागेको बताए । ‘केटी पक्षकाले सम्झाउँदा पनि नमानेर जबरजस्ती केटी लिन केटा आएका रहेछन्,’ उनले भने, ‘केटीकी आमा कराएपछि गाउँले जम्मा भए ।’

केटा पक्षका पाँचजना बेपत्ता भएको उनले बताए । उनका अनुसार चौरजहारी नगरपालिका–८, का वडाध्यक्ष डम्बरबहादुर मल्लसहित केटीका बुवा, आमा र केटीलाई प्रहरीले पक्राउ गरेको छ । केटा पक्षका १२ जना पनि पक्राउ गरिएको उनले जनाए ।

प्रहरीमा नाम निकालेका थिए

१२ कक्षासम्म पढेका नवराज नेपालगन्जबाट नेपाल प्रहरी जवान पदका लागि लिइएको लिखित परीक्षामा नाम निकालेका थिए । बन्दाबन्दी (लकडाउन) भएपछि मौखिम परीक्षा रोकिएको थियो । ‘छोरालाई धेरै पढाउन नसकेपछि जागिरमा लगाउने तयारी गरेको थिए,’ मुनलालले भने ।

एक्ला छोरा नवराज

मुनलालका चार सन्तानमध्ये नवराज एक्ला छोरा हुन् । उनीभन्दा अगाडि दुई दिदी र पछाडि एक बहिनी छन् । बहिनी र दिदीको विवा भइसकेको छ । उनी भने आफ्नो खुट्टामा उभिएर मात्र विवाह गर्न चाहान्थ्ये । संयोग पनि उस्तै थियो । उनले नेपाल प्रहरीको लिखित परीक्षमा नाम निकाले थिए । मौखिममा नाम निकाल्नेमा उनी ढुक्क थिए ।

जातीय छुवाछुतमुक्त जिल्ला

दुई वर्ष अघि रुकुम पश्चिमका सबै स्थानीय जातीय छुवाछुत तथा सामाजिक सद्भाव युक्त नगर घोषणा गरिएका थिए । २०६४ साल जेठ २१ गते नेपाललाई नै जातीय छुवाछुतमुक्त घोषणा गरिए पनि त्यसको पूर्ण कार्यान्वयन हुन नसक्दा यहाँका स्थानीय तहलाई जातीय छुवाछुत तथा सामाजिक सद्भाव युक्त नगर घोषणा गरिएको थियो ।

जातीय रङ दलेर भएको घटनाले जातीय छुवाछुतको नाङ्गो रूप देखाएको छ । जातीय विभेद् अन्त्य नभई जब्बरै रहेको उक्त घटनाले पुष्टि गरेको दलित अधिकारकर्मी तिलक परियारले जानकारी दिए । ‘यो घटनालाई राजनीतिकरण गर्न खोजिएको छ,’ उनले भने, ‘अपराधिक घटनालाई ढाकछोप होइन दण्डित गरिनु पर्छ ।’

जनयुद्धको उद्गम थलो

फागुन १ गते नेकपा (माओवादी) ले सशस्त्र क्रान्ति सुरु गर्‍यो । जातीय छुवाछुत र विभेदमा पिल्सिएका हजारौं उक्त क्रान्तिमा होमिए । गाउँ समाज रुपान्तरणमा परिवर्तन पनि आयो । तर त्यसको प्रत्याभूति दलित समुदायले गर्न पाएनन् । यसको उदाहरण रुकुम पश्चिमको घटनाले पुष्टि गर्छ । तत्कालीन नेकपा माओवादीले जनयुद्धको ठूलो उपलब्धि जातीय छुवाछुत र विभेद अन्त्यलाई लिन्छ । तर यो घटनाले जनयुद्धको उपलब्धिलाई नै चुनौती दिएको छ ।

अधिकारकर्मी, सांसद मौन

अमानवीय घटनामा यहाँका दलित अधिकारकर्मी, प्रदेश तथा संघीय सांसद र स्थानीय जनप्रतिनिधि मौन छन् । उनीहरूले घटनाका विषयमा केही प्रतिक्रिया दिएका छैनन् । रुकुममा एक प्रतिनिधिसभा सदस्य, एक राष्ट्रियसभा सदस्य, चारजना प्रदेशसभा सदस्य जसमा एक जना कर्णाली प्रदेशका मन्त्रीसमेत छन् । प्रदेश सांसदमध्ये एकजना दलितका सांसद हुन् । रातो कामी प्रत्येक्ष निर्वाचित भएका हुन भने प्रदेश सांसद गोपाल शर्मा सोही (चौरजहारी) नगरपालिकाका वासी हुन् ।

प्रहरीको भूमिका शंकास्पद

यो घटनामा प्रहरीको भूमिका शंकास्पद देखिएको छ । उनले केटी पक्षको वयानमा आधारमा सम्बन्धको बारेमा जानकारी गराउने र यथार्थ लुकाउने गरेको बताइएको छ । प्रहरीले नवराज र सुष्माबीच सम्बन्ध रही आए पनि सम्बन्धमा बारेमा जानकारी गराएन । प्रहरीले भगाएर जबरजस्ती विवाह गर्न लागेको खुलाउँदा घटना कमजोर हुन सक्ने पीति पक्षको भनाइ छ @ नागरिक न्युज






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution