हेडलाईन

इजरायलमा मणिपूजा प्रवचन कार्यक्रम हुदै         इजरायलमा मंगोलियन हार्ट लाईभ कन्सर्ट सम्पन्न,राजु लामालाई दोसाल्ला ओढाएर सम्मान         लोकप्रिय गायक राजु लामा सहित मंगोलियनहार्टका कलाकारहरु इजरायल आईपुगे         इजरायलमा महाकबि सिद्धीदास महाजूको १५५ औ जन्म जयन्तीको अबसरमा साहित्यिक कार्यक्रम हुदै         नेपाल तामाङ घेदुङ बहराईनको ५ औं अधिवेशनबाट अध्यक्षमा श्रवण बम्जन तामाङ चयन         भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग        

नेपालमा संक्रमितको संख्या ४८ पुग्यो,भोजपुरमा पनि कोरोना संक्रमित भेटिए

नेपालमा संक्रमितको संख्या ४७ पुग्यो

याम्बु  । बिहीबार फेरि कोरोनाभाइरसको थप दुई जना संक्रमित थपिएका छन् । उदयपुरकी ५५ वर्षीया महिला र जनकपुरका १४ वर्षीय किशोरमा कोरोना संक्रमण पुष्टि भएको हो । योसँगै संक्रमितको संख्या ४७ पुगेको छ। स्वास्थ्य मन्त्रालयका प्रवक्ता विकास देवकोटाले उदयपुरबाट संकलन गरिएको नमुना राष्ट्रिय जनस्वास्थ्य प्रयोगशालामा परीक्षण वर्ष ५५ वर्षीया महिलामा संक्रमण पुष्टि भएको जानकारी दिए ।
यस्तै जनकपुरका १४ वर्षीया पुरुषमा पनि संक्रमण पुष्टि भएको उनले बताए । उनले संक्रमित सबैको स्वास्थ्य अवस्था सामान्य रहेको पनि जानकारी दिए ।

यसैगरी आजै पाटन अस्पतालको आइसोलेनमा उपचार गराइरहेका दुई जना निको भएर घर फर्किएका छन् । उनीहरु पेप्सिकोलास्थित सनसिटी अपार्टमेन्टका हुन् ।

योसँगै कोरोना निको भएर घर फर्किनेको संख्या ९ जना पुगेको छ ।त्यस्तै मन्त्रालयले पीसीआर र आरडीटी विधिबाट हालसमम ४३ हजार ७२२ जनाको परीक्षण गरीएको जनाएको छ ।

 पछिल्लो उपडेट : संक्रमितको संख्या ४८ पुग्यो

भोजपुरमा पनि एक जनामा कोरोनाभाइरस संक्रमण पुष्टि भएको छ ।धरानस्थित विपी कोइराला स्वास्थ्य विज्ञान प्रतिष्ठानमा गरिएको पीसीआर परीक्षणमा भोजपुरका २६ वर्षीय पुरुषमा कोरोनाभाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

ती पुरुष गत फागुन ३० मा साउदी अरबबाट नेपाल फर्किएका थिए ।आजैमात्रै धनुषा र उदयपुरमा थप दुई जनामा कोरोनाभाइरसको संक्रमण पुष्टि भएको थियो । सोसँगै नेपालमा कोरोना संक्रमितको संख्या ४८ पुगेको छ । यस्तै संक्रमितमध्ये १० जना भने निको भएर घर फर्किसकेका छन् ।

उदयपुर- त्रियुगा नगरपालिका ३ भुल्केस्थित मस्जिदका ११ भारतीयसहित १३ जना धर्म प्रचारकमा वैशाख ५ गते पहिलो पटक कोरोना भाईरस (कोविड–१९) संक्रमण पुष्टि हुँदा धेरैको प्रतिक्रिया थियो ‘भारतीय नागरिकले कोरोना ल्याएर उदयपुरलाई स्वाहा बनाए।’ कतिले त सामाजिक सञ्जालमा अपशब्द प्रयोग गरेर पोष्टसम्म गर्न भ्याए। त्यसयता दैनिकजस्तो संक्रमित थपिदै अहिलेसम्म बुधबारसम्म २८ जना पुगिसकेको छ। बिहीबार स्वास्थ्य मन्त्रालयले सार्वजनिक गरेको संक्रमित ५५ वर्षीया भुल्केकी बृद्धाको विवरण चाँही बुधबारै पठाइएको जिल्ला स्वास्थ्य कार्यालय उदयपुरले जनाएको छ।

मस्जिदमा रहेका १२ भारतीयसहित १६ जना सबैको स्वाव (पिसिआर) परीक्षण गर्नुअघि गरिएको दु्रत लक्षण परीक्षण (आरडिटी) को रिपोर्ट भने नेगेटिभ आएको थियो। मस्जिदकै क्वारेन्टाईनमा राखिएका उनीहरुलाई संक्रमण पुष्टि भएकै साँझ कोरोना विशेष अस्पताल विराटनगर लगेर आईसोलेसनमा राखियो, त्यसबेलासम्म मस्जिदकै अर्का एकजनामा पनि संक्रमण प्रमाणित भईसकेको थियो।

एकैचोटी दर्जन बढीमा संक्रमण भेटिएपछि ठाडा कान पारेका नगरपालिका, प्रशासन, स्वास्थ्य र जिल्ला कोभिड प्रतिकार समितिले भोलिपल्टै मस्जिद आसपासका भुल्केबासीको स्वास्थ्य परीक्षणको माग गरे अनुसार प्रदेश सरकारले टोली पठायो। सरुवा रोग विशेषज्ञ डा. जयवेन्द्र यादव नेतृत्वको स्वास्थ्य टोलीले ६ गते मस्जिद आउजाउ गर्ने तथा संक्रमित धर्म प्रचारकसँग भेटघाट गर्ने ६० मुस्लिमसहित ६९ को ‘स्याम्पलिङ’ स्वाव संकलन गरी लग्यो। ३ दिनपछि संक्रमणको आशंका गरिएका थप ८ जनालाई ‘रिकन्फर्म’ गर्नुपर्ने भनेपछि एम्बुलेन्समार्फत उनीहरुलाई बिपी कोईराला स्वास्थ्य विज्ञान प्रतिष्ठान धरान पठायो। त्यहाँ उनीहरुमा संक्रमण पुष्टि भयो।

कोरोना नियन्त्रणका लागि लकडाउन सुरु भएको २५ औं दिन भुल्के ‘कोरोना इपिसेन्टर’ मा परिणत भएपछि जनमानसमा ह्वात्तै बढेको त्रास कम गर्न परीक्षण दर बढाउनुपर्ने माग बमोजिम काठमाडौंबाट हेलिकोप्टरमार्फत आएको नेपाली सेनाको स्वास्थ्य टोलीले ७ गते १ सय ५२ मुस्लिम समुदायको स्वाव संकलन गर्‍यो भने ८ गते थप १ सयको स्वाव काठमाडौं लग्यो। सोही दिन साँझ धरानमा ३ जनामा र बुधबार साँझसम्ममा केन्द्रीय प्रयोगशाला काठमाडौंमा थप ४ जनामा संक्रमण पुष्टि भएपछि त्रासको दायरा जिल्लाभरी परेको छ।

संक्रमितहरु सुरुमा मस्जिदमा भेटिए पनि पछिल्लो नतिजाले संक्रमण कोबाट कसरी सुरु भयो भन्ने विषयमा अहिले माथापच्ची चलिरहेको छ तर, यकिन भईसकेको छैन। जिल्ला स्वास्थ्य प्रमुख मोहन सुवेदीका अनुसार भारतीय धर्म प्रचारकको ‘ट्राभल हिस्ट्री’ अनुसार उनीहरुबाट संक्रमण भएको भन्न नसकिने अवस्था छ। भुल्केकै ३ युवा २ महिनायता भारतको नयाँ दिल्ली, कर्णाटक र दुवईबाट फर्केको अपुष्ट खवरले पनि सुवेदीको अनुमानलाई बल मिल्ने कोरोनाविरुद्ध अग्रमोर्चामा खट्दै आएका त्रियुगा नगरप्रमुख बलदेव चौधरी बताउँछन्। उनले लकडाउन सुरु हुनुअगावै नयाँ मान्छे कोही आएमा वा आएको थाहा भए तत्काल नगरपालिका, प्रहरी, प्रशासनलाई जानकारी गराउन वडा जनप्रतिनिधिदेखि टोल विकास संस्थाका पदाधिकारीसम्मलाई आग्रह गरिएको बताए। पटक पटक सोध्दा विदेशबाट फर्केका मान्छेको विवरण प्राप्त नभएकाले त्यसतर्फ ध्यान नगएको उनको भनाई छ।

पुष्टि भईनसके पनि भारतको कर्णाटकमा उद्र्धु भाषा अध्ययनरत विद्यार्थी, नयाँ दिल्लीमा रोजगारी गर्ने अर्का एक र दुवईमा वैदेशिक रोजगारीबाट एक युवा फागुन दोस्रो हप्तातिर भुल्के घर फर्केको अपुष्ट जानकारी स्थानीयले दिएका छन्। धेरै स्थानीयको अनुमान अनुसार विदेशबाट फर्केकाहरुमा संक्रमण भएको हुनसक्ने, उनीहरुमध्ये १ जना अटो चालक, मस्जिद गईरहने तथा बिभिन्न सामाजिक गतिबिधिमा संलग्न हुने क्रममा संक्रमण बाँडिएको हुनसक्ने आँकलन छ।

यसको आधारमा मस्जिदका धर्म प्रचारकबाट नभएर संक्रमण उनीहरुबाट भएको अनुमान लगाउने प्रसस्तै भए पनि भारतीयको उदयपुर ‘प्रवेश विन्दु’ शिवाईको रिपोर्ट नआएसम्म भन्न नसकिने जिल्ला प्रहरी प्रमुख एसपी वीरबहादुर बुढामगर बताउँछन्। धर्म प्रचारकको ट्राभल हिस्ट्रीदेखि ‘कन्ट्याक्ट ट्रेसिङ’ सम्म अग्रमोर्चामा खटेका एसपी मगरका अनुसार बढीमा ३ दिनभित्र यो कुराको खुलासा भईसक्नेछ।

‘ट्राभल हिस्ट्रीले संक्रमण उनीहरुबाट संक्रमण भएको भन्न मिल्दैन’ मगर भन्छन् ‘रेलको टिकट, अन्य कागजात र उनीहरुको बयानले उनीहरु मंसिर २५ गते नै नेपाल भित्रिएको देखाउँछ, जुनबेला विश्वमै कोरोना सुरु भएकै थिएन।’ जोगवनी नाका भएर नेपाल छिरेका उनीहरु मोरङ, सुनसरी र सप्तरीका बिभिन्न मस्जिद हुँदै फागुन २७ गते उदयपुरको चौदण्डीगढी नगरपालिका ५ सुन्दरपुरस्थित शिवाई मस्जिदमा बास बस्न आईपुगेको पाइएको छ। त्यहाँका ५३ घरधुरी मुस्लिम समुदायको स्वावको रिपोर्ट नेगेटिभ आयो भने भारतीयबाट संक्रमण सरेको भन्न नसकिने उनले बताए@नागरिक ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution