भोलिबाट लकडाउनमा थप कडाइ गर्ने मन्त्रिपरिषदको निर्णय
याम्बु,चैत्र २२ । सरकारले लकडाउन थप कडा बनाउने निर्णय गरेको छ । विश्वव्यापी रुपमा फैलिएको कोरोना भाइरसको संक्रमण फैलिन नदिन सरकारले लकडाउनलाई थप कडाई गर्ने निर्णय गरेको हो |
प्रधानमन्त्री निवास बालुवाटारमा शनिबार बसेको मन्त्रीपरिषद बैठकले २५ चैतसम्म गरिएको लकडाउनलाई कडाई गर्ने निर्णय गरेको अर्थ तथा सूचना एवं सञ्चार प्रविधिमन्त्री डा. युवराज खतिवडाले बताए ।
एक प्रदेशबाट अर्को प्रदेशमा, एक जिल्लाबाट अर्को जिल्लामा र एक स्थानीय तहबाट अर्को स्थानीय तहमा हुने आवागमन रोकिने छ,’ डा. खतिवडाले भने, ‘कोरोना भाइरसको संक्रमण फैलिन नदिन सरकारले लकडाउनलाई कडा रुपमा लागु गर्ने छ ।
११ चैतदेखि लागु लकडाउन सरकारले बढाएर २५ चैतसम्म पु¥याएको थियो । कोरोना भाइरसको संक्रमण फैलिरहेको अवस्थामा लकडाउनलाई थप कडा रुपमा लागु गर्दै घरमै बस्न सरकारले पुनः अपिल समेत गरेको छ ।
उच्च सतर्कता अपनाउँदै लकडाउनलाई कडाई गरिने सरकारका प्रवक्ता समेत रहेको मन्त्री डा. खतिवडाले बताए ।