बिरामी नलिने निजि अस्पतालका लाईसन्स खारेज गर्नुपर्छः रञ्जित तामाङ
काठमाडौं – सत्तारुढ दल नेपाल कम्युनिष्ट पार्टी (नेकपा) निकट विद्यार्थी संगठन अनेरास्ववियूका सहसंयोजक रञ्जित तामाङले कोरोना भाइरसको महामारीका बेला उपचार नगर्ने नीजि अस्पतालहरुको लाईसन्स खारेज गर्न माग गरेका छन् । त्यस्तै उनले बिरामी नलिने निजी अस्पतालका सञ्चालकहरुलाई पक्राउ गरि कडा कारबाही गर्न माग गरेका छन् ।
अनेरास्ववियूका सहसंयोजक तामाङले कोरोनाको महामारीबाट देश अक्रान्त भएको यो घडीमा समाजप्रति उत्तरदायी हुन नीजि अस्पतालका संचालकहरुलाई आग्रह गरेका छन् ।
सामाजिक सञ्जाल फेसकुबमार्फत सहसंयोजक तामाङले भनेका छन्, ‘नेपाल सरकारलाई पुन आग्रह गर्न चाहन्छु मानबिय संबेदना ख्याल नगरि बिरामी नलिने, उपचार सेवा नदिने निजि अस्पतालको या त लाईसेन्स खारेज गरिनु पर्छ, या त मानबिय अपराधको मुद्धामा पक्राउ गरि कानुनी उपचार गरिनु पर्छ । राज्यको आँखाबाट हरेक नागरिकको जिवनको मुल्य एउटै हुनुपर्छ । हरेक नागरिकले अकालमा मृत्युबरण गर्न नदिन सरकारले हरसम्भव प्रयास गरिनु पर्दछ ।’