अन्तराष्ट्रिय नेपाल भाषा टिकटोक प्रतियोगिताको नतिजा घोषणा
तेलअविव – नेपाल भाषा साहित्य , कला संगीतको उत्थान गर्ने उद्देश्यले हलिं नेवा दिवसको पावन अवसरमा राष्ट्रिय नेवा: खल: इजरायलको आयोजनामा अनलाइन मार्फत भएको “अन्तराष्ट्रिय नेपाल भाषा टिकटोक प्रतियोगिता ११४०”को नतिजा स्काईप अनलाइन कन्फ्रेन्स मार्फत घोषणा गरेको छ ।
स्काईप अनलाइन मार्फ़त सम्पन्न भएको कार्यक्रमको सभापति खल:की अध्यक्ष मयजु मनु श्रेष्ठ, प्रमुख अतिथिमा नेपाल आदिबासी जनजाती महासंघ इजरायलका अध्यक्ष भाजु तारा काउचा मगर , बिशेष अतिथिहरुमा वर्ल्ड नेवा अर्गनाइजेसनका अध्यक्ष भाजु सीजन श्रेष्ठ , गैरआवासिय नेपाली संघ इजरायलकी अध्यक्ष मयजु शान्ता अधिकारी ज्ञवाली, निर्णायक मण्डल नेपाल आदिबासी जनजाती महासघका पूर्ब अध्यक्ष भाजु नयन इमसोंग लिम्बुको सयोजकत्वमा अन्तराष्ट्रिय नेपाल भाषा टिकटोक प्रतियोगिता ११४० को नतिजा घोषणा गरेका थिए ।
प्रतियोगितामा प्रथम लक्ष्मी राई (साइप्रस) दित्तिय गौरव श्रेष्ठ (नेपाल) र तृतीय साबी बोम्रेल (नेपाल)भएको घोषणा गरेको थियो ।
कार्यक्रममा स्वागत मंतब्य खल:की वरिष्ठ उपाध्यक्ष सुनीता श्रेष्ठले गर्नु भने सल्लाहकार मजयु दाना श्रेष्ठ भिन्तुंना मंतब्य दिनु भएको थियो भने राष्ट्रिय नेवा:खल:इजरायलकी महासचिब बिमला श्रेष्ठले कार्यक्रम संचालन गरेकी थिइन् भने प्रतियोगिता सम्बन्धि संयोजक मयजु राजकुमारी श्रेष्ठले जानकारी दिएकी थिइन् ।
प्रतियोगीतामा भाग लिनु हुने सम्पूर्ण प्रतियोगीहरू , निर्णायक मण्डल, ब्यक्तित्वहरू तथा आर्थिक, नैतिक, भौतिक रूपले साथ सहयोग गर्नु हुने सम्पूर्ण नेपालीहरूलाई कार्यक्रमका सभापति मयजु मनु श्रेष्ठले धन्यवाद व्यक्त गरेकी थिइन् ।
कोरोनाको कारण इजरायल लकडाउनमा रहेकोले कार्यक्रम हलमा गर्न सम्भव नभएकोले अनलाइन मार्फत सम्पन्न गरेको थियो ।