इजरायलमा प्रकाश सपुत र मिलन नेवार अमात्यको कार्यक्रम स्थगित
तेलअविव – नेपाल आदिवासी जनजाति महासंघ इजरायल र महासंघमा आवद्ध राष्ट्रिय समुदाय संस्थाहरुको आयोजनमा नेपालबाट आमन्त्रित चर्चित राष्ट्रिय कलाकारहरु प्रकाश सपुत र मिलन नेवार अमात्यको साथमा १३ मार्चमा गर्न लागेको सांगीतिक दमाका “Live Concert In Israel” कार्यक्रम आयोजकले स्थगित गरेको छ ।
महासंघले आज प्रेस बिज्ञप्ति जारी गर्दै संसारभरी तिब्र गतिमा फैलिंदै गईरहेको अति भयानक महामारी “कोरोन भाइरस” इजरायलमा पनि देखा परेको र इजरायलको स्वास्थ्य मन्त्रालयले सुचनाका माध्यमहरु टेलिभिजन, पत्रपत्रिका र सामाजिक संजालाहरु बाट भिडभाड उत्पन्न नगर्न र भिडभाडमा नजान सुचनाहरु निरन्तर जारि गरिरहेको र इजरायलको विभिन्न शहरहरुमा हजारौं मानिसहरुलाई कवारांटीनमा रहनको लागि जारि गरिएको सूचनालाई मध्यनजर गरि नेपाल आदिवासी जनजाति महासंघ इसरायल द्वारा भ्रमण बर्ष २०२०, को प्रचार प्रसारको लागि यहि मिति २०२०, मार्च १३ तारिख शुक्रबार आयोजना लागिएको सांगीतिक कार्यक्रम स्थागित गरेको जानकारी दिएको छ ।
प्रेस बिज्ञप्ति को पुर्ण अंश
आदरणीय इजरायलवासी सम्पूर्ण नेपाली र नेपाली भाषी दाजुभाई तथा दिदीबहिनीहरु, संसारभरी तिब्र गतिमा फैलिंदै गईरहेको अति भयानक महामारी “कोरोन भाइरस” इजरायलमा पनि देखा परेको र इजरायलको स्वास्थ्य मन्त्रालयले सुचनाका माध्यमहरु टेलिभिजन, पत्रपत्रिका र सामाजिक संजालाहरु बाट भिडभाड उत्पन्न नगर्न र भिडभाडमा नजान सुचनाहरु निरन्तर जारि गरिरहेको र इजरायलको विभिन्न शहरहरुमा हजारौं मानिसहरुलाई कवारांटीनमा रहनको लागि जारि गरिएको सूचनालाई मध्यनजर गरि नेपाल आदिवासी जनजाति महासंघ इसरायल द्वारा भ्रमण बर्ष २०२०, को प्रचार प्रसारको लागि यहि मिति २०२०, मार्च १३ तारिख शुक्रबार आयोजना लागिएको सांगीतिक कार्यक्रमलाई आज मिति २०२०, मार्च ५ तारिख बिहान नेआज महासंघ इजरायलका बुद्विजिवीहरु र सचिवालयको आकस्मिक बैठक बसी कार्यक्रम स्थगित गर्ने निर्णय गरिएको सम्बन्धित सबैलाई जानकारी गर्दछौं। साथै अकल्पनीय स्थितिको कारण कार्यक्रम स्थगित हुँदा यसबाट पुग्न गएको असुविधा प्रति आमन्त्रित कलाकारहरु तथा सम्बन्धित सबैमा नेआज महासंघ, इजरायल परिवार क्षमा माग्दै इजरायलको स्वास्थ्य मन्त्रालयले कोरोना भाइरसको स्थिति नियन्त्रणमा आएको सुचना जारि नगर्दा सम्म इजरायलमा कार्यरत नेपाली दाजुभाई तथा दिदीबहिनीहरु भिडभाड जम्मा हुने ठाउंहरुमा भाग नालिनुहुन र नआत्तिकन आफ्नो स्वास्थ्यको ख्याल राख्दै इजरायल सरकारबाट जारि सुरक्षित रहने विधिहरु प्रयोग गरेर सुरक्षित रहनुहुन हार्दिक अनुरोध गर्दछौं।
खुशी घले
महासचिव
नेफिन इजरायल ।
