इजरायलमा माघ्या सकराटि साङ्गितिक कार्यक्रम २०७६ भव्यताको साथ सम्पन्न
तेलअविव – नेपाल मगर संघ शाखा इजरायलले “माघ्या सकराटी साङ्गितिक साँझ २०७६” कार्यक्रम तेलअविवमा भव्यताको साथ सम्पन्न गरेको छ ।
संस्थाकी अध्यक्ष लिला थापा मगरको सभापतित्वमा भएको कार्यक्रममा प्रमुख अतिथि नेपाली दुतावास इजरायलका उपनियोग प्रमुख अर्जुन घिमिरे , विशिष्ट अतिथिमा नेपाल आदिवासी जनजाती महासंघ इजरायलका अध्यक्ष तारा काउच मगर , एनआरएन आईसीसी सदस्य बिशाल ज्ञवाली (इजरायल) ,एनआरएन राष्ट्रिय समन्वय समिति इजरायलकी अध्यक्ष शान्ता ज्ञवाली अधिकारी , इजरायल स्थित विभिन्न संघसंस्थाका अध्यक्ष तथा प्रतिनिधि र मिडियाकर्मीहरु अतिथि रहेका थिए ।
कार्यक्रममा सहभागी सम्पूर्ण महानुभावहरुलाई सम्बोधन गर्दै संस्थाका द्धितीय उपाध्यक्ष मन राना मगरले स्वागत मन्तव्य राखेका थिए भने प्रथम उपाध्यक्ष जय पुन मगरले माघ्या सकराटीको शुभकामना मन्तव्य राखेका थिए ।
नेपालबाट आमन्त्रित चर्चित कलाकारहरु गायक टंक बुढाथोकी र मनोज थापा मगरले धमाकेदार प्रस्तुतिका साथ मनोरन्जन प्रदान गरेका थिए । साथै कार्यक्रममा नेपाल मगर संघ शाखा इजरायलका कलाकारहरु संगै इजरायलमा बसोवास गर्ने नेपाली कलाकारहरुले गीत र निर्त्यहरु प्रस्तुत गरेका थिए ।
कार्यक्रममा नेपालबाट आउनु भएका कलाकारहरुलाई सम्मान पत्र तथा मायाको चिनो प्रदान गरेका थिए ।
यसैगरी नेपाल मगर संघ शाखा इजरायलका द्धितीय उपाध्यक्ष मन राना मगरलाई इजरायलमा मगर भाषाको प्रशिक्षण दिनु भएर भाषा संरक्षणमा योगदान पुर्याउनु भएकोमा फेटा , खादा , मायाको चिनो सहित सम्मान पत्र द्वारा सम्मानित गरेको थियो ।
कार्यक्रममा प्रमुख अतिथि अर्जुन घिमिरे, विशिष्ट अतिथि तारा काउच मगर लगायतले माघ्या सकराटीको शुभकामना व्यक्त गरेका थिए ।
कार्यक्रममा तरुल , सेलरोटी , छ्याङ सहित मगर खानाको परिकारहरु संगै हल्का पेय पदार्थ (Soft Drink) को व्यवस्था रहेको थियो ।
कार्यक्रमका सभापति लिला थापा मगरले कार्यक्रमलाई सभ्य र भव्य रुपमा सफल पार्न उपस्थित सम्पूर्ण महानुभावहरु संगै प्रत्यक्ष वा अप्रत्यक्ष रुपमा सहयोग पुर्याउनु हुने महानुभावहरुलाई हार्दिक धन्यवाद व्यक्त गरेकी थिईन् । साथै वहाँले कार्यक्रमबाट भएको मुनाफा सहितको ५० लाख रुपियाँको शैक्षिक कोष स्थापन गर्ने घोषणा गरेकी थिईन् ।
फोटो : देव बास्कोट मार्फत ।