आज इजरायलमा गायक टंक बुढाथोकी र मनोज थापा मगरको साथमा माघ्या सकराटी सांगेतिक कार्यक्रम हुदै
तेलअविव – आज नेपालीहरुको राष्ट्रिय चाड “माघ्या सकराटि”को पाबन अबसरमा नेपाल मगर संघ शाखा इजरायलले “माघ्या सकराटी साङ्गितिक साँझ २०७६ ” कार्यक्रम नेपालबाट आमन्त्रित चर्चित कलाकारहरु गायक टंक बुढाथोकी र मनोज थापा मगरको साथमा भव्यताको साथ मनाउने भएको छ ।
कार्यक्रमको लागि नेपालबाट आमन्त्रित कलाकारहरु गायक टंक बुढाथोकी र मनोज थापा मगर इजरायल आईसक्नु भएको छ । वहाँहरुको स्वागतको लागि बेन्गुरीएन एयरपोर्ट तेलअविवमा नेपाल मगर संघ शाखा इजरायलका अध्यक्ष लिला थापा मगर लगायत संस्था पदाधिकारीहरु पुग्नु भएको थियो ।
कार्यक्रम तेलअविब स्थित हगाना बेईत बरबुर स्ट्रिट 135 मा रहेको हलमा कार्यक्रम हुने भएको छ ।
गायक टंक बुढाथोकी र मनोज थापा मगरको साथै स्थानीय कलाकारहरुको साथमा धमाकेदार प्रस्तुतिहरु सहित आज बेलुका हुन गईरहेको “माघ्या सकराटी साङ्गितिक साँझ २०७६ ” कार्यक्रममा इजरायलमा रहनुहुने सम्पुर्ण नेपालीभाषी दाजुभाइ तथा दिदिबहिनीहरुलाई उपस्थितिको लागि नेपाल मगर संघ शाखा इजरायलले सादर निमन्त्रणा सहित हार्दिक अनुरोध गरेको छ ।
प्रवेश शुल्क १०० सेकेल रहेको कार्यक्रममा तरुल , सेलरोटी सहित मगर खानाको परिकारहरु संगै हल्का पेय पदार्थ (Soft Drink) रहेको आयोजकले बताएको छ ।
तेलअभिव पार्कबाट कार्यक्रम स्थलसम्म जानको लागि साँझ ६ बजे देखि नि:शुल्क यातायातको ब्यबस्था राखेको आयोजकले जनाएको छ ।