इजरायलमा चासोक तङनाम सांगीतिक कार्यक्रम भव्यताको साथ सम्पन्न
तेलअविव – किराँत याक्थुङ चुम्लुङ इजरायलद्वारा चासोक तङनाम सांगीतिक साँझ कार्यक्रम गत शुक्रबार तेलविव इजरायलमा भव्यताको साथ् सम्पन गरेको छ ।
कियाचु इजरायलका अध्यक्ष कुमार आङ्देम्बेको सभापतित्वमा भएको कार्यक्रममा प्रमुख अतिथि नेपाली राजदुतावास इजरायलका नियोग उपप्रमुख अर्जुन घिमिरे ,बिशिस्ट अतिथिमा नेपाल आदिवासी जनजाती महासंघ इजरायलका अध्यक्ष तारा काउच मगर ,विशेष अतिथी एनआरएनए इजरायलकी अध्यक्ष शान्ता ज्ञवाली अधिकारी,अतिथिहरुमा सामाजिक,धार्मिक,राजनैनिक, सांस्कृतिक संघ संस्थाका प्रतिनिधित्वहरु रहेका थिए ।
कियाचु इजरायलका मुन्धुम वाचक सन्तोष लिबाङ, पुर्वउपाध्यक्ष तथा सहायक मुन्धुम वाचक पुरन लिम्बुबाट विधिगत रुपमा मुन्धुम वाचन गरी ५०७९ चासोक पुजा आरम्भ गरिएको थियो ।
कार्यक्रममा नेपालबाट आउनु भएका चर्चित गायक सुगम पोखरेलले एक दर्जन भन्दा गीत गाउनु भएर भरपुक मनोरंजन प्रदान गरेका थिए । त्यसैगरी नेपालबाट आउनु भएकी सुनिता थेगिम लिम्बुले लिम्बु भाषाको गीत लगायत अन्य गीतहरु प्रस्तुत गरि मनोरंजन प्रदान गरेका थिए ।
लिम्बु सांस्कृतिक पहिचान झल्कने नाचगानहरु लगायत इजरायलवासी कलाकारहरुले समेत नाचगान प्रस्तुत गरेका थिए ।
कार्यक्रमलाई तेह्रथुमे ढाका बुटिक काठमाडौ नेपाल,मोबाइल होम सेन्टर तेलअविव, आम्रो मोबाइल सेन्टर तेलअविव,नुतन भुसाल र जीवन जिवन बुढाथोकीले सहयोग प्रदान गरेको थिए ।
त्यसैगरी संस्थागत रुपमा चेसुङ कोसेली मगर संघ इजरायल,झापाली समज इजरायल,किराँत राई यायोख्खा इजरायल,सृजनसिल महिला समुह इजरायल र राष्ट्रिय नेवा: खल: इजरायलले प्रदान गरेका थिए ।
कार्यक्रम सभ्य र भव्य रुपमा सफल पार्नु भएकोमा सम्पूर्ण महानुभावहरुलाई कार्यक्रमका सभापति कुमार आङ्देम्बेले हार्दिक धन्यवाद व्यक्त गरेका थिए ।
कार्यक्रमका लागि इजरायल आउनु भएका कलाकारहरु स्वदेश फिर्ता गईसक्नु भएको छ ।