दक्षिण कोरियामा २८२६ सोनाम ल्होछार भव्यताको साथ मनाउने
याम्बु । नेपाल तामाङ संघ दक्षिण कोरियाले मन्जुश्री सम्वत् २८५६ सोनाम ल्होछार जिवा ल्हो (मुसा बर्ग) आगामी सलनालको पहिलो दिन जनवरी २४ का दिन भव्यताको बृहत सोनाम ल्होछार सांस्कृतिक कार्यक्रम सहित मनाउने भएको छ ।
ल्होछार सांस्कृतिक कार्यक्रमको लागि आमन्त्रित कलाकारहरु तामाङ चलचित्र र गीत संगीत क्षेत्रमा सकृया रोशन फ्युबा तामाङ र भ्वाइस अफ इन्डिया र भ्वाइस अफ नेपाल चर्चित रियालिटी सोको उत्कृष्ट प्रतिस्पर्धी तथा गीत संगीतको क्षेत्र चर्चा र अनुभव बटुल्दै गरेकी गायिका बैशाली लामा र सेलो तथा म्हेन्दोमाया गायिका लक्ष्मी स्याङ्तानको साथमा स्थानीय कलाकारहरूको बेजोड प्रस्तुति रहने संस्थाले बताएको छ ।
संस्थाका अध्यक्ष मेघप्रसाद तामाङको संयोजकत्वमा मूल आयोजक समितिको गठन गरिएको छ । मूल आयोजना समितिसंगै विभिन्न उपसमिति पनि गठन गरेर कार्य जिम्मेवारी बाँडफाँट गरिएका छन् ।
संस्थाका संरक्षक सोम बहादुर तामाङ र सल्लाहकार रबिन तामाङ कार्यक्रम हल ब्यबस्थापन, संस्थाका महासचिब गोकुल थोकर प्रचारप्रसार विभाग, कोषाध्यक्ष मनोज कुमार वाइवा रहेको अर्थ विभागीय उपसमिती गठन गरेको छ ।
संस्थाका उपाध्यक्ष बुद्ध लामालाई कलाकार ब्यबस्थापन, सल्लाहकार सञ्जीप कुमार गोले तामाङलाई स्थानीय कलाकार व्यवस्थापन, सदस्य सुरेश थोकर तामाङ स्वयंसेवक ब्यबस्थापनको उपसमितिको जिम्मेवारी दिएको छ ।
कार्यक्रममा मिआसाकरी (미아사거리) स्टेशन नजिकै अवस्थित होटल भिक्टोरिया (Hotel Victoria) को हलमा हुने भएको छ ।