हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

उपनिर्वाचनको सबै नतिजा सार्वजनिक, नेकपा ३०, कांग्रेस १३ स्थानमा विजयी

याम्बु । प्रतिनिधिसभा सदस्य, प्रदेशसभा सदस्य र स्थानीय तहको ५२ पदका लागि शनिबार भएको उपनिर्वाचनको सबै नतिजा सार्वजनिक भएको छ। निर्वाचन आयोगका अनुसार उपनिर्वाचनमा नेपाल कम्युनिष्ट पार्टी (नेकपा) ले ३० स्थानमा विजय हासिल गरेको छ।

प्रमुख प्रतिपक्ष दल नेपाली कांग्रेसले १३ स्थानमा चुनाव जितेको छ। समाजवादी पार्टी नेपालले चार र राष्ट्रिय जनता पार्टी (राजपा) ले तीन स्थानमा विजयी हासिल गरेका छन् भने एक स्वतन्त्र उम्मेदवारले पनि उपनिर्वाचनमा बाजी मार्न सफल भएका छन्।

नेकपाले एक प्रतिनिधिसभा सदस्य, एक प्रदेशसभा सदस्य, तीन गाउँपालिका अध्यक्ष, एक उपाध्यक्ष, २४ वडाध्यक्ष पद जितेको छ। नेपाली कांग्रेसले भने प्रदेशसभा सदस्य एक, उपमहानगर प्रमुख एक र ११ वडाध्यक्ष पदमा विजयी हासिल गरेको हो।

समाजवादीका उम्मेदवारले चार र राष्ट्रिय जनता पार्टीका उम्मेदवारले तीन वडाध्यक्ष पदको नतिजा आफनो पक्षमा पार्न सफल भए। नेकपाको सहयोगमा राष्ट्रिय जनमोर्चाले बागलुङमा प्रदेशसभा सदस्य एक पद जितेको छ भने एकजना स्वतन्त्र उम्मेदवार प्यूठानमा वडाध्यक्षमा विजयी भएका हुन्।

प्रतिनिधिसभा, प्रदेशसभा र स्थानीय तहको उपनिर्वाचनको मतपरिणाम सार्वजनिक भएसँगै विभिन्न कारणले रिक्त भएका ५२ पदमा अव नयाँ जनप्रतिनिधिको प्रवेश भएको छ। सिट सङ्ख्याका आधारमा उपनिर्वाचनको परिणामले राष्ट्रिय राजनीतिमा खासै असर नगरे पनि जनप्रतिनिधि छनोटको आधारमा भने केही फेरबदल भएको छ।

अघिल्लो निर्वाचनजस्तै धेरै क्षेत्रमा पुरानै दलका प्रतिनिधि चयन भए पनि कतिपय स्थानमा भने एक दलका उम्मेदवारले अर्कोलाई विस्थापित गरेका छन्। प्रतिनिधिसभा कास्की क्षेत्र नं–२ मा नेकपाले जित दोहो¥याएको छ भने कांग्रेसले प्रदेशसभामा भक्तपुरबाट सिट सङ्ख्या बढाएको छ।

बागलुङको प्रदेशसभा सदस्यमा नेकपा समर्थित राष्ट्रिय जनमोर्चाले जितेको छ भने स्थानीय तहतर्फ सुनसरीको धरान उपमहानगरपालिका प्रमुख जितेर कांग्रेसले प्रमुखको सङ्ख्या बढाएको छ।

नेकपाले प्रतिनिधिसभासहित दाङको प्रदेशसभा र उपनिर्वाचन भएका तीनवटै गाउँपालिका अध्यक्ष तथा उपाध्यक्ष जितेको छ। उपनिर्वाचनबाट सात महिला, सात मधेशी, १८ आदिवासी जनजाति र एक अल्पसङ्ख्यकको चयन भएको छ।

 नेकपा र काँग्रेस दुबै खुशी

गएको शनिबार विभिन्न ५२ स्थानका लागि भएको उपनिर्वाचनको सम्पूर्ण मतपरिणाम मंगलबार आइसकेपछि सत्तारुढ दल र प्रमुख प्रतिपक्षी दुबै दल खुशी देखिएका छन्।

दुबै दल खुशी हुनुका कारण पनि महत्वपूर्ण छन्। किनकी दुबै दलले यी ५२ स्थान मध्ये धेरैसजो आफ्नो पोल्टामा पारेका छन्।

२०७४ मा भएको स्थानीय तह निर्वाचनमा तत्कालीन एमाले, माओवादी र काँग्रेस एक्लाएक्लै चुनाव लडेका थिए। तर, २ वर्षपछि भएको उपनिर्वाचनमा भने दलहरुको समीकरण परिवर्तन भएको छ। तत्कालीन एमाले र माओवादीबीच पार्टी एकीकरण भएर नेकपा जन्मिएको छ, त्यतिबेलाको सत्तारुढ दल काँग्रेस यतिबेला प्रमुख प्रतिपक्षीको हैसियतमा छ।

त्यसैले यो चुनाव दुबै दलका लागि आ आफ्नो अवस्था परीक्षणको मौका थियो। ५२ स्थान मध्ये ४३ वडा अध्यक्ष, ३ प्रदेशसभा सदस्य, एक मेयर, एक प्रतिनिधिसभा सदस्य, दुई गाउँपालिका अध्यक्ष र एक गाउँपालिका उपाध्यक्षका लागि निर्वाचन भएको थियो।

४३ वडा मध्ये काँग्रेसले जितेका १२ थिए भने यसपाली काँग्रेसले ११ वडा अध्यक्ष जितेको छ। उसले एक वडा गुमाएको छ। त्यो वडा यो पटक नेकपाको पक्षमा गएको छ। यद्यपी दुबै दलले एकअर्काका वडा अध्यक्षहरु खोसाखोस पनि गरेका छन्।

यस्तै ३ गाउँपालिका अध्यक्ष मध्ये २ काँग्रेस र एक राजपाको थियो। तर, यो पटक तीनै अध्यक्ष नेकपाले जितेको छ। जसले नेकपालाई खुशी दिने काम गरेको छ।
यस्तै ३ प्रदेशसभा मध्ये २ नेकपा र १ जनमोर्चाले जितेका थिए। यो पटक नेकपाले एक प्रदेशसभा गुमायो। जनमोर्चाले आफ्नो प्रदेशसभा सदस्य जोगायो। काँग्रेसले भक्तपुरमा नेकपाका उम्मेदवारलाई पराजित गर्दै एक प्रदेशसभा सदस्य बढायो। जसले काँग्रेसलाई खुशी हुने मौका दियो।

यो उपनिर्वाचनमा सबैभन्दा आकर्षण कास्की २ प्रतिनिधिसभा र सुनसरीको धरान उपमहानगरपालिकाको मेयरको चुनाव थियो। यी दुई स्थान नेकपा र काँग्रेसले बाँडेर लिएका छन्। जसले गर्दा दुबै दललाई खुशी हुने वातावरण बन्यो।

उपनिर्वाचनको अन्तिम मतपरिणाम आइसकेपछि नेकपा प्रचार विभाग उपप्रमुख तथा प्रधानमन्त्रीका प्रेस सल्लाहाकार सूर्य थापाले सामाजिक सञ्जालमा लेखेका छन्, ‘स्थानीय, प्रदेश र संघीय संसदका रिक्त ५२ स्थानमा भएको उपनिर्वाचनमा नेकपाले ३१ (५९.८) प्रतिशत स्थानमा विजय हासिल गरेको छ। एकताअघि दुई पार्टीले २८ स्थान (५३.८) प्रतिशत जितेका थिए। अहिले ३ सीट (५.८) प्रतिशत बढी हासिल भयो। यसबाट सरकार र पार्टीको अनुचित आलोचना जनताले अश्वीकार गरेको स्पष्ट भएको छ।’

उता सुनसरीको धरानमा जित, भक्तपुर प्रदेशसभामा जित र चितवनका तीनवटै वडामा जितले काँग्रेसले यो चुनावमा आफ्नो जित भएको दावी गरेको छ। सुनसरीकी स्थानीय तरुण दलकी नेत्रृ लक्ष्मि खतिवडाले सुनसरीको विजयी जुलुसको तस्वीरसहित लेखिन्, ‘यो खुशी हेर्न २८ वर्ष कुनु पर्यो।’






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution