हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

अन्तराष्ट्रिय तामाङ परिषदको खाडी तथा मध्य पूर्वक्षेत्रीय सम्मेलनको औचित्य

-टासी लामा तामाङ

नेपालको पछौटे विकास नीति र लामो अस्थिर राजनीतिको कारण ठूलो संख्यामा युवाहरु बेरोजगार समस्यामा छन् । ऐतिहासिक उत्पीडन र विवेधकारी नीतिले राज्यको स्रोतसाधन लगायत अन्य अवसरको क्षेत्रमा तामाङ समुदायको पहुँच अत्यन्त न्यून छ र तुलनात्मक हिसाबले यो समुदायमा युवा बेरोजगार बढी बिकराल समस्याको रुपमा रहेको छ ।

बैदेशिक रोजगारमा अत्यधिक युवाहरुको विकल्प बन्दै गर्दा गरिवीको चपेटा र शिक्षाबाट टाढा रहेको अधिकांश तामाङ युवाहरु विकसित मुलुकहरुमा प्राप्त शिक्षा, रोजगार, ब्यापार लगायतको अवसरहरुमा आफ्नो पहुँच पुर्याउनु निकै कठिन विषय बनेको छ । जब खाडी मुलुकको शहरहरु विश्वको व्यापारिक केन्द्रको रुपमा विकास हुँदै गयो र ती शहरहरुमा भौतिक पुर्वाधार निर्माण र अरु व्यापारिक गतिविधिहरु संचालन गर्न ठूलो जनशक्तिको आवश्यक भयो, खाडी मुलुकहरुमा हाम्रो समुदायको अत्याधिक युवाहरुको आकर्षणको केन्द्र बन्यो । र, वैदेशिक रोजगारको सिलसिलमा सबै भन्दा धेरै तामाङ युवाहरु रहेको क्षेत्र खाडी बन्यो ।

निम्नमध्यम बर्गीय युवाहरुको पहुँचमा रहेको खाडी क्षेत्रमा अत्याधिक तामाङ समुदाय रहनुले समुदाय माथिको उत्पीडन र पहिचानकै आधारमा गरिएको विभेदले सिङ्गो समुदाय उत्पीडित वर्गको रुपमा स्थापित भएको प्रष्ट हुन्छ । त्यसैले तामाङ समुदायको मुक्तिको सवाल पहिचान संगै वर्ग पनि उतिकै महत्वको विषय बनेको छ ।

खाडी मुलुकहरुमा अप्रवासन वा स्थायी बसोबासको व्यवस्था नरहेकोले ती मुलुकहरुको स्थित हाम्रो समुदायहरुको चासो र सम्बन्ध तत्कालको रोजगार बाहेक सम्पूर्ण रुपले नेपाल संग नै अविछिन्न रहेको छ । नेपाल संग मातृभूमिको भावनात्मक मात्रै नभएर दैनिक रुपमा व्यवहारिक सम्बन्ध रही नै रहन्छ र नेपालमा हुने सबै राजनीतिक र सामाजिक घटना परिघटनाहरु संग प्रत्यक्ष रुपमा आफ्नो जीवन व्यवहार जोडिएको हुन्छ ।

अन्तराष्ट्रिय तामाङ परिषदको खाडी तथा मध्य पूर्व क्षेत्रीय सम्मेलन यही नोबेम्बर २९ मा ओमनको राजधानी मस्कटमा आयोजना हुँदैछ । खाडी तथा मध्य पूर्व क्षेत्रीय समन्वय समितिको आयोजना र तामाङ समाज ओमनको व्यवस्थापन/आतिथ्यतामा आयोजना हुन लागेको उक्त सम्मेलनमा खाडी क्षेत्रको ७ देशको सदस्य संस्थाहरुले भाग लिदैछन् । हाम्रो समुदायको बसोबासको स्थितिलाई विश्लेषण गर्दै अन्तराष्ट्रिय तामाङ परिषदले ती देशहरु स्थित संस्थाहरुलाई राष्ट्रिय सदस्यको मान्यता दिएको छ । यसको अर्थ हुन्छ मूल रुपले ती संस्थाहरुको चासो र चिन्ता स्थाई सदस्य राष्ट्र नेपाल संगै रहन्छ भन्ने हो ।

त्यसैले नेपालमा पहिचान र अधिकारको आन्दोलन नै निष्कर्षमा पुर्याउनु पर्ने र समुदायको आर्थिक तथा सामाजिक सवालहरुमा ठोस पहलहरु अगाडी बढाउनु पर्ने सन्दर्भमा सबैभन्दा धेरै प्रवासी तामाङ युवाहरु रहेको क्षेत्रको सम्मेलनलाई विशिष्ट महत्वका साथ हेरिएको छ । उक्त सम्मेलनमा गरिने बहस, छलफल र निष्कर्षहरुले समुदायमा दुरगामी महत्व राख्दछ ।

अरु क्षेत्रीय सम्मेलनमा जस्तै यो सम्मेलनले मुख्यत ३ विषयहरुमा छलफल गर्दै निर्णयहरु लिनेछ । पहिलो अन्तराष्ट्रिय तामाङ परिषदको चौथो सम्मेलनले व्यवस्था गरे अनुसारको क्षेत्रीय संरचना निर्माण, दोस्रो क्षेत्रीय स्तरको साझा सवालहरु, समन्वय र तेस्रो चौथो अन्तराष्ट्रिय सम्मेलनले पारित गरेको एकीकृत कार्यक्रममा सहयोग र सहभागिता ।

पहिलो विषयमा नियमित प्रकृया अनुसार नै हुनेछ । दोस्रो खाडी क्षेत्रको महत्वपूर्ण साझा विषय भनेको सुरक्षित रोजगार र जोखिममा परेकाहरुलाई उद्दार गरिनु हो । यो क्षेत्र गम्भिर र संबेदनशील विषय भएकोले बृहत्तर छलफल गरेर एउटा ठोस योजना र कार्यक्रम निर्माण गरिनु पर्ने हुन्छ ।

खाडी देशमा स्थित नियमित सांस्कृतिक र सामाजिक कार्यक्रमहरुमा साझा सहभागिताको लागि समन्वय गर्ने योजना पनि तय गर्न सकिन्छ । तेस्रो अधिकांशको आर्थिक हिसाबले एउटा स्तरको हैसिय कायम हुँदै गरेको सन्दर्भमा परिषदको केन्द्रीय योजना अन्तर्गत समुदायको शैक्षिक, सास्कृतिक र आर्थिक विकासमा योगदान पुग्ने गरि विशेष कार्ययोजना तर्जुमा गरिनु पर्ने हुन्छ । नेपालमा चल्दै गरेको समुदायको पहिचान र अधिकारको आन्दोलनमा सहयोग र सहभागिता अर्काे महत्वपूर्ण विषय हो ।

त्यसैले यी सबै विषयहरुमा प्रभावकारी योजना र कार्यक्रमहरु निर्माण गर्न अग्रज एवम् विज्ञहरुको सल्लाह/सुझाव, समुदाय र शुभचिन्तकहरुको सहयोग र सबै सदस्य वा संस्थाहरुको सकृय सहभागिता आवश्यक रहन्छ र यसैको आधारमा सम्मेलनले ऐतिहासिक सफलता प्राप्त गर्नेछ ।

(लेखक – अन्तराष्ट्रिय तामाङ परिषदको बरिष्ठ उपाध्यक्ष हुनुहुन्छ)






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution