बहराइनमा २८५६ सोनाम ल्होछार भव्य रूपमा मनाउने
याम्बु – “ग्योइ ह्रीमठिम थेन दोङराप ता छर्ना लाअी,मोक्कोन तामाङ गिक तासी ङ्हाच्छा ब्राअी” भन्ने मुल नारा लिएर सन २००९ मा मध्यपुर्वी एसिया बहराइन राष्ट्रमा स्थापित बहराइन बासी तामाङ हरुको साझा संगठन नेपाल तामाङ घेदुङ प्रवास कार्यसमिति बहराइनले बिगतका बर्ष हरुमा झै यस बर्ष पनि बहराइनबासी नेपालीहरु माझ मंजुश्री सम्बद २८५६ जिवा(नाम्यु/मुसा बर्ग) सोनाम ल्होछार बृहत् सांस्कृतिक कार्यक्रम भब्य रुपमा मनाउने भएको छ ।
सांस्कृतिक कार्यक्रम आगामी २४ जनवरी २०२० शुक्रबार डेल्मोन इन्टरनेशन होटल मानमा बेलुका ठिक ६ बजे सुरु हुने आयोजकले जानकारी दिएको छ ।
नेपालबाट आमन्त्रित राष्ट्रिय स्तरका चर्चित तामाङ कलाकारहरु चर्चित सेलो गायिका :- जितु लोप्चन,सेलो गायक प्रयास दोङ,म्हेन्दो माया गायिका टीका माया चोथेन र साउदीबाट अतिथी कलाकारहरु म्हेन्दोमाया गायक रोम लामा र म्हेन्दोमाया गायक आर बि लामा हुने भएको छ । साथै स्थानिय उत्कृष्ट कलाकारहरुले विविध मनोरञ्जनात्मक जोडदार प्रस्तुति रहने छन् ।
वैदिक पुजापाठ तथा विविध मनोरञ्जनात्मक जोडदार प्रस्तुतिहरु सहित मनाउन लागेका सांस्कृतिक पर्व ल्होछारलाई बिगतका बर्षहरुमा झै सभ्य तथा भब्य रुपमा सफल पार्नको निमित्त बहराइनमा स्थापित सम्पूर्ण सामाजिक संघसंस्था, संगठन, उधोग ब्यबसायी, बुद्धिजीवी, कलाकार, पत्रकार लगायत सम्पुर्ण नेपाली दाजुभाई तथा दिदीबहिनीहरुलाई हार्दिक निमन्त्रणा गरेको छ ।
सजिलोको निमित्त कार्यक्रम स्थल सम्म बहराइनको विभिन्न क्षेत्रबाट नि-शुल्क यातायातको ब्यबस्था रहेको र स्टल राख्न चहानु हुने महानुभावहरुलाई स्टल खुल्ला गरिएको जानकारी दिएको छ।