दोहा –  नेपाल तामाङ घेदुङ प्रवास कार्यसमिति कतारले मञ्जुश्री संवत् २८५६ (जिवा-ल्हो) मुसा वर्गको पावन अबसरमा सोनाम (जिवा ल्हो) ल्होछार तथा संस्थाको प्रथम वार्षिक उत्सव-२०२० सांस्कृतिक कार्यक्रम संयुक्त रूपमा गर्ने भएको छ ।

कार्यक्रम आगामी १७ जनवरी २०२० शुक्रबारको दिन सनैया ग्रान्ड मल स्थित एसियन टाउन, क्रिकेट स्टेडियम हलमा मनाउने भएको छ।  कार्यक्रमको लागि नेपालबाट तीन  जना राष्ट्रिय ख्याति प्राप्त तथा लोकप्रिय कलाकारहरु कतारहरु तामाङ सेलो गायक,सर्जक, संगीतकार फुल कुमार बम्जन तामाङ, आधुनिक पप तामाङ सेलो, म्हेन्दोमाया चर्चित गायिका पुर्णिमा लामा तामाङ र सर्जक,आधुनिक, तामाङ सेलो चर्चित गायककार, संगीतकार  शुभ घलान तामाङ अतिथि कलाकारको रुपमा आउनु हुने घेदुङ कतारले जानकारी दिएको छ ।

पछिल्लो समयमा दोहा कतारमा आयोजना गरिने कुनै पनिकार्यक्रमहरु प्रति कतार सरकारले प्रतिबन्ध गराईएको छ। सोही बमोजिम नयाँ निती, कानुनलाई उच्च सम्मान तथा सतर्कता अपनाई नियम र मर्यादालाई पालना गर्दै सम्बन्धित निकाय तथा प्रशासन संग प्रक्रियागत रुपमा इजाजत पत्र लिएर कतार सरकारको प्रहरी प्रशासन, सुरक्षागार्डको निगरानी र सहयोगमा सो कार्यक्रम गर्न लागिरहेको हुँदा यस् बारेमा कोहि चिन्तित र दुबिधामा नपरी ढुक्क रहि उपस्थित हुन  कतार घेदुङका अध्यक्ष एक्का प्रसाद तामाङ ( योगेन्द्र) ले जानकारी दिनु भएको छ ।