इजरायलमा भेलेन्टाईनस् नाईट २०२० सांगेतिक कार्यक्रम गर्ने तयारी,जम्बो कलाकार आउँदै
तेलअविव – इजरायलस्थित प्रवासी नेपाली संगसस्थाहरुको सहकार्यमा खवर विहानी र रुद्र मिडिया प्रालि द्धारा संचालित बुद्ध सन्देश डटकम द्धारा इजरायलमा ख्यातिप्राप्त तथा विभिन्न बिद्याका कलाकारहरुलाई एकै मंचमा उपस्थित गराई संगित महाधमाका भेलेन्टाईनस् नाईट २०२० आयोजना गरिन लागेको छ ।
नेपाल भ्रमणवर्ष २०२० सफल पार्न तथा गरिब तथा विपन्न बालबालिकाहरुको सहयोगार्थ १४ फेबु्रवरी २०२० मा हगाना वेईत बरबुर १३५ तेल अबिबमा सो कार्यक्रमको आयोजना गरिन लागेको हो ।
इजरायलमा रहेका प्रवासी नेपालीहरुको भव्य उपस्थितीमा नेपाल आईडल रवी वोड, चर्चित गायक गायिका बैकुण्ठ महत, श्रीदेवी देवकोटा, अमृत खाती, पुरुषोत्तम पौडेल तथा हास्यकलाकार राजा राजेन्द्र पोखे्रल तथा स्थानियकलाकारहरुको बेजोड प्रस्तुती हुनेछ । यो कार्यक्रमबाट उठेको रकम नेपाल भ्रमणवर्ष २०२० लाई सघाउन तथा विपन्न गरिब तथा विपन्न बालबालिकाहरुका लागि सहयोग गरिने छ ।
कार्यक्रमलाई सफल बनाउन आयोजक तथा इजरायल सरकार द्वारा मान्यता प्राप्त इजरायली समाजिक सस्था हरु लाई कार्यक्रममा उपस्थित गराइ नेपाल भ्रमणबर्ष २०२० को प्रचार प्रसार तथा नेपाल भ्रमणको लागि निमन्त्रणा गरिने र भरपुर मनोरञ्जन दिन आयोजक जोडतोडका साथ लागेको छ । ख्यातिप्राप्त कलाकार तथा स्थानियकलाकारका साथ नेपालीहरुले भरपूर मनोरञ्जन लिने बताईएको छ ।
कार्यक्रममा सहभागिताकालागि इजरायलस्थित सबै मिडियाकर्मी ,धार्मिक तथा सामाजिक संघसंस्था सामाजिक व्यक्तिव्व, शुभेच्छुक, सुभचिन्तक सबैमा सहभागिताका लागि आग्रह गर्दछौ भेलेन्टाइन मिठो खाजाको साथमा लेबेन्सकी पार्क बाट कार्यक्रम स्थल सम्म जान तथा को लागि आयोजक बाटनै बसको ब्यवस्था रहने छ साथै प्रतेक टिकटको साथै visit nepal 2020 को एकओटा आकर्षक टिसर्ट उपहार आयोजकबाट रहने छ |