हेडलाईन

तामाङ सोसाईटी अफ अमेरिकाको दशौ अधिवेशनबाट अध्यक्षतामा छेमाङ तामाङ चयन         इजरायलमा यसपाली मणिपूजा कार्यक्रम अनलाइन भर्चुअल मार्फत हुने         एनआरएन इजरायलले शुभकामना आदानप्रदान तथा वक्तृत्वकला प्रतियोगिताको आयोजना गर्ने         इजरायलमा चाडपर्वहरुको अग्रिम शुभकामना आदानप्रदान कार्यक्रम हुदै         सानिमा जनरलको आईपीओमा आजदेखि आवेदन खुल्यो         तामाङ भाषाको गितसंगीतमा अन्तराष्ट्रिय टिकटक प्रतियोगिता हुने         हिन्दुधर्म बाहेकका समुदायलाई गाई पुज्नु बाध्यता बनाउनु विभेद हो : अशोक राई         एनआरएनए इजरायलले अनलाइन मार्फत स्वास्थ्य परामर्श कार्यक्रमको आयोजन गर्ने         घेदुङ साईप्रसको दोस्रो अधिबेशन तथा चौथो वार्शिक उत्सव मनाउने         घेदुङ इजरायलको छैठौं बार्षिकोत्सव तथा अधिवेशन हुदै         नेपाली ‘केयर गिभर’ पठाउन इजरायलसँग श्रम सम्झौता गरिने         नेफिन इजरायलद्वारा नेपालको संविधान किन विभेदकारी बिषयक अन्तरक्रीयात्मक कार्यक्रम हुँदै         इजरायलद्वारा यूएई र बहराइनसँग ‘ऐतिहासिक’ सम्झौतामा हस्ताक्षर         नेपाली समाज इजरायलले बरिष्ठ नेता अशोक राईसंग संवाद कार्यक्रम गर्दै         शेर्पा संघ इजरायलको छैठौं अधिबेशनबाट अध्यक्षमा मिङमा शेर्पा निर्वाचित        

प्रथम अन्तरास्ट्रिय तामाङ व्हाइखा प्रतियोगिताको नतिजा सार्वजनिक (व्हाइखा सहित)

तेलअविव –नेपाल तामाङ घेदुङ इजरायलको पाँचौं वार्षिकउत्सवको अवसरमा आयोजित प्रथम अन्तरास्ट्रिय ऐतिहासिक तामाङ व्हाईखा प्रतियोगिता 2019 को नतिजा सार्वजनिक गरेको छ ।

संस्थाको गत शुक्रबार आयोजित पाँचौं वार्षिकउत्सवको कार्यक्रममा बिजेताहरुको नाम घोषणा गरेको हो । प्रथम अन्तरास्ट्रिय ऐतिहासिक तामाङ व्हाईखा प्रतियोगिता 2019 ‘का संयोजक एवं भाषा साहित्य बिभाग प्रमुख नानीमाया योञ्जन तामाङले बिजेताको नतिजा घोषणा गरेकी थिईन् ।

व्हाईखा प्रतियोगितामा उत्कृष्ट स्थान प्रथममा रुपक “जमरा” घलान तामाङ – मरिण गाउँपालिका सिन्धुली ,द्धितीय मनिक तामाङ -तेमाल ५,ग्योइखार काभ्रे, तृतीय फुलकुमार बम्जन तामाङ -सिन्धुली कमलामाई नगरपालिका २ खोल्मा गाङ (हाल याम्बु अनामनगर) र चौथो युबराज लामा योन्जन तामाङ – रामेछाप दोरम्बा ५ , गोगनपानी ( हाल कतार ) भएका थिए ।

व्हाईखा प्रतियोगितामा भाग लिएका प्रतियोगीहरुको ‘व्हाईखा’ नेपाल तामाङ घेदुङ केन्द्रका भाषा ,लिपि,साहित्य तथा प्रशिक्षण विभागलाई  उत्कृष्ट छनौटको लागि पठाएकोमा अमरध्वज लामा बलको संयोजक ,बिना थिङ र राजु स्याङतान सदस्य रहेको गठित समितिले  शिर्ष पंक्ति ,विचार ,शव्द चयन र मौलिकताको आधारमा बिजयी छनोट गरी पठाएको भएको नतिजा घोषणा गरिएको नानीमाया योञ्जन तामाङले जानकारी दिएको थियो ।

प्रतियोगितामा उत्कृष्ट प्रथम ,द्धितिय ,तृतीय र चौथोलाई नगद पुरस्कार स्वरूप क्रमश नेपाली पन्ध्र हजार ,दश हजार ,पाँच हजारको साथमा प्रमाण पत्र  हस्तान्तरण गर्ने बताएको छ ।

बिजेता व्हाइखाहरु कार्यक्रममा वाचन गरी प्रस्तुत गरेका थिए । बिजयी प्रतियोगिताहरुलाई यहि आउँदो मङ्सिर ८ नेपाल तामाङ घेदुङ केन्द्र संघीय सचिवालयको कार्यालयमा एक कार्यक्रमको आयोजन गरि नगद पुरुस्कार तथा प्रमाण पत्र प्रदान गर्ने कार्यक्रम रहेको बताएको छ ।

प्रथम व्हाइखा 

– रुपक”जमरा”घलान तामाङ
मरिण गाउँपालीका-३ बरुण, सिन्धुली
9864285665
खालाङ मुल्ताला

यारी ब्रिगु थोसी
बामरी छ्योइला ठेली पुइसी
काङरी बोक्टो दोजिन्बा स्होन्बो क्वान्सी
सेमरी छार-छार तामसोरकादे रा~बान
दिङसे खेप्पा दोसाई
ङा लोप्खाङरी निबान मुला ।

ङाइ लोप्खाइरी निसी
भरखर ब्रिबारी लोप्पा हिगीला धर्साकादेरी
ह्याङ तामाङसे पाङबा छिककादेला
थाङ सुत्तन खाबा ह्राङ ङ्हम्बा आरे
ल्होलो-ल्होलो छ्योइ अोर्सी म्हाइमा
खाइमाइ म्राङबा आरे
ह्याङ्लान आखे म्हेमेला काइरन
खाइमाई स्याप्पा आरे
पेङ दोर्जे आखेला डम्फु स्हेङ्बा ताम
अोम, खालाइदा थाहानुन आरेबा मुनाम
ह्युलसारी ह्याङ तामाङनुइ मुला
ह्याङ तामाङला ग्योइ, ह्रिमठिम देन
दोङरापला नाम्दार मुला बिबा ताम,

लोप्खाङ बिबाम
बेनादान च्यो-च्यो ताबा सान्ती देन
ज्ञान-गुणना मोलमकादे छार्ना लाबा
वृक्ष डहु दोङ ह्राङबा अहिन अोम.!
थेम बेनान तामसे गोबा-खाइबा दोना लाबा ग्ला
थेरिम ह्याङलाई ल्होछारला ताम खातोला
दिम-दिमरी क्याबा दर्ज्यु देन लुङ्ताला ताम
टुङ्ना, डम्फु देन फापरे व्हाइला ताम
अोम दारेहेन्देसे क्यार
ह्याङलान गोइलोरी ज्योसी
निम्याङ्गाई लोप्खाङरी
जामा चेक्खेन लोप्खाङ लोप्खाङ बिमा जेला ।

___________________________________________________________________

द्धितीय व्हाइखा

-मनिक तामाङ
तेमाल ५ , ग्योइखार
काभ्रे ,नेपाल
फोन नम्बर – 9866997144

खालाङ मुल्ताला
कान काङ्बा लोप्पा लोप्खाङ
ल्हाङरी सुन तोबा ह्रान्दारी मकै स्याङ्बा
कपे थुसी क बोइबा थे नोन कला खेस राबा
डाम्बा डाम्ङ्यान ह्राप्पा फाबा ह्वाई कोबा ​
ज्योहो ज्योमोदा साङ लाबा
ह्याङ्ला ह्रिमठिम लोप्पा लोप्खाङ
तामाङ ग्योकाई डोबा ​लोप्खाङ
खालाङ मुल्ताला आमा

ङा निबा लोप्खाङरिम
म्हिला ग्योईकाई डोबा मुला
म्हिलान ​ह्रिमठिम लोप्पा मुला
म्हिला ह्वाई कोसि म्हिलान ह्वाईरी स्याबा मुला
आघोना ङ्योईमाम ङोबा मुला
खाईमा खाईमाम तोबा मुला
आमा ​
ङादा म्हिला ग्योई आङिन
ह्याङलान ग्योईरी लोप्पा लोप्खाङ तोजि
खालाङ मुल्ताला चु लोप्खाङ योना म्हाईतोजी
आस्याप्साम मोक्कोन तामाङ डिक्सी स्होतोजि
ह्याङ्ला ग्योईरी लोप्पा लोप्खाङ
तामाङ ग्योईरी लोप्पा लोप्खाङ​
ह्याङला लोप्खाङ

_________________________________________________________________________

तृतीय व्हाइखा 

ब्रिखेन : फूल कुमार बम्जन
सिन्धुली कमलामाइ नगर पालिका २ खोल्मा गाङ / याम्बु

लोप्खाङ तिला ?
ब्रिबा ,डोबा,खेबा
अाथेन,
अम्राङनान,
सिसिथुम्जि म्हेमे,माम, एला थेल्हुई
ङान्दा टुहुरास्होसी !!

ख्लासी निजिम
चुह्राङब ह्युलरी ,
मेस्या चासै हत्कडी,
(सगुन थुङसै, तामाङह्रुइब्रिसै , ज्याद्रीग्योइ अापाङसै, दरबारला हुकुम, सित्तैरी गे अालासै,
ह्रांलअाम्ला ङ्हे थेद अाख्वासै ,
पिपाला ढाक्रेअदोसै
मासिन्या मत्वाली तामाङ) बिसी
चु पृथ्वीनारायण शाहसे
मिसाएल, भन्दा बिषालु स्हेङबा कानुनी हत्कडीसे
प्रिकप्रिक खिथान्मुला
तामाङ कादेदा
हो थेनोन हिन्ना लोप्खाङ ??

अाखेला न थान्बरी
बम्बैला कोठि फुप्पारी
तामाङग्ले साइसी नाङबा
अस्तित्व ख्रेन्बारी
अाखेलानाख्रु म्याप्सीचाबा सिंहसानफुप्सी,
तामाङ खिबाअदालतला कानुन डेबरी
गोजाकडी क्लाङबान
हुर्ता , काङगुर दलि रोप्पान
तामाङ सभ्यताल
डम्फु ह्राप्सी
अस्तित्व ल लागिरी
सिबरि लोङसाम तिल अर्थ
ए ला लोप्खाङ ? ?

___________________________________________________________________

चौथो व्हाइखा 

-युबराज लामा योन्जन तामाङ
दोरम्बा- ५, गोगनपानी, रामेछाप
हाल- कतार

ए निउ च्याङ्बा
ब्रिबा डोबारि
ए लोप्खाङ निउ!

ह्याङला आखे म्हेम्हे
लोप्खाङ निबारि
आयाङ्बासे
ल्हानान दु:ख
याङ्जिम च्याङबा
हलि गोठालो धोसि
चिना चिनान
ह्युल्ला ठिमसे
पिपा ढाक्रे सोसि
थान्ना थान्नान
गोर्घि रेङ्बा दुइ
खसु न्हाङ्ला
कावाला राङ लासि
निजिम च्याङ्बा!!

दान्दे जजागि
दुइ पोबा राङ तासै
ह्याङ्लान ग्योइरि
ब्रिबा डोबा दुइ खासै
ह्याङ्ला बिबा राङ
ताबान आरे च्याङ्बा
धामाम एसे सेतोला
एसे गोतोला
तामाङ ह्युलबादा
एसे छोर्ना लातोला
एसे ह्याङ्लान ग्योइला
इगि ठ्वातोला
एसे ब्रितोला
ह्याङ्लान धुङराप
एसे बातोला
तामसालिङ
एसे सेङ्तोला
ह्याङ्लान छार ह्युल!!!

चु धोइ एसे
पुइदोला च्याङ्बा
थे ताबासे
ए निउ च्याङ्बा
ब्रिबा डोबारि
ए लोप्खाङ निउ !!!!

 ____________________________________________________________________

-कृष्णराज थिङ (जा थेबा)
मरिण गाउँपालिका- ५, सिन्धुली, नेपाल

ङाई,
जम्बुलिङरि ङाच्छा कुनु,
गोङ्मा लेसि,
लोप्पा डोबाला ताङरि,
एला लोप्खाङ हासि
ङाई,
“च्याम हाजि” बिमा,
एदा ” गाई खाने भाषा”तला विसाम,
सरकार! ङा एला “लोप्खाङ” आहा!

एसे ङानिला ग्युबा’दा,
ग्याबा स्होसि शासन ला’बा,
जुध्दशमशेर थेन,

“ङा मासिन्या मतवालि”
म्हे से:बा पा’लेरि,
ओसिन्, ङाला म्हेम्हेला थोबो थाबा
जङ्गबहादुरला दोङ्ह्राप डोबारि तमा,
ङाई,
भिमफेदिला हान्डिरि गाडी पुइनापुइनान्,
का’रुइसि सिबा ङाला आखे थेन
तामाङ रिठिम त‍ोक जेना डम्फू स्हेङ्बा,
पेङ दोर्जेला दोङ्ह्रापला’ छ्योइ
डो’आम्याङ बिसाम,
सरकार! ङादा एला लोप्खाङ आतो!

ङाइ मि,
एसे चोदेन एला रिमठिम थेन
दोङ्ह्रापला ताम डोबरि म्याङमा,
ङाइएन ङाला,
“आपा थोर्साम ह्रुई थोर्ला, आमा थोर्साम ग्युइ थोर्ला” बिबा तामाङ “लोक दर्शन” लोप्पा डोबा ङाला लोप्खाङ म्हैबा॥

[शब्दार्थ:ग्युबा: वंश

ग्याबा: दास, नोकर
दोङ्ह्रापला छ्योई: इतिहासको किताब
मासिन्य मतवाली: जंग बहादुर राणाले जारी गरेको १९१० को मुलुकी एन अनुसार त्यसलाई मृत्युुदण्ड दिन मिल्ने, किनबेच गरेर कमारो, दास बनाउन पाइने, (तामाङ, चेपाङ, थारु, झाँगड, सन्ताल र गन्गाईँ आदि आदिवासीजनजातिहरु)

____________________________________________________________________

बम्जन सुबेन `सुबेन्द्र´ | साङ्गेतोप्लेङ , याम्बु |
सम्पर्क:-९८६०३९१२३१/९८०८८९२२४५

ल्हो था`आरे
तर होजान् दुइ यान्देन् हिन्बा
म्हिसे-म्हिदा म्हाङ्गुल् क्योइबारी तिबा
लिस्याल्से सेम् न्हाङरी भ्लोबा तिबा ।

होजान् दुइ यान्देन् हिन्बा ङाला आमा –
घुज्युल्टारी म्लाङ् फल्याक् च्यापतिसी
के´ला कुनिरी खरीला टोकोल् कादे झोर्सी
लोप्खाङ् निबारी तिबा ।

ङाला आ`म्दा ल्हाना लोप्तोबा आरेबा
लोप्तोबा मुबा बृबारी थाप्साङ्´ला छान् ।

निना-निनान् –
ग्यालामरी ह्रुपताबा म्हिकादेसे
नेबासो लासी पाङ्बा मुबा रो
ना´ च्यामान् बोइला´म्ही ह्राङ्बा
बोइह्युल् निसाइ ताबा बरु ।

चुराङ्बा म्हान्बा –
लोप्खाङ् देन् आम्ला गुङरी ङार; तासिन्
आमा ! ल्याप्चे ताबा हिन्बा ।

दान्दे गो;जी ङाइ –
खाऊ ! ह्याङ गिक् ताइ
कोइ`दा पुइगे लोप्खाङ्
कोईसे थातो´ची घिक;ला गान्दी
कोइ क्रेगे प्रे´प्रे – गोबाला ज्योमोगाङ् ।

_________________________________________________________________

प्रदीप थिङ तामाङ
पोर्तुगल

ङा लोप्खाङ
पंचायत दुइला ङा लोप्खाङ
पंचायती दमन नासी खाजि
ग्लेखाङला श्हु नासी खजि
पंचायतला ग्यामनोन ग्याम तसी खजि
जनयुद्दसे लबा श्हु पुइसी खजि
प्राङ्बो, छातछुत, जातला दमनतेन
गिख्खेन नाम्सातेन
या तेन या बासी ग्ला गिरी पोप तसि तिनी न्हाङ्गर लोकतन्त्ररी दोकासीराप्पा मुला ।

नाजी वाला म्हिला क्लाङब चु कुरी
नाजी पिङ म्हिला बम चु थोपोरी
दुङाल नोन दुङालला पन्चेत ठिम
बेनादन प्लेबा ग्लेखाङ
सोङ खर्बा ह्युल्बला लेबाफेबा
कोङ्बा छातछुतला ब्रा, ब्लेकादे,
भ्रष्ट तेन अथर्वाला पहराकदे
च्यो च्योला लागिरी छेबा लडाई कदे
चेसी,नाङसी, थाबैगेन गल्छीकदे म्हाइसिगेन
नैतिक शिक्षाला खेप्पा कठी जुसी
ज्यात्ते ज्यात्ते लसि
तिनी लोकतन्त्ररी खसी रप्प मुला ।।

नैतिक ,सामाजिक,
भुगोल, इतिहास,अर्थशास्त्र
धर्म सस्कृतिला ब्लु ङाइ ङाइ ड्वाबा
ह्यो, दुष्ट , भ्रष्ट , ठाक, दलालला
चु बुठ्ठ कदे खै खराङलसी फुइजी ।
ङाला रङ्गरी क्लाङ्बन ताङ्बन
कोइ लोपबोन कोइ डाक्टर,
कोइ इन्जिनियर,
कोइमी सरकारी गे खाङला ग्रेन म्हि दोजि ।
मकाव तबा ङाला कुला डेङ
म्हालङ ल्हागब तबा ङाला काङ
परपर थिबा ङाला म्हाङ बृबा ग्लाला लिलि
दुम्सीला म्ह्रुसे गप्पा ङाला लोपखाङ
साङ्गुलसे छ्यक छ्यिक लबा थो
पन्चायत ल्हुइ , ग्लेखाङला ग्यान
गणतंत्र ला नियमसे नाङ्बा
चु खेप्प दोबा ल्हुइ दा खाल्से सोना लसे ?
से…सि निबागेन गे अपिन्बा ग्यान थोसी
गाङ फिरि न्हेसी टिबा मुला ।
ङा लोप्खाङ
तिनी लोकतंत्ररी दोकासी रप्सी टिबा मुला।

___________________________________________________________________

नाम: शेरब खेन्चे तामाङ
ठेगाना: भिमेश्वर नगरपालिका ८, बोच दोलखा

(आवद्ध सेमलेङ न्हान खोपोङ तामाङ साहित्यिक संस्था
सम्पर्क नम्बर = 9861594335)

ए फेबाएन् तिनी
ल्हामान दुही तासी जिन्जिम्
ङा परदेशी
ङा पल्टने
प्लाक्क बेर्बा सेमथोसी
म्लेजी चाहिँ एसे थाम्हान्गो यावा
मार ब्योङ्बा तामाकोशी राङ
ङा होते जेकेन निर्दहीएन् हारे
जो मार फेसी तोर खाइमाइ हायाइमुला
ङाला लोपखाङ!

थे दुहीनुन खाइराङ्बा,
झ्यार्दिला ग्योइ पाङ हासेमा
कपुरी कदा कापुरी का पाङ्मा
खरायो खदा खारायो खा पाङ्मा
भीम थापा आप्से ङाला
चु नाभ्याङला जाली ल्हिक्ना पुङ्बा
“गाई खानेको के बुद्धि” बिसी बोङ्बा
सेमरी डान्बा खाबान मुला
सेमरी सिम्बा वाङ्बान मुला
ह्युल च्याबा ङाला ङाना मिसे
मिख्लीला फोल्दोङ ताइमुला अझै
ङाला लोपखाङ!

भाग्य याङ्सिएन अभागी ङा,
राङ्लान् साम्बोटा लिपी मुन्हामुनान्
देवनागरीथेन खाम्सि~हाख्मना
रोमन लिपीरी डोदोजी ङाई
म्लाङथोप राणाकाल लिच्छा
खाजिम पाङ्मुबा ह्युल्सारी प्रजातन्त्र
खिजिम बिमुबा बहुदल, पञ्चायत व्यवस्था
ङाराङ्बा लोपखेनला प्राण किन्छी
बाजिम् बिमुबा ह्युल्सारी गणतन्त्र
खोई तिनी थे खाईं म्हाजी,
तामसालिङथेन तामाङ धोङरापला ताम
ङालाराङनुन् सदाई थोपथोप्पा
एला लिरीएन् ताङ्बा सारहाखाम्जी
ङाला लोपखाङ!!!

_____________________________________________________________________

ङेमा गोले थाङपाल
तेमाल ५ गोर्पा
काभ्रे नेपाल
सम्पर्क नं.9843012440

लोप्खाङ आरेबा थे दुइरी
म्हिला ग्योइसे तामाङदा
नाङजी प्लेजी नीदुइरी
म्हेम्हे ऊऽरी गुबा टिजी
हिगी लोप्जी डोऽजी
ह्युल्बादा ओन्बारी युङबारी
ओम म्हाने पेमा हुँ ठ्वाइजी

थे हिगी लोप्बा लोप्खाङ
दरसेला गोन्बो
गोन्बोरी हिगी लोप्जी
छ्योइ डोऽजी
थेनोन स्यान्दोला ग्योइरी टिम
अहाँ ङइ आगोजी
आमाग्योइरी डोऽबा लोप्बा
लोप्खाङ स्हेङतोऽजी

थे लोप्खाङरी
तामाङला तन्बा
ङला अले अङा ज जमेसे
ह्राङलान आमा ग्योइरी
डोऽसेला मुला
क ग्यम्से कलाङमो वाती स्योङरी खबा
ख ग्यम्से खर्पा कन युसी चबा
ग ग्यम्से गन्दि मरमर ब्रबा
ङ ग्यम्से ङनोन लोप्खाङ निबा
बिसी व्हाइ कोसी छ्योइ डोऽला
थे लोप्खाङरी

__________________________________________________________________

मानध्वज बम्जन
मरिण गाँउपालिका-४ सिन्धुली।
फोन नम्बर :- 9807620921

ख्यात्पा,ब्रिबा, डोबा लातोला ह्याङ,
थे लोप्पा ग्लादा बिमुला लोप्खाङ।
ल्हुईला केवा किन्मा गोरङी मी बसै,
अाडोदे अागो थे मीसे म्राङ्बान तसै।

जाजाकोला बेनान पुइगे लोप्खाङरी,
छार्माहेन्दे ब्रिगु स्याङ्ला थोप्थाङरी।
ब्रिगुहेन्दे शान्तिला ग्याम ब्राबा लोप्परी,
थोप्थाङ क्योङ्दान् च्योच्यो थोप्परी।

ब्रिगु स्याङ्सी थे ब्रिगुन खेसीनाम,
ल्हुईरी स्योला होइस्हेर फेसीनाम।
ह्याङ्ला सेमदा ह्याल ताना लातोला,
कोरखामला म्लाङ दोप कातोला।

रोबा दोङला हाँगाकाते कुर्बान म्राङ्ला,
खेना ब्योङमा बुल्गु स्योङनोन साङ्ला।
दुङाल हानोन हाला बेनानला ल्हुइरी,
दुङाल छ्यमनोन ताङ्बै हाला थे दुइरी।

अाथुम लोप्पा गेताङ ल्हुई अासिदे,
लोप्सीन चीला ह्युल ख्लासी अानिदे।
खेन्बा तामदा स्यान्दा नोइ गोनालाई,
सिसै काइरानरी ह्राङला मीन सोनालाई।

____________________________________________________________________

लाल बहादुर तामाङ
जिल्ला :रामेछाप
नगरपालिका :रामेछाप
वडा :६

ओइ आले
छिङ्गो होइ छिङ्गो
योनन लोप्खाङ सेदोजि
यसे लोप्खाङ सेसिमन
ह्याङ्ला पुर्खला
इतिहास ल्हानन बृदोला
ह्याङ्ला तलाच्युइ घोन्वो सेङ्दोला !

ओ आङ
छिङ्गो योनन छिङ्गो
योनन लोप्खाङ सेदोजि
यसे लोप्खाङ सेसिमन
ह्याङ्ला तामाङ रिमठिम बृदोला
ज्योमोगङ्री थोन्सिमन
तामाङ घोइलोरी सेङ्सिमन
ह्याङ्ला तामाङ ह्वाइ
मुकुन्दन थाइन घोदोला !

ओ आले
छिङ्गो योनन छिङ्गो
लोप्खाङ सेवारी छिङ्गो
यसे लोप्खाङ सेसिमन
ओन्म दाङ्वोदुइरी
पेङ्दिर्जेसे सेङ्वा डन्फु
ह्याङ्ला म्हेमेसे राप आम्याङ्वा
ह्याङ्ला पुरानो डम्फु
ह्याङ्ला हुल ब्यान्बा
थे सिंहदरवार पर्खाल दुर्न
ह्वाइ घोसिमन डम्फु राप्तोला
जनजातीला इतिहास ब्यान्बा बैरिला
तिङ दुर्न ह्याङ्ला डम्फु राप्तोला
ह्याङ्ला ह्युल्ला रिमठिम
मुकुन्दन थाइलासिमन
तामाङ ह्युलसा बृदोला तामाङ ह्युल्सा सेङ्दोल !

___________________________________________________________________

-रञ्जना माेक्तान (उषा)
तेमाल
काभ्रे नेपाल
९८४१८३६७२३

गदे टिजी ह्याङ्ला अखेमाम
लोप्खाङ अनिना मीः दोपदोप
गोतोजी ह्याङसे तिला तजी
रेगोइ ह्युल्बा ताइ गोपगोप

तामाङ ह्युल्बा थन्को ख्याल
शिक्षाला ग्यलाम गदे ह्यलह्यल
लोप्खाङ पुइगे ज जमे
अपुइगे छबारी रतेन म्हे

लोन्बो खेन्बो दोबारी
ह्याङ्ला ह्युल्सा स्होबारी
ब्रिबा डोबा लतोला
थे तसि लोप्खाङ नितोला

ह्राङलान ग्योइरी ब्रिसी छ्योइ
तोरतोर तनालाइ तामाङ ग्योइ
ज जमे पुइगे लोप्खाङरी
अर्कुइ कुलमान घिसिङ स्होइ

लप्साङकर्पो अामा याङरी
ज्योमोलुङमाला ह्युल्सारी
सैलुङ म्हाबार तेमालगाङ
नाम्सादिमरी स्होइ लोप्खाङ

________________________________________________________________

बुद्धराम थिङ
बागमती गाउपालिका -१ घुसेल ,ललितपुर
९८४१७०३३६२
 

ङाला न्हाङ्ला मि ठ्वाङ्सी
जम्बुलिङला ल्हुही ओन्बा
एसेन ओन्बा हिन्ना लोप्खाङ
म्हि ल्हुहीदा
देन्बान म्हि दोनालसी
बेनादान च्योच्यो लबा सेम
एसेन ङोसेना लबा हिन्ना लोप्खाङ
गि ङि सोम ब्लि बिसि ज्यासी
स्यार ल्हो न्हुप ज्याङ कोर्बा बाङ
एसेन पिन्बा हिन्ना लोप्खाङ
ङ्हेला ङ्हे क्युइला क्युइ फेसी
न्याय अन्यायला उमाल क्योइबा ग्याम
एसेन लोप्पा हिन्ना लोप्खाङ
दु:ख हसाइ सुख हसाइ
सेम खिसी सोबा ताम
एसेन पाङ्बा हिन्ना लोप्खाङ
ताङ्बा ङेबा क्राबा ङोर्बाला रंगकदे छिसी
गोर्गी लर्ग्युङ दोसि राप्पदा ह्रो
एसेन लबा हिन्न्ना लोप्खाङ
तिरेम ए ङा थारेङ तसेदन मुला
लिच्छाला पुबुकदेदा
देन्बा दोखाङरि दोना लाउ
लोप्खाङ,
एदा ङाला चुनोन म्होइजेन मुला

____________________________________________________________________

– दल बहादुर लामा
ठेगाना : काभ्रेपलान्चोक राेशि ६
हाल: प्रवास मलेसिया
सम्पर्क फाेन नम्बर :01164141644

दिनि राह्ङ्बा हिन्न चु लाेप्खाङ मि म्राङ्बरि खाम्ला
डाेदासि ज्यानालासि सेम काेङबरि खाम्ला
दाेब तासिटिबा मुन्हारि ह्याल म्राङ्ना लसि
अागाेबा अालेअाङा,जा-जामेदा ह्वम्दासि पुईगे
ल्हाेप्खाङरि

सेमरि म्रदासि नाङसाल- लुङ्ना लदाेजि मिलासेम्
म्हेन्दाेला फाेले राह्ङलसि
असेबा ग्यामकादे ल्हुईला
अागाेबा तामकादे ह्युल्बाला
रेबारि रह्ङलान केबाग्लारि ।

थान्दासि अापा अामाला सेमदा
छाेर्गाे, रेगाे-फेप्दासी लाेप्खाङरि

लाेप्दासि का खा…
गाेदाेजि नाम्सदिम थेन जाम्बुलिङ
पुइदासि राह्ङलान गेताङ
गुरुसे लाेप्बा तामदा – जिदासि जहिलेन् जहिलेन्
डाेगे निदासि ह्याङ एनाैन लाेप्खाङरि

गाेबारि तिला देन्बा?
न्हेबारि खाप्पा ग्याम?
दाम्बारि खाप्प पुजु खाप्प म्हेन्दाे?
सेदाेला लाेप्खाङ- डाेदासि छाेई – रेदाेला सेङबारि राह्लान् काईरान अाेम ह्युलठिम!
ह्याङ्ला लाेप्खाङ
सेमगि पुईसि छार्नालाइ ह्याङला लाेप्खाङ!

____________________________________________________________________

-सुरेन्द्र कुमार योन्जन तामाङ
चौरी गाउँ पालिका वडा न १,काभ्रेपलान्चोक, हाल इजरायल

साङगेला मोलम दा ठुक डान्छी ज्याबा ग्यालाम रि ब्रादोजि
लोप्खाङ दा आज्याबा आमान्छी ब्रादोजी सेम येन फुर्ताङ्सी
ढा ग्वारे ताकतोक थान्दोजी किताब कापी कलम पुइदोजी
ब्रीबा ढोबा लाबारी आले आङा लोप्खाङ रि निदोजी
चु ताम साक्सेन गोदोजि ख्यात्बा ढोबा लादोजि

लोप्खाङ बिबाम ज्ञान् बुद्धी पिन्बा गादेज्याब दिम
सुखला ग्यालम रि दोबारी ल्हानन ब्रीबा ढोबा लादोबचिम
ज्यान लासी ढोबा ब्रीबा लासिनाम सेना म्राङना लाखाम्ला
तामाङ ला कोला तासाई नोन बिजय,कुलमान र्हाङ ताखाम्ला
ह्युल्सारिन म्राङ्ना लाखाम्ला मुलुक रिन सेना ताखाम्ला

स्यार रि मुसै ह्याङ तामाङ न्हुब रि मुसै ह्याङ तामाङ
जम्बुलिङ रि मुसै ह्याङ तामाङ
लोप्खाङ ला साङ्ग्युर सेङ्दोजी शिक्षा ला नाङशाल म्रादोजी
जा जामे च्यो च्यो लादोजी जाम्मदन सेना गोना लादोजी
ह्युल्सा दा जेना म्राङना लादोजी नाम्सा दा थेना च्याना लादोजी

ब्रीबा ढोबा लाबारी आले आङा लोप्खाङ रि निदोजी
ढा ग्वारेला भर आलाउ computer ला जमाना खाजिन्जी
Computer रि मुलुक च्याखाम्ला मुग्लान परदेश कोरखाम्ला
सेमसे म्हन्बा बिबा लाखाम्ला शान्तिला नाङशाल म्राखाम्ला
ह्युल्सादन सेनथेना लाखाम्ला तामाङ बिसि ब्राखाम्ला
आबा आमा ज्यो ज्यो आले नाना आङा चु ताम सक्सेन गोदोजी
लोप्खाङ ला अर्थ गोदोजी दासेम छोरङान खादोजी
नाम्सा गाङसा जहा मुसै मुग्लान ह्युलरी ह्याङ मुसाइ
लोप्खाङ दा बिकास लादोजी शिक्षा ला साङ्ग्युर ठाम्दोजी
सेना गोना लादोजी ह्याङ घिक तासी ब्रादोजी

रिन्जेन म्हेमेला छाया ह्याङ तामाङरिन ब्रीबा ढोबा लादोजी
धरेम ज्योज्यो आले नाना आङा चु ताम साकसेन गोदोजी ह्याङ लान रिमठिम दा तेनतोजी
ह्याङलान पहिचान वानदोजि हयुल्सादा सेना जेना लादोजी
होस्टेरि हैसे लादोजी ह्याङ गिक तासी ब्रादोजि
तामाङ बिसि थेना सेना लादोजी जम्मान ह्याङ घिक तादोजी ।। 

___________________________________________________________________

-एनिका तामाङ 

(अनैकोट पाँचखाल काभ्रे ) हाल काठमाडौ गल्कोपाखा  29 ठमेल

ङाक्छाला घ्यलाम आपाआमाटिम
जन्म पिन्जी मि ठोङबा घ्ला लोप्खाङ टिम
स्यण्डो टिलै आरे
तिला पूरा आतानी
चु जाम्बुलिङरि
लोप्खाङ बिना

चु दुखिला सालिङ
ढोबा बिना ढोप ढोप्पा
ह्युल ठिम
आगोसेला पक्कन
ङाला रिमठिम
चोथेबा ह्युलरि च्यान धोबारी
ढोबा बिना ढोप ढोप्पा
नाङसाल लुङ्बारी

स्यन्दो तिलाइ आहिन
सारा ह्युलसारी कोर्बारी
चु लोप्खाङ टिम
ए ङाला सुखला दोखाङ टिम
धन्न ए आरेबा हिन्साम
ङाला तिला गति
तासेला मुबा ङ्यालावा ह्याङ
तासेला मुबा मि बिनाला
तासेला मुबा भाका बिनाला
ए आरेबा हिन्साम
धोप धोप्पा चु ह्युल रि
नाङ्साल बिनाला
ह्युल तिला घेताङ

शासक न्हाङबासे न्हाङसी थान्बा चु ठिम
सोना लाबारी ढोबारु पुइगे लोप्खाङ
ओ ज्यो ज्यो आले नाना आङा
ह्याङ धारेम डोदोला
च्युप्सी थान्बा मैना थातागै
काङसे न्ह्ङ्बा साप्रा र्ह्याङ्बा थातागै
थुसी भ्याङ्बा मेन्दो व्ह्र्ङ्बा थाछोर्गाइ
रेगो धारेम ह्याङ ज्यो ज्यो आले
रेगो धारेम नाना आङा

पक्कन लोप्खाङ ए बिना
चुङसी थान्बा व्ह्राङ
च्युप्सी थान्बा व्ह्राङ
पक्कन ए बिना
तासेला

स्यान्दो तिलै आहिन
लोप्खाङ रि पुइगे दारेम
ह्याङला जा जामे ता
रिमठिम त सोना लाबारी
धोइ पुइबा ढाग्रेला
टु हार्ना लाबारी
खाडी मुलुकरि क्रासेटिबा त
ङेना लाबारी

__________________________________________________________________

– बिन्दु लामा (पोर्चुगल) 

आमा!!
ङानोन आलेदेन छ्याम लोप्खाङ निला

चु जाजाबा मुइ कोला च्यागो ङे थुङ अम्याङनस ङ्हेबा आमा
ङे थुङ अम्याङ्मा कदे ङेबा
ङ्हेना ङ्हेनान चु ला काइ ह्रे जिन्जी
मिला कुनिनिन फुप्सी थोन्ब थेला मिख्लिला स्हु कदेसे
ङाला सेम स्योप स्योप क्रोला आमा
ए तिन्दा चुदे कोङ्बा?
क्राना क्रानान सोङ खरबा
थेला काइ कदेसे
ङाला तिङ थिसी खला आमा
तर, ए तिल्दा चुदे कोङ्बा तबा ?
ङानोन चु मुइ कोला योमा ह्राङनोन तबला मुला आमा
ङाला सेम, ङाला रहर ङाला इच्छा
तिल्दा खिसी थान्न
ङानोन थे गाङ थासी फ्याङ्बा चरा ह्राङनोन फ्याङ्ला आमा
ङानोन आलेदेन छ्याम लोप्खाङ निला होइ

छाङतेन डासे दोइमी पुइखाम्ला
चु सेम्ला धोइ तिल्से पुइसे ?
म्हुन हृप तबा ह्राङ धिनी सेसी छुप निला
ङाला सेमला क्लाङ्बा चुलबुल तिलासी छुपनिला ?
ह्वाइकोबा गाइने ज्योत्से साराङ्गी स्हुइसि दुङाल सेला
ङाइ ङाला तिला स्हुईसि दुङाल सेसे एदा
कोइली कुहुँ कुहुँ से स्हाे फेला
ङाइ ङाला तिला सेसि स्हने फेना लाउ ?
अ देन्छिन पाङ्गोम आमा,
ङा एलान जामे हिन्ना अहिन ओम ?
अझै नोन ,
एला आङ्बा ब्लब ब्लब मुबा अहिन ?
एसे , एला थर्बा जमे स्हाेब सेमदा
ह्युल ठिम स्हेङ्बा ग्लाला दोगे बिबा रहर त
पासागं ल्हामु ह्राङनोन ज्योमोगाङ डाबा जामे दोब रहरता ,
गरा दोसी ङाला काङ तिल्दा च्याल्दसे च्युन्बा ?
सोबन छेन्दे स्हाेसि ह्यालता तिल्दा दोप लाला ?
ङानोन ङ्हाला लानी ह्राङ्नोन ह्याल तला नि
ए आमाँ !!
ङानोन आलेदेन छ्याम लोप्खाङ निला होइ ।

बर्खरी सुनछे नाइमा
फुइबा स्यामोला धिनी सेबातेन छ्याम थेला ल्हुइनोन सेला
योरी फिर ताङ्सी छोबा थे
गाङसल ताङ्बा अस्याब्नन थेला ल्हुइ जिन्ना
ङानोन चु स्यामो ह्राङ तबाला मुला आमा
मुख्खी ताङ्सी स्याबा बमासे
दोङ्ला बारी , धिम्ला थोरी, डिहीरी म्हेन्दोला फोले फोलेरी
मायाला तिक तिक ताइसी ख्लासी निसै
स्याेरि फेबा दिनिदेन छ्याम बमा ङ्हुसी निला ।
ङानोन चु बमा ह्राङनोन दोजि आमा
ङादा पारिजात ह्राङ सर्बा सेममुला
ङादा स्योङ दोसी गान्दीरी छ्योल्निबा सेममुला
ङानोन स्योङ ह्रानोन ब्योङ्सी निला
एँ आमा!!
ङानोन आलेदेन छ्य लोप्खाङ निला ह्या ।

____________________________________________________________________

श्याम कुमार ग्लान
स्थायी ठेगाना : सुनकोशी गा. पा. ७ सिन्धुली
आस्थायी ठेगाना : क. न. पा. ४ सिन्धुली
सम्पर्क : ९८४४५७१०९७

खासु न्हाङ्ला ङाला लोप्खाङ
‘रा’ ‘मे’ छाबान ‘छे’ ‘सिङ’ थाबान
आबा आम्से क्रेबा दु:खाला ज्योमोगाङ
क्रे थातोगाई भिसी
आम्से नागा योमो देन खसी चुङ्बा टाङ्गा
गाल्दारी जोर्सी म्राङ्बा म्हाङ गादे
म्हेनिङरि म्हेम्हेसे घेन म्ही दोदोला
भिसी लाबा मोलम
हाइओम ङाला ग्योइ, गोइकाइ
ग्योइलो देन रिमठिम ?
प्लेबान, नाङ्बान मुला
ङाला लोप्खाङरी आझै ।

ङाला लोप्खाङसे हाइओम
स्यान्दोदा र्हाङ ह्युलठिमरी छ्याम ब्रा पुङ्बा ?
जागिर याङ्बा ?
आझै ल्हानन आले फुर्बादेन आङ्गा छिरिङ्ग गादे
म्हिला ग्ला री ‘टु’ देन मिख्लीला घान्दीरी
क्याल्बान टाङ्गा म्हाइबान मुला
‘फो’नाङ चाबा देन ‘घो’नाङ क्वान्बारी
आपादा टोक्मासे आमादा ‘डा’ देन हाङ्सुसे ख्लाबा आरे
डुंन छ्याबा खासु हाइमा रेला ?
ङाला लोप्खाङरी धिनी हाइमा फेला ?

_____________________________________________________________________

 -अन्जु मोक्तान तामाङ
स्थायी ठेगाना स् सैलुङ (३, दोलखा
साबिक स् काटाकुटी (२, दोलखा
अस्थायी ठेगाना स् गोकर्णेश्वर (८, काठमाडौं
सम्पर्क नं ( ९८४३८०४४७०र९८०३४४६८४२

 झिङरिङ्ग क्रा म्राङसीनाम्,
झुत्रोझाम्रो क्वान म्राङसीनाम्,
होसमान् मुला ङाला लोप्खाङ, लोङ्बा आखाउ।
खाईमाई नुहाब आलासीनाम्,
फोहोरसे थाङ् खासीनाम्,
होस्पान् मुला ङाला लोप्खाङ नाईबा आखाउ।

कापीकालम पुईबा गाते,
लोप्खाङ सोबा गाते,
दान्दे लोप्खाङसे लोङ्बा मुला,
जनयुध्दसे लोप्खाङदा हेला लाबा मुला,
होजा आख्राईबा क्रारी र्दोजेला का मुला,
क्रासी ब्रेबा मीरी म्हेन्दोला मीख्ली मुला,
आथाईबा नाफेरी डोल्मोला क्राबा मुला,
माया लाबा कुरी फुर्वादा सात्बा गोली मुला।

ङाला लोप्खाङ दन्दे होस्पान् मुला,
ह्र्ङलाङ कोला सीबा आमा राङ्बान्।
एकिकरणरी थाबा ग्ले राङ्बान्,
राणा धुईरी धोत् पुईबा पिपा राङ्बान्।
ङाला लोप्खाङ दन्दे आक्योईबा मुला,
ह्याङ्ला म्हेम्हेला इतिहास राङ्बान्।

खालाइसे दोसीम् सोना लाबारी,
ङाला लोप्खाङ, दन्दे नुन् ब्रान्बान् मुला।।

____________________________________________________________________

__________________________________________________________________

 

शान्ता मोक्तान तामाङ
जन्म स्थान – सङ्खुवा सभा पाचखपन न. पा. वाड न:५ खमारे
हाल मोरङ बेलबारी न.पा.वाड न:११ लक्ष्मीमार्ग मोरङ।

_____________________________________________________________________

_____________________________________________________________________






Related Posts

शुभकामना

भर्खरै...

लोकप्रिय

रोचक खबर

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

भारतको नाम ‘इन्डिया’ कसरी रह्यो ? यस्तो छ चाखलाग्दो इतिहास

नेपालको दक्षिणी छिमेकी देशलाई भारत, इन्डिया, हिन्दूस्तान भनेर बुझ्ने गरिन्छ । एउटै देशको ३ थरि नाम कसरी रह्यो ?... बाँकी यता

tamang online / June 2, 2020

 Photo Gallery

 Music videos

बिज्ञापनका लागि:
 info@tamangonline.com
लेख, रचना र समाचारका लागि:
 info@tamangonline.com
सामाजिक संजाल तर्फ:
सर्वाधिकार © 2012 - 2020: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution