हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

नेपाल–चीनबीच २० बुँदे सम्झौता 

काठमाडौं । चीनका राष्ट्रपति सी जिनपिङको दुईदिने नेपाल भ्रमणको दोस्रो दिन दुई देशबीच २० बुँदे सम्झौता भएको छ । ती मध्येको तेस्रो बुँदामा ‘नेपाल र चीनबीच आपराधिक मामिलामा आपसी कानुनी सहयोग सम्बन्धी सन्धि’ भएको समेत जनाइएको छ । सुपुर्दगी सन्धिलाई नै यही नाम दिइने गरेको जानकारहरु बताउँछन् ।

यसबारेमा प्रधानमन्त्रीका प्रेस सल्लाहकार डा. कुन्दन अर्यालले बाह्रखरीसँगको कुराकानीमा सो विषय सुपुर्दगी सन्धी नभएको र कानुनी सहयोगको विषय मात्रै भएको बताएका छन् ।

सो सम्बन्धी विषय चीनका तर्फबाट सन् २००९ मा नेपाललाई प्रस्ताव गरिएको थियो । त्यो सन्धिभित्र के–के राखिएको छ भन्ने कुरा भने खोलिएको छैन । गत जुन महिनामा हङकङको संसदमा पेस गरिएको विधेयकको नाम पनि यससँगै मिल्दो पाइएको छ ।
परराष्ट्र मन्त्रालयले जारी गरेको वक्तव्यमा सहमति भएका विषय भनेर तेस्रो बुँदामा सो कुरा पारिएको छ ।

वरिष्ठ अधिवक्ता यदुनाथ खनालले बाह्रखरीसँगको कुराकानीमा घुमाउरो पाराले यो नै सुपुर्दगी सन्धि भएको जनाए । यो सन्धिका कारण विवाद उत्पन्न हुनसक्ने अवस्था भए पनि प्रधानमन्त्रीका सल्लाहकार अर्यालले भने मान्छे नै एकअर्का देशमा पठाउने खालको नभएर कानुनी सहयोग मात्रै गर्ने सन्धि भएको दाबी गरे । त्यसैगरी परराष्ट्र मामिलाका एकजना जानकारले पनि घुमाउरो पारामा सुपुर्दगी सन्धि गरेको बाह्रखरीलाई बताए । उनले भने, “यो नाम जे दिइए पनि सुपुर्दगी सन्धि नै हो ।”

प्रधानमन्त्री ओलीका परराष्ट्र सल्लाहकार डा. राजन भट्टराईले पनि दोहोरो अर्थ लाग्ने खालको नभएको बताए । उनले सुपुदर्गी सन्धि नभइ कानुनी सहायता आदान प्रदान सम्बन्धी सन्धि भएको बताए ।

यसबाहेक सहमतिको सातौं बुँदामा नेपाल र चीनबीच सीमापार रेलवेको फिजिविलिटी स्टडी गर्ने बारेमा समझदारी भएको जनाइको छ भने अठारौं बुँदामा अर्थ मन्त्रालय र चीनको इन्टरनेसनल डेभलपमेन्ट को–अपरेसन एजेन्सीबीच सुरुङ्ग निर्माणमा सहयोग सम्बन्धी समझदारी भएको जनाइएको छ ।

दुई देशबीच सन्धि र समझदारी भएका बुँदाहरुको सूची यस्तो छः

१. सीमा व्यवस्थापन प्रणालीबारेमा समझदारी

२. सुशासन सहयोगमा क्षमता अभिबृद्धि सम्बन्धी सहयोगको आदानप्रदानमा समझदारी

३. आपराधिक मामिलामा आपसी कानुनी सहयोग सम्बन्धी सन्धी

४. सगरमाथा÷चोमोलोङ्गमा संरक्षण संरक्षण सहयोगमा समझादारी

५.लगानी सहयोग र सहयोग परियोजना प्रवद्र्धन सम्बन्धी क्षमता अभिबृद्धिका लागि योजना आयोग र चीनको राष्ट्रिय विकास र सुधार आयोगबीच सहयोग

६.चेङ्गदुमा नेपालको वाणिज्य दूतावास खोल्ने सम्बन्धी पत्रको आदानप्रदान

७. भौतिक पूर्वाधार मन्त्रालय र यातायात चीनको यातायात मन्त्रालयबीच नेपाल र चीनबीच सीमापार रेलवेको फिजिबिलिटी स्टडीको बारेमा समझदारी

८. नेपालको काठमाडौं महानगरपालिका र चीनको नानजिङ सहरबीच भगिनी–सहर सम्बन्ध स्थापना गर्ने सहमति

९. बुटवट उपमहानगरपालिका र सियान सहरबीच भगिनी–सहर सम्बन्ध स्थापना गर्ने सहमति

१०. नेपाल सरकारको स्वास्थ्य र जनसंख्या मन्त्रालय र चीनको परम्परागत चिनियाँ औषधी राष्ट्रिय प्रशासनबीच परम्परागत औषधीमा सहकार्य समझदारी

११. नेपालको गृहमन्त्रालय र चीनको विपद व्यवस्थापन मन्त्रालयबीच प्रकोप जोखिम न्यूनीकरण र आपतकालीन उद्धारका विषयमा सहकार्य गर्ने समझदारी

१२. नेपालस्थित महान्यायाधीवक्ताको कार्यालय र जनताको सर्वोच्च अदातलबीच सहकार्य गर्ने समझदारी

१३. नेपालस्थित त्रिभुवन विश्वविद्यालय र चीनको कन्फ्युसियस इन्स्टिच्यूट हेडक्वार्टरबीच त्रिभुवन विश्वविद्यालयमा कन्फ्युसियस इन्स्टिच्यूट स्थापना गर्ने सहमति

१४. नेपालको कृषि मन्त्रालय र चीनको सामान्य प्रशासनअन्र्तगतको कर कार्यालयबीच साइट्र फलहरु निर्यात गर्ने

१५. नेपालको उद्योग, वाणिज्य र आपुर्ती मन्त्रालय र चीनको वाणिज्य मन्त्रालयबीच व्यापारका विषयमा संयुक्त कार्यदल स्थापना गर्ने समझदारी

१६. चीनको सहयोगमा भूकम्प निगरानी नेटवर्क प्रोजेक्ट स्वीकार गर्ने

१७. नेपालको अर्थमन्त्रालय र चीनको वाणिज्य मन्त्रालयबीच लगानी सहकार्य कार्यदल गठन गर्ने समझदारी

१८. नेपालको अर्थमन्त्रालय र चीनको अन्तर्राष्ट्रिय विकास सहकार्य नियोगबीच सुरुङ निमार्णमा सहकार्य गर्ने समझदारी

१९. सीमा सुरक्षा उपकरण र कार्यालय उपकरणका विषयमा पत्र आदानप्रदान

२०. काठमाडौं उपत्यकामा चीनको सहयोगमा पानी आपुर्ती सुधार प्रोजेक्टको फिजीबिलिटी अध्ययनका लागि बैठकको माइन्युट ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution