नेपाल तामाङ घेदुङ इजरायलले प्रथम अन्तराष्ट्रिय तामाङ ह्वाइखा प्रतियोगिताको आयोजन गर्ने
तेलअविव – नेपाल तामाङ घेदुङ, इजरायलको ऐतिहासिक पाँचौ बार्षिकउत्सब दिवसको पावन अवसरमा तामाङ भाषाको विकास,सम्बर्धन,प्रबर्धन एवं जगेर्नाका लागि योगदान पुगोस् भन्ने मुख्य लक्ष्य र उदेश्यका साथ विश्वव्यापीरुपमा लोप्खाङ (विद्यालय) शिर्षकमा बृहत प्रथम अन्तराष्ट्रिय तामाङ ह्वाइखा (कविता) २०१९ अनलाईन प्रतियोगिता गर्ने भएको छ ।
आउँदो १५ नोभेम्बर २०१९ शुक्रबार साँझ ७ बजे तेलअभिवमा हुन गइरहेको हुँदा उक्त ऐतिहासिक प्रतियोगीतामा स्वदेश तथा विदेशमा रहनु हुने इच्छुक तामाङ साहित्यकार तथा साहित्यप्रेमी सम्पूर्ण महानुभावहरुले भाग सक्ने संस्थाका महासचिव पेमा लामा पाख्रिनले जानकारी दिनु भएको छ ।
प्रतियोगितामा प्रथम हुनेलाई नेपाली रुपैयाँ पन्ध्र हजार, द्धितीयलाई दश हजार , तृतीयलाई पाचँ हजार नगद पुरुस्कारको व्यवस्था गरिएको छ । यसिगरि चौथो हुनेलाई सान्त्वना स्वरूप पन्ध्र सय प्रदान गर्ने भएको छ । ह्वाइखा प्रतियोगितामा सहभागी सम्पूर्ण कविहरुहरुलाई प्रमाण पत्र प्रदान गर्ने भएको छ ।
प्रतियोगिताको लागि नेपाल तामाङ घेदुङ, इजरायलका भाषा साहित्य विभाग प्रमुख नानीमाया योन्जन तामाङको संयोजकत्वमा अनुशासन विभाग प्रमुख बी बी लामा तामाङ र तामाङ शैक्षिक अक्षयकोषका विभागीय प्रमुख सुन्दर सिहं लामा तामाङ सदस्य रहने गरि ३ सदस्य समिती बनाएर जिम्मेवारी प्रदान गरेको छ ।
प्रतियोगितामा भाग लिन चाहनुहुने विश्वभरिका इच्छुक तामाङ महानुभावहरुले संस्थाको इमेल र नेपाल तामाङ घेदुङ, इजरायलको फेसबुक इनबक्समा आफ्नो अमुल्य साहित्य रचना तामाङ ह्वाइखा (कविता) पठाउन सक्ने जनाएको छ ।
शीर्षक “लोप्खाङ “(बिद्यालय)
प्रथम अन्तराष्ट्रिय तामाङ ह्वाइखा (कविता) २०१९ नियम तथा शर्तहरु
१) तामाङ भाषामा लेखिएको व्हाइखा (कविता) अधिकतम १०० शब्द भित्र हुनुपर्नेछ ।
२) प्रतियोगितामा संसार भरिका तामाङ महानुभावहरुले भाग लिन सक्नु हुनेछ ।
३) आफ्नो ह्वाइखा (कविता)संगै पासपोर्ट साइजको एक प्रति फोटो सहित स्थाई ,अस्थाई ठेगाना र सम्पर्क नम्बर पठाउनु पर्नेछ ।
४) ह्वाइखा ( कविता ) नेपाल तामाङ घेदुङ इजरायलको इमेल [email protected] वा नेपाल तामाङ घेदुङ इजरायल इन्बक्समा पठाउनु पर्नेछ ।
५) प्रतियोगितामा भाग लिन इच्छुक महानुभावहरुले आ-आफ्नो ह्वाइखा(कविता) यहि अक्टोबर (२०१९ ) १८ तारीख शनिबार बिहान ७ बजे देखि नोभेम्बर २ तारिख इजरायलको समय बेलुकी १२ बजेसम्ममा प्राप्त भएको ह्वाइखाहरुलाई मात्र समावेश गराइनेछ ।
६) प्राप्त ह्वाइखा (कविता)हरु क्रम्बद्द रुपमा संकलन गरिनेछ ।
७) प्राप्त सबै ह्वाइखा (कविता)हरु संकलन गरि निर्णयको निम्ति सम्बन्धित बिधामा अनुभवी दखल ब्यक्तित्वको तीन सदस्य निर्णायक मण्डल समक्ष पठाइनेछ ।
८) निर्णायक मण्डलले निर्णय गरेको निर्णय नै अन्तिम निर्णय हुनेछ ।
# प्रथम उत्कृष्ट बिजेता हासिल गर्ने प्रतियोगिताहरुलाइ सुवर्ण अवसर ।
१) प्रथम हुने बिजेता प्रतियोगितालाई नेपाली रुपैया = १५,००० ( पन्ध्र हजार )नगद पुरस्कार र प्रमाणपत्र सहित सम्मान गरिनेछ ।
२) दोस्रो हुने बिजेता प्रतियोगितालाई नेपाली रुपैया १०,००० (दस हजार )नगद पुरस्कार र प्रमाणपत्र सहित सम्मान गरिनेछ ।
३) तेस्रो हुने बिजेता प्रतियोगितालाई नेपाली रुपैया ५,०००(पाँच हजार ) नगद पुरस्कार र प्रमाणपत्र सहित सम्मान गरिनेछ ।
४) चौथो हुने बिजेता प्रतियोगितालाई नेपाली रुपैया १५००(पन्ध्र सय)सान्त्वना पुरस्कार र प्रमाणपत्रबाट सम्मान गरिनेछ ।
५) सहभागी प्रतियोगिताहरु सबैलाई प्रशंसापत्रबाट सम्मान गरिनेछ ।
# बिजेताहरुको ह्वाइखा(कविता)लाई कार्यक्रममा वाचन गरी सुनाइने छ ।
बिजेता प्रतियोगिता घोषणा नेपाल तामाङ घेदुङ इजरायलको पाचौं बार्षिकोत्सव कार्यक्रम २०१९ नोभेम्बर १५ तारीख शुक्रबार साँझ घोषणा हुनेछ।
नानीमाया योन्जन तामाङ
प्रमुख – भाषा, साहित्य बिभाग
संयोजक -तामाङ ह्वाइखा प्रतियोगिता (२०१९)
नेपाल तामाङ घेदुङ इजरायल