हेडलाईन

भोजपुर सेवा समाज इजरायलको छैठौ साधारणसभाबाट अध्यक्षमा सुमिन पाख्रिन तामाङ चयन         इजरायलमा २८ औ विश्व आदिवासी दिवस भव्यताको साथ मनाउने         इजरायलमा हरितालिका तिज मेघा महोत्सव २०७९ सांस्कृतिक कार्यक्रम हुदै         नेपाल मगर संघ शाखा इजरायलको अध्यक्षमा सुर्य बहादुर राना मगर चयन         प्रवासी नेपाली मंच इजरायलको अध्यक्षतामा ज्योती शर्मा चयन         इजरायलमा मङ्गोलियन हार्ट ब्याण्ड सहित लाइभ कन्सर्ट हुदै         ह्योल्मो समाज इजरायलको १६ औं बार्षिकोत्सव तथा नवौं साधारण सभा हुदै         इजरायलमा गठबन्धन सरकार ढल्यो, लापिड कामचलाउ प्रधानमन्त्री बन्ने         नेपाल आदिवासी जनजाति महासंघ इजरायलको अध्यक्षमा नानीमाया योन्जन तामाङ चयन         मातृभाषाको विकल्पमा ऐच्छिक विषय गणित, कम्प्युटर राखिएकोमा हटाउन माग         राष्ट्रिय नेवा: खल: इजरायलको अध्यक्षमा राजकुमारी श्रेष्ठ चयन         प्रवासी नेपाली मंच इजरायलको दोश्रो अधिबेशन हुदै         इजरायलमा सिसेक्पा तङनाम ५०८२ सांगीतिक धमका कार्यक्रम हुदै         किराँत राई यायोख्खा इजरायलको अध्यक्षमा दिप कुमार थुलुङ् राई चयन         नेपाली समाज इजरायलको ऐतिहासिक तेस्रो स्थापना दिवस मनाउदै        

पूर्वराजदूत झा हत्या प्रकरणः कान्छाराज तामाङ फेरि पक्राउ

काठमाडौं– फ्रान्सका लागि नेपालका पूर्वराजदूत केशवराज झाको घरमै भएको हत्या प्रकरणमा प्रहरीले उनका सुरक्षागार्ड कान्छाराज तामाङलाई फेरि पक्राउ गरेको छ ।

महानगरीय अपराध अनुसन्धान महाशाखाका अनुसार उनलाई काभ्रेबाट पक्राउ गरिएको हो ।उनीविरुद्ध झाकी पत्नीले काठमाडौंमा किटानी जाहेरी दिएकी छिन् ।

तामाङ एक दशकयता झाको घरमा काम गर्न बसेका थिए । यसअघि पनि प्रहरीले उनलाई पक्राउ गरेको थियो । तर कुनै प्रमाण नभेटिएपछि उनी छुटेका थिए ।

उनले आफूले पाउँदै आएको तलबमा असन्तुष्टि जनाउँदै आएका थिए ।

गत वर्षको ८ भदौ सोमबार विहान बबरमहलस्थित आफ्नै निवासमा फ्रान्सका पूर्वराजदूत ८० वर्षका केशवराज झाको मृत शरिर भेटिएको थियो । झा सन् १९९३ देखि १९९७ सम्म फ्रान्सका लागि नेपाली राजदूत थिए । उनले परराष्ट्रमा ३४ वर्ष जागिरे जीवन बिताएका थिए ।

विहान लामो समयसम्म झाको कोठाको ढोका नखुलेपछि श्रीमती र घरमा काम गर्ने व्यक्ति झाको कोठामा ढकढक गर्न पुगे । तर, झाले भित्रबाट ढोका खोलेनन् । नखुलेपछि उनीहरुले छेउको झ्यालमा पुगेर हेरे । आइतबार राती अबेरसम्म झा टिभी हेरेर बसेका थिए । उनी सुतेको कोठाका दुवै कोठा बाहिरबाट चुकुल लगाइएको थियो ।

झ्यालबाट हेर्दा झा ओछ्यानमा नै चलमल नगरी बसेको देखेपछि उनीहरुले प्रहरीलाई फोन गरे । प्रहरी आठ बजे झाको घरमा पुग्यो । प्रहरीले प्रारम्भिक अनुसन्धानपछि भन्यो– झाको हत्या भएको बलियो प्रमाण भेटियो । त्यो प्रमाण हो– झाको घाँटीमा र टाउकोमा चोट लागेको थियो । उनको ओछ्यानमा झाको छातीमा घरको भान्सामा प्रयोग भएको चक्कु पनि भेटियो । दिउँसो ३ बजेसम्म प्रहरीले घटनास्थलबाट प्रमाण संकलन गर्यो । अनुसन्धानका लागि प्रहरीले घरमा काम गर्ने दुई माली र भान्सेलाई पक्राउ गर्याे ।

के आत्महत्या हो त ?

झाको मृत्यु आत्महत्या होइन भन्ने दाबीका लागि घटनास्थलका प्रमाणले सहयोग गरेका थिए । पहिलो, उनको सुतिरहेको कोठाका ढोका बाहिरबाट लगाइएका थिए । दोस्रो, उनको सुतिरहेको कोठाको झ्यालको भेन्टिलेसनको जाली काटिएको छ । तेस्रो, उनको टाउको र घाँटीमा चोट छ, उनी सुतेको कोठामा रगत निकै बगेको थियो तर लतपतिएको थिएन । आफैं आत्महत्या गरेको भए झा छटपटाउँदा रगत लतपतिएको हुने थियो । त्यस्तै, झाको छातीमा नै चक्कु थियो । आत्महत्या गरेको भए चक्कु छातीमा अडिने सम्भावना न्यून हुन्थ्यो ।

केही दिनअघिमात्र बेचेका थिए बुढानिलकण्ठको जग्गा

झाका एक छिमेकीका अनुसार केही समयअघि झाका छोरा किरणराज झा श्रीमतीसहित आयरल्यान्डबाट नेपाल आएका थिए । त्यही समयमा उनीहरुले बुढानिलकण्ठमा रहेको जग्गा बेचेका थिए । जग्गाको कारोबार सकिएपछि किरण श्रीमतीसहित आयरल्यान्ड फर्किए । छोरा बुहारीलाई बिदाइ गर्न झा त्रिभुवन विमानस्थल पुगेका थिए ।

कसले र किन गर्यो त हत्या ?

प्रहरीले यो अनुसन्धानका लागि झाको घरमा भएका काम गर्ने सहयोगीहरुलाई पक्राउ गरेको थियो । तर प्रमाण नपुगेको भन्दै उनीहरु साधरण तारेखमा छुटेका थिए ।

उनका छिमेकीले झाले बुढानिलकण्ठको जग्गा बेचेको र त्यो जग्गा बेच्दा आएको पैसा घरमा नै राखेको हुनसक्ने अनुमानमा उनका हत्या भएको आशङ्का गरेका थिए /फरकधारबाट






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2022: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution