हेडलाईन

तामाङ समाज क्यानाडाको तेश्रो अधिवेशन सम्पन्न         तामाङ सोसाईटी अफ सिड्नीको अध्यक्षमा विशाल तामाङ चयन         नेफिन इजरायलको अध्यक्षमा कुमार आङ्देम्बे चयन         ग्याल्थुमकी मृगौला पिडितलाई वडाअध्यक्ष द्वारा सकलित रकम हस्तान्तरण         नेफिन इजरायलको ११ औ वार्षिकोत्सव तथा साधारण सभा हुदै         रोमानियामा पहिलो पटक बुद्ध जयन्तीको पावन अवसरमा शान्तिपुर्न -याली सुसम्पन्न ।         क्यानाडाको मिस्सीसागामा २५६७ औं बुद्ध जयन्ती समारोह सम्पन्न         नेवा: खल: इजरायलले साधारण सभा तथा फोटो प्रतियोगिताको आयोजन गर्दै         नेपाल तामाङ घेदुङ रोमानियाको पहिलो अधिवेशन भव्यताका साथ सम्पन्न         रोमानियामा निधन भएका तामाङको शब नेपाल पुग्यो         मृगौला पिडितलाई आर्थिक सहयोग         तामाङ सोसाइटी अफ अमेरिकाको अध्यक्षमा बुद्धिमान तामाङ निर्वाचित         प्रतिभाशाली तामाङ संचारकर्मी दीपेन्द्र दोङ तामाङको निधन         प्रदेश नम्बर १ को पुन:नामाकरण आन्दोलनका घाइते लिम्बुको मृत्यु ,शहिद घोषणा गर्न माग         क्यानाडामा छक्का पन्जा-४ पहिलो दिन हाउसफूलको साथ् प्रदर्शन        

क. प्रचण्ड ! जिब्रो जहाँबाट लर्बरियो, त्यहीबाट सच्याउनोस्

मोहन गोले तामाङ

असार १० गते म पूर्वी एशियाको क्षेत्रीय सम्मेलनमा भाग लिन थाइलैण्डको बैंकक पुगेको थिएँ । राती होटेलमा बसेर फेसबुक हेर्दै जाँदा एउटा अनलाईन समाचार देखे । नेकपाका अध्यक्ष पुष्पकमल दाहाल (प्रचण्ड) सँग सम्बन्धित समाचारको शिर्षक थियो– मैले बिप्लवलाई काठमाडौं ल्याएको हुँ, तामाङनी केटीलाई जस्तै मुम्बई पु¥याएको होइन । उहाँले चितवन स्थित भरतपुर महानगरपालिकाको कार्यक्रमलाई सम्बोधन गर्ने क्रममा यो प्रसंग जोड्नुभएको रहेछ । यो प्रसंग बिद्रोही नेकपाका महासचिव बिप्लवले केही बर्ष अगाडि आफूसँगको भेटमा बोलेको भनिएको छ तर बिप्लवले बोले कि बोलेनन्, यो विषय प्रचण्डलाई मात्रै थाहा हुने कुरा हो । किनकि हामीसँग त्यसको रेकर्ड छैन र शायद अरु देखिजान्ने, सुनिजान्ने साक्षी पनि छैनन् । पत्रकारले समाचारको शिर्षक बंग्याएका हुन् कि भनेर भिडियो पनि हेरे, मज्जैले टाउको तन्काएरै गर्वका साथ बोल्नु भएको देखियो । उहाँ जस्तो भाषण कला भएको नेता नेपालमा कमै देख्छु । नेपाली राजनीतिका एक चतुर खेलाडी क. प्रचण्डको जिब्रो कसरी लर्बरियो ? भिडियो हेरेर म अचम्मित भएँ ।

समाचार र भिडियो हेरेपछि यस्तो सन्दर्भ प्रचण्डले नै कसरी जोड्नु भयो होला भन्ने मनमा लागिरह्यो । नुवाकोटकै तामाङ केटीकै किन उदाहरण दिईयो ? भनेर सञ्जालमा कारण खोतलौ कि भन्ने पनि लाग्यो तर कसैले नउठाएको विषयमा म एउटा जिम्मेवार मान्छेले नै किन राखौ भनेर पोष्ट गरिन । त्यसको भोलिपल्टदेखि यो विषय एकाएक सामाजिक सञ्जालमा भाइरल बन्न थाल्यो । मलाई पनि धेरैतिरबाट साथीहरुको फोन, मेसेज आयो । यो विषयमा घेदुङको धारणा के हो ? किन घेदुङ बोल्दैन ? भनेर साथीहरुले लगातार सोध्न थाल्नु भो । म १२ गते काठमाडौं आइपुगे । उपलब्ध साथीहरुसँग यस विषयमा केही समय छलफल चल्यो र सल्लाहकार ज्यूहरुसँग पनि परामर्श लिने कुरा भयो । केही नेतृत्वसँग कुराकानी भएपछि हामी एउटा विज्ञप्ती जारी गर्नेमा पुग्यौ । त्यसअघि मैले घेदुङको तर्फबाट प्रचण्डकोमा डेलिगेसन जाने र उहाँको कुरालाई बाहिर ल्याएपछि पुग्छ भन्ने सोचेर पार्टी निकट केही तामाङ नेतृत्वसँग भेटघाट मिलाईदिन अनुरोध पनि गरे । उहाँसँग भेटघाटको समय मिलेको भए सम्भवतः यो केस त्यही दिन सकिन्थ्यो होला । तर उहाँहरुबाट प्रचण्डसँग भेटघाट सम्भव नहुने भनेपछि विज्ञप्ती जारी गर्ने बाहेक हामीसँग अरु उपाय भएन ।

जसअनुसार असार १३ गते अध्यक्ष क. प्रचण्डलाई यस सम्बन्धमा स्पष्ट पार्न र गल्ती सच्याउन अनुरोध गर्दै विज्ञप्ती जारी गरियो । सामाजिक सञ्जालमा संयमित ढंगले प्रस्तुत हुन साथीहरुलाई आग्रह पनि गरिएको छ । विज्ञप्तीमा महासचिव बाबु घिसिङ ज्यूको हस्ताक्षर छ तर ड्राफ्ट मैले नै गरेको हुँ । घेदुङको प्रायः हरेक डकुमेन्टमा महासचिव ज्यूको नै हस्ताक्षर रहने चलन बसाएका छौ । एउटा साझा संगठनले जारी गर्ने डकुमेन्टमा सबैको सल्लाह र सन्तुलित भाषाको पनि खोजी गर्नुपर्ने हुँदा केही ढिला भएको भने सही हो । यसैलाई लिएर केही अनलाईन मिडियाले अघिल्लो दिन विज्ञप्ती जारी नगर्ने कुरा भएको थियो । बिदेशीको दबाबमा परेर घेदुङ अध्यक्ष मोहन गोलेले विज्ञप्ती जारी ग¥यो । महासचिव बाबु घिसिङले अध्यक्षको निर्देशनपछि फटाफट विज्ञप्ती टाइपु गर्न थाल्नु भयो । यस्ता एकदमै कपोलकल्पित, निराधार र अन्दाजको भरमा समाचार लेखे । म पत्रकार साथीहरुलाई आग्रह गर्छु– यसखालको आधारहीन समाचार नलेख्नोस् । यसले तपाईको पत्रकारिता पेशाको इमान्दारितामा प्रश्न उठ्छ र तपाईको मिडियाको वजन पनि घट्छ । म पनि १० बर्षभन्दा बढी पत्रकारिता गरेरै आएको मान्छे हुँ । केसम्म लेख्नु मिल्छ ? र के लेख्नु मिल्दैन ? त्यो मलाई राम्रो ज्ञान छ । हामी कसैको दबाबमा काम गर्ने संगठनको मान्छे होइनौ ।

विज्ञप्ती जारी भइसकेपछि विदेश स्थित थुप्रै मुलुकमा क्रियाशिल तामाङ संस्थाहरुले समर्थनमा विज्ञप्ती जारी गर्नुभयो । यसप्रति म सबै संस्थाहरुलाई हार्दिक धन्यवाद ज्ञापन गर्दछु । केहीले त यस अघि नै विज्ञप्ती जारी गरि उक्त अभिब्यक्तिको गहिरो भत्र्सना गरिसकेका पनि थिए । मलाई लागेको थियो, तामाङ समुदायको यति गम्भीर विषयको कुरा उठ्दा तामाङहरु गुठी विधेयकमा नेवार समुदाय एकजुट भएजस्तै एकठाउँमा उभिनेछन् । तर त्यस्तो भएन । घेदुङले विज्ञप्ती जारी गरेपछि तामाङ समुदाय दुई धारमा विभाजित भयो । विज्ञप्तीमा धेरैको समर्थन रह्यो भने केहीले प्रचण्डको बचाउँ गरे । ब्यक्तिगत रुपमा मलाई र संस्थागत रुपमा घेदुङलाई गाली गर्ने धेरै देखियो । केहीले विदेशमा रहेका साथीहरुलाई पनि गाली गर्नुभयो । यसमा मेरो कुनै आपत्ती पनि छैन । किनकि हरेक नयाँ बहसमा पक्ष र विपक्ष देखिनु नियम संगत कुरा हो । यही द्वन्द्वपछि एउटा निष्कर्ष निस्किन्छ र समाज अघि बढ्छ ।

वास्तवमा मलाई के लाग्छ भने, दुनियाँमा हेर्दा मानिस मानिस बीचमा सूचना सम्पे्रषण गर्ने ३ तरिकाहरु प्रयोगमा छ । पहिलो अति गोप्य कुरा हुन्छन्, जो दुईजनाको बीचमा मात्र सम्प्रेषण गरिन्छ । त्यस्ता कुरा सम्प्रेषण गर्न २ जना बीचमा कानेखुशीको माध्यम अपनाईन्छ । दोस्रो २, ४ जना साथीहरुको बीचमा गफ वा छलफलको क्रममा ब्यक्त गर्ने कुरा हुन्छ र तेस्रो आम मासमा माईकबाट सबैलाई सुनाउने गरी बोलिने कुरा हुन्छ । दुईजनाको बीचमा गरिने कानेखुशी सम्बाद २, ४ जनाको बीचमा बोल्न मिल्दैन । बोलेमा गोपनियता भंग हुनजान्छ र त्यसले समस्या ल्याउँछ । त्यसैगरी २, ४ जनाको बीचमा गफगाफको क्रममा बोलिने कतिपय कुरा आम मासमा बोल्न मिल्दैन । यहाँ प्रचण्डले बिप्लवसँग २ जना बीचमा बोलेको कुरा आम मासमा बोलिदिए । भाषणमा अलि बहकिने प्रचण्डको यहाँ नै गल्ती भयो । उनले नुवाकोटको महिला मात्रै भनेका भए शायद तामाङ समुदाय यति धेरै आक्रोसित हुने थिएनन् होला । तर उनले लामो समय राज्यको उत्पीडन भोगेको तामाङ समुदायको पीडा बल्झिने गरी तामाङ केटी र मुम्बईको प्रसंग जोड्नुभयो । यसैमा एकाथरीको तर्क के छ भने प्रचण्डले त बिप्लवको कुरा बोलेका हुन्, माफी मगाउने हो भने बिप्लवलाई पो भन्नुपर्छ । बिप्लवले बोले कि बोलेनन् भन्ने एकमात्र साक्षी प्रचण्ड मात्रै हुन् । त्यो कुरा सुन्ने अरु छैनन् । यदि बिप्लवले प्रचण्डसँग त्यो कुरा बोलेको हो भनेर प्रमाणित हुन्छ भने उसप्रति पनि हामीले आपत्ती जनाउनु पर्छ । तर प्रचण्डको त हामीसँग रेकर्डेड भनाई छ । त्यसकारण यसले कोसँग, कुन बेलामा, कुन प्रसंगमा बोलिएको हो ? भन्ने कुराले अर्थ राख्दैन । यदि कसैले अर्काले बोलेको कुरालाई पो हाम्रो नेताले बोलेका हुन्, हाम्रो नेताको दोष छैन भन्छ भने त्यो फितलो तर्कले यहाँ प्रचण्डको बचाउ गर्न सकिदैन । दुनियाँको बदलिँदो चेतले मान्नेवाला छैन ।

तामाङ समुदायको राष्ट्रिय संस्था नेपाल तामाङ घेदुङले विज्ञप्ती जारी गरेको आज लगभग हप्ता दिन हुन लागिसक्यो तर प्रचण्ड स्रोतबाट गल्ती सच्याउने बारे कुनै प्रतिक्रिया आएको छैन । हामी हेर्दैछौ र अझै पर्खदैछौ । सडकमा मान्छेको टाउकाहरु जम्मा पारेपछि मात्रै सच्याउने हो भने त्यो पनि गरौला । जजसले जेजे तर्क गरेपनि म एउटा निष्कर्षमा पुगे– १० बर्षको हिंसात्मक जनयुद्धमा १७ हजार नेपाली जनताको छातीबाट बगेको रगतले पनि प्रचण्ड दाहालको आत्माभित्रको ब्राम्हाणवादलाई बगाउन सकेनछ । किनकि कोही न कसैप्रति कुनै ढंगको पूर्वाग्रह छैन भने त्यो मान्छेको मुखबाट यसरी कुरा फुत्किदैन । यसले गणतान्त्रिक युगमा पनि शासकहरुको अझै तामाङ जनताप्रति हेर्ने दृष्टिकोण परिवर्तन भएको छैन भन्ने पुष्टि भएको छ । यदि बिप्लवले यही नै भाषा प्रयोग गरेका हुन् भने उसमा पनि ब्राम्हाणवाद जीवित छ भन्नुपर्छ । यसमा प्रचण्डले बिप्लवलाई र बिप्लवले प्रचण्डलाई दोष दिएर उन्मुक्ति पाउनेवाला छैन । ढिलोचाँडो प्रचण्डले यसलाई सच्याउनु पर्छ । जति ढिला ग¥यो, उहाँलाई त्यति नै घाटा हुनेछ । नेतालाई करेक्सन गर्ने सवालमा कार्यकर्ताहरु बाधक बन्नु हुँदैन । किनकि हाम्रो करबाट पालित पोषित नेतालाई सच्याउनु र खबरदारी गर्नु जनताको अधिकार र कर्तब्य दुवै हो ।

घेदुङको विज्ञप्तीपछि केही साथीहरुले मलाई भने– ३ नं. प्रदेशलाई नेवाः ताम्सालिङ नामाकरणको बहस चलिरहेको बेलामा यसरी प्रचण्डलाई प्रश्न गर्नु हुँदैन थियो रे । उहाँ तामाङसँग रिसाएर नेवाः ताम्सालिङ बिरुद्धमा गयो भने हाम्रो मुद्दा के हुन्छ रे । उहाँ उत्पीडित जाति, समुदायको लागि १० बर्ष जनयुद्ध लडेर आउनु भएको महान् मान्छे भएको हुँदा उहाँमाथि शंका गर्नु हुँदैन थियो रे । तर यथार्थ अलि फरक छ– उहाँले उत्पीडित समुदायको लागि लडेको प्रसंग फरक विषय हो र अहिले उहाँको अभिब्यक्तिले तामाङ समुदायको आत्मसम्मानमा चोट पुगेको कुरा फरक विषय हो । उहाँले १० बर्ष जनयुद्ध लडेको विषयले अहिले तामाङ समुदायमा चोट पुगेको कुरा छोप्न मिल्दैन । उहाँ जस्तो राजनेताले तामाङसँग रिसाएर नेवाः ताम्सालिङको बिरुद्धमा जाने, बदला लिनेतर्फ जान्छ भन्ने पनि मलाई लाग्दैन । यो त उसको स्कुलमा थोरै दिन पढेका कार्यकर्ताको कमजोर मानसिकताको गलत आँकलन मात्र हो ।

त्यसैले क. प्रचण्डलाई म फेरिपनि आग्रह गर्दैछु– हामी तामाङहरु बिगतमा जंगे राणाको कानूनले मासिन्या मतवाली (किनबेच गर्न मिल्ने र मार्न पनि मिल्ने) समूहमा बर्गिकृत गरिएका समुदाय हौ । जसले गर्दा हाम्रो आर्थिक, सामाजिक, शैक्षिक, राजनीतिक अवस्था डमाडोल पारियो । हामी इतिहासमा ठगिएका मान्छेहरु, अहिलेपनि मानवीय विकास सुचांकमा ज्यादै पछाडि छौ । ब्यक्तिगत रुपमा भन्नुपर्दा हाम्रो लागि केही गर्छ कि भन्ने मेरो थोरै आशा तपाईसँगै छ । नेपाली राज्यसत्ताको केन्द्रबिन्दूमा रहेको कारणले अझै तपाईप्रतिको विश्वास मरेको छैन । त्यसैले क. प्रचण्ड जिब्रो जहाँबाट लर्बरियो, त्यहीबाट सच्याउनोस् । यसैमा तपाईलाई फाईदा छ नत्र भविष्यमा त्यस्ता छाडा जिब्रोलाई इतिहासले दण्डित गर्न सक्छन् । धन्यवाद ।।

(लेखक – नेपाल तामाङ घेदुङ का केन्दृय अध्यक्ष हुनुहुन्छ)






शुभकामना

भर्खरै...

लोकप्रिय

रोचक खबर

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

रोमानियामा सोनाम ल्होछार तथा बृहत् साँस्कृतिक कार्यक्रम सभ्य र भब्य रुपले सम्पन्न

"प्रावास मा आफनो भाषा , धर्म कला र संस्कृति को जगेर्न गर्नै " भन्ने मुल नारालाई आत्मसात गर्दै सन् ०१।०१।२०२३ का... बाँकी यता

Phursang Lama / February 18, 2024

५५ वर्षपछि दुई देशबीच श्रम समझदारी कायम

५५ वर्षपछि दुई देशबीच श्रम समझदारी कायम

  रोमानिया । नेपालीहरुको आकर्षक गन्तव्य बन्दै गएको युरोपेली मुलुक रोमनियासँग नेपालले द्विपक्षीय श्रम... बाँकी यता

Phursang Lama / October 7, 2023

 Photo Gallery

  • अमेरिकास्थित दुई तामाङ संस्थाबिच एकता हुने

  • नेपाल तामाङ घेदुङको कोन्ज्योसोम घोषणा पत्र २०७४ सार्वजनिक

  • फोनिजको अध्यक्षमा डण्ड गुरुङ निर्विरोध निर्वाचित

  • अभिनेत्री पूर्णिमा लामा तामाड – म रुन्चे कहाँ हो र ?’

  • चर्चित मोडल स्मिताका सात कामुक फोटो सार्वजनिक(फोटोफिचर)

  • लुम्बिनीमा अन्तर्राष्ट्रिय बौद्ध सम्मेलन गर्ने तयारी

  • नेपाल तामाङ घेदुङको राष्ट्रिय बिधान-सभा चैत २३ र २४ गते

  • पहिचानको मुद्दा कहाँ पुगेर अत्कियो ?

  • यस्तो छ – नमस्कार गर्नुको कारण र महत्व

  • स्वयम्भुमा १३ पटक परिक्रमा र सरसफाई कार्यक्रम सम्पन्न (फोटो सहित)

  • महिलाले ध्यान दिने पुरुषका ७ चिज

  • प्रधानमन्त्री प्रचण्डले तामाङ संस्कृति भवन बनाउन सहयोग गर्ने घोषण,कुलमान घिसिङको प्रशंसा

  • राष्ट्रिय सोनाम ल्होछारको अवसरमा तामाङ ह्वाइखा (कविता ) प्रतियोगिता हुने

  • तमु ल्होसार के हो र कसरी मनाईन्छ ?

  •  Music videos

  • नेपालले गर्यो नयाँ नक्सा सार्वजनिक

  • भारतले जबरजस्ती हटाउन लगायो नेपाल भारत सम्बन्धि बीबीसीको डकुमेण्टी

  • तामयिक लिपी र सम्भोटा लिपीमा फरक के छ ? लेख्ने तरिका सहित

  • ‘तिम्रो घरको वरिपरि’ युट्युब ट्रेन्डिङ नम्बर १ मा (भिडियो)

  • मिस तामाङ २०१८ का सहभागीहरु तामाङ भुषभुषा र डम्फुको साथमा तामाङ भाषाको गीत गाउदै

  • तीनकुनेमा आयोजित सोनाम ल्होछार कार्यक्रममा सुरक्षाकर्मीले हस्तक्षेप किन गर्यो ? भिडियो हेर्नुहोस् …

  • मिस तामाङ प्रतियोगिता २०१८ को भाग -१ , मन पर्नेलाई भोट हाली जिताऊ (भिडियो)

  • तामाङ सेलो ‘ल्होछार पर्वमा …. सुनिता पाख्रिन तामाङ

  • बालवालिका केन्द्र खोलेर बाल ब्यापार गर्ने प्रशासनको नियन्त्रणमा (जनतासंग सिधा कुरा)

  • बिज्ञापनका लागि:
     [email protected]
    लेख, रचना र समाचारका लागि:
     [email protected]
    सामाजिक संजाल तर्फ:
    सर्वाधिकार © 2012 - 2024: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution