हेडलाईन

राष्ट्रिय नेवा: खल: इजरायलको दशौं अधिवेशन तथा साधारण सभा हुदै         तामाङ घेदुङ ख्यङ्साङ बुसान शाखाको तेश्रो अधिबेसनबाट अध्यक्षमा धनराज तामाङ चयन         ह्योल्मो समाज इजरायलले नयाँ कार्यसमिति चयन,अध्यक्षमा छिरिङ म्हेन्दो श्याङ्बा ह्योल्मो         नेफिन इजरायलको नवौं बार्षिकोत्सव तथा साधारण सभा हुदै         तामाङ घेदुङले कोरोना स्वास्थ्य अभियानको लागि एक लाख रुपियाँ आर्थिक सहयोग हस्तान्तरण         प्रधानमन्त्रीले राष्ट्रका नाममा सम्बाेधनका बहाना गर्दै पढे सरकारकाे नीति तथा कार्यक्रम         तामाङ समाज अमेरिकाको कार्यसमिति पुनर्गठन,संयोजकमा सन्त बहादुर तामाङ         अमेरिकामा दुई तामाङ संस्थाहरु बीच ऐतिहासिक एकता घोषणा सम्पन्न         अमेरिकास्थित दुई तामाङ संस्थाबिच एकता हुने         एमालेले माधव नेपाल झलनाथ खनालसहित ११ निवर्तमान सांसदलाई पार्टीबाट निष्काशन         मध्यरातमा प्रतिनिधिसभा भंग, कात्तिक २६ र मंसिर ३ गते मध्यावधि चुनाव         ११ दिन पछि इजरायल र गाजाबीच युद्धविराम         नेपाली दुतावास इजरायलले २५६५ औं बुद्ध जयन्ती अनलाइन भर्चुअल मार्फत मनाउने         घेदुङ इजरायलले तामाङ मातृभाषा तथा संस्कृति बिषयक अन्तरक्रिया कार्यक्रम सम्पन्न         किराँत याक्थुङ चुम्लुङ इजरायलको अध्यक्षमा नुमा काङभा लिम्बु चयन        

नविना लामाको नजरमा रञ्जित तामाङ र रञ्जितको नजरमा नविना

नवीना लामा विद्यार्थी राजनीतिकी चर्चित नेता हुन् । अनेरास्ववियुको नेतृत्व सम्हादै अहिले उनी सांसद बनेकी छिन् । रञ्जित तामाङ अनेरास्ववियु क्रान्तिकारीका अध्यक्ष हुँदै पार्टी एकतापछि नेकपा विद्यार्थी संगठनको सहसंयोजक भएका छन् । नवीना र रञ्जितले फरक संगठनलाई नेतृत्व गर्दैगर्दा धेरै शैक्षिक मुद्दामा आवाज उठाए, संयुक्त आन्दोलन गरे । उनीहरू एक–अर्काको नजरमा कस्ता छन् त भनेर बुझ्ने प्रयास गरिएको छ |

रञ्जितको नजरमा नवीना : प्रस्तुति प्रस्ट हुँदैन

नवीनाजीलाई कहिले चिन्नुभयो ?

नवीनाजीलाई बानेश्वर क्याम्पसको सभापति हुँदा ०६२ सालतिर चिनेको हुँ । नामचाहिँ पहिलादेखि नै सुन्दै आएको हो । उहाँ नेता मात्रै नभएर कलाकार पनि हुनु हुन्छ । तामाङ भाषाका फिल्ममा अभिनय पनि गर्नुभएको छ । यसले गर्दा उहाँ प्रतिभाशाली नेताको रूपमा चिन्थेँ ।

उहाँलाई नजिकबाट कहिले चिन्नुभयो ?

उहाँ अनेरास्ववियुको महासचिव भएपछि नजिकबाट चिनजान भएको हो । त्यसवेला हामीबीच मिटिङ, छलफल हुन्थ्यो । संगठन फरक भए पनि हाम्रा शैक्षिक मुद्दा समान थिए । जातीय हिसाबले पनि एउटै समुदायको भइसकेपछि भावानात्मक रूपमा समेत नजिक भयौँ । हामी एक–अर्कालाई सम्मान, सद्भाव गर्छौँ ।

उहाँलाई कस्तो नेताको रूपमा चिन्नुहुन्छ ?

उहाँ वैचारिक हिसाबले एकदम स्पष्ट, दृढ संकल्प भएको, राजनीतिक ज्ञान भएको नेता हो । टिमलाई नेतृत्व दिन सक्ने क्षमतावान् नेता हुनुहुन्छ । उहाँ क्षमतावान् भएर नै अनेरास्ववियुको नेतृत्व सफलतापूर्वक निभाउनुभयो । स्पष्ट धारणा बनाएर निष्कर्ष राखेपछि पछि हट्नु हुन्न । आफ्नो धारणालाई लिएर अडान कायम राख्न सक्नुहुन्छ । मैले उहाँलाई परिपक्व, व्यावहारिक नेताको रूपमा चिन्छु ।

फरक संगठनमा हुनुहुन्थ्यो । संगठनलाई नेतृत्व गरेर एउटै टेबलमा बस्दा बहस कत्तिको भयो ?

हामी फरक संगठनमा थियौँ । कतिपय विचार नमिल्नु स्वाभाविक थियो । बहस हुन्थ्यो । तर, उहाँ अनेरास्ववियुको अध्यक्ष र म अनेरास्ववियु क्रान्तिकारीको अध्यक्षको हिसाबले आ–आफ्ना विचार हुन्थे । अडान हुन्थ्यो । तर, विचार नमिल्दा पनि एकले–अर्कालाई सुझाब दिने तरिकाले प्रस्तुत भयौँ । एक–दुई पटकबाहेक हार्दिकतापूर्ण नै रह्यो । फरक संगठन हौँ भन्ने अनुभूति नै भएन । सहमतिमा आउनै नसक्ने खालको चर्काचर्की बहसचाहिँ कहिल्यै भएन ।

संगठन एकताका लागि उहाँको भूमिका कस्तो रह्यो ?

उहाँको कार्यकाल अन्त्यतिर आएपछि पार्टी एकता हुने कुरा भयो । पार्टी एकतामा उहाँको भूमिका एकदमै सकारात्मक रह्यो । पार्टी एकताका लागि राष्ट्रिय जागरण गर्नका लागि उहाँको भूमिका अहम रह्यो । युवा विद्यार्थी संगठन भनेको समाजको गतिशील समूह हो । यो समूहलाई एकतामा ल्याउनका लागि उहाँले एकदमै महŒवपूर्ण भूमिका खेल्नुभयो ।

उहाँका कमजोर पक्ष के छन् ?

मैले देखेको उहाँको कमजोर पक्ष भनेको प्रस्तुति अलि स्पष्ट हुँदैन । भन्न खोजेका कुराको शृंखला नमिलेको हुन्छ जसले गर्दा बुभ्mन अलि गाह्रो हुन्छ । समयको ख्याल गर्नु हुन्न । छिट्टो रिसाउनु हुन्छ । अध्ययन कम गर्नुहुन्छ ।

नवीनाको नजरमा रञ्जित : झनक्क रिसाउनु हुन्छ

रञ्जितजीलाई कहिले चिन्नुभयो ?

मैले रञ्जितजीलाई खुलामञ्चमा आइसकेपछि चिनेको हुँ । निकै वर्ष भयो । मिति त याद छैन । क्रान्तिकारीको प्रभावशाली विद्यार्थी नेताको रूपमा सुन्दै आएकी थिएँ । उहाँलाई चिनेपछि उहाँबाट म धेरै प्रभावित भएँ ।

नजिकबाट चिन्नुभएको चाहिँ कति भयो ?

उहाँ अखिल क्रान्तिकारीको उपाध्यक्ष भएपछि उहाँलाई नजिकबाट चिनेको हुँ । म त्यसवेला महासचिव थिएँ । फरक संगठनमा भए पनि हाम्रा शैक्षिक मुद्दा मिल्थे । धेरैवटा कार्यक्रममा सँगै हुन्थ्यौँ । छलफल हुन्थ्यो । पछि म अध्यक्ष भएँ, उहाँ पनि अध्यक्ष भएपछि शैक्षिक आन्दोलन कसरी प्रभावकारी बनाउनेलगायत विषयमा सहकार्य बलियो भयो । एकले–अर्कालाई सल्लाह, सुझाब लिँदै–दिँदै संगठन चलायौँ ।

उहाँलाई कस्तो नेताको रूपमा चिन्नुहुन्छ ?

गतिशील, इमानदार, जुझारु नेता हुनु हुन्छ । कम्युनिस्ट युवा नेताहरूमा राजनीतिक चेत बोकेको पार्टीप्रति इमानदार र वैचारिक एवं सैद्धान्तिक रूपमा स्पष्ट विचार भएको व्यक्ति । आफ्नो जिम्मेवारीप्रति सधैँ सचेत र इमानदार नेताको रूपमा चिन्छु ।

विचार नमिल्दा कुनै दिन चर्काचर्की भयो कि भएन ?

त्यस्तो कहिल्यै भएन । हाम्रो तरिका मिलेर हुन सक्छ । कहिलेकाहीँ सामान्य बहस भयो होला त्यो पनि एक– दुईपटक । मलाई त्यस्तो खास याद पनि छैन । तत्कालीन संगठन फरक भए पनि त्यस्तो अनुभूति भएन । उहाँ राजनीति बुझेर आउनुभएको थियो । म राजनीतिभन्दा पनि नीतिगत रूपमा बढी जानकार थिएँ । यही कुराले हामीलाई ब्यालेन्स गरेको हुन सक्छ । संगठन नेतृत्वको सम्बन्ध सधैँ सुमधुर रह्यो । सांगठनिक बहसमा सहमतिमा नपुगेको क्षण मलाई याद छैन ।

उहाँको अध्यक्ष कार्यकाल कस्तो रह्यो ?

मेरो बुझाइमा उहाँले आफ्नो सांगठनिक कार्यकाल सफल रूपमा सम्पन्न गर्नुभयो । संगठनका आन्तरिक कार्य कति पूरा गर्नुभयो, कति बाँकी रहे भन्ने त थाह भएन । तर, बाह्य रूपमा अथवा मिल्ने मुद्दाहरू र हामीले थाह पाउने विषयमा उहाँ सफल देख्छु । मेरो मूल्यांकनअनुसार उहाँले सफल नेतृत्व दिनुभयो ।

एकतापछि उहाँ सहसंयोजक हुनुभयो । उहाँ किन नेतृत्वमा आउन नसक्नुभएको ?

पटक्कै होइन । उहाँ असक्षम भएर सहसंयोजक हुनुभएको भन्ने होइन । दुईवटा पार्टी मिल्दा अलि कति तलमाथि हुन्छ । मिलेर जाने कुरामा सम्झौता गर्नुपर्ने हुन्छ । राजनीति भनेको त्याग, बलिदान पनि हो । त्यसकारणले उहाँ पछि पर्नुभयो । यो विषय उहाँले पनि बुझ्नुभएको छ । अबको कार्यकाल अथवा जिम्मेवारी थप प्रभाकारी रूपमा निभाउनुहुन्छ भन्ने मलाई विश्वास छ । उहाँको क्षमतामा शंका अथवा खोट लगाउने ठाउँ छैन ।

उहाँका कमजोर पक्ष केही छन् कि ?

मानिसमा गुण–अवगुण हुन्छन् । तर, रञ्जितजीका विषयमा उहाँको कमजोरी यो नै हो भन्न म सक्दिनँ । कहिलेकाहीँ उहाँ झनक्क रिसाउनु हुन्छ । तर, उहाँको रिस स्वाभाविक पनि हुन्छ । त्यसलाई कमजोर नै पनि भन्न सक्दिनँ ।

@ नयाँ पत्रिका






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रिय नेवा: खल: इजरायलको दशौँ अधिबेशनबाट अध्यक्षमा स्वस्तिका श्रेष्ठ चयन

तेलअविव - राष्ट्रिय नेवा: खल: ईजरायलरको दशौँ अधिबेशन  जुम भर्चुअल अनलाइन मार्फत सम्पन्न भएको छ | निवर्तमान अध्यक्ष... बाँकी यता

tamang online / June 11, 2021

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution