हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

क्यानाडा जाने आशमा ऋणको भारी, गाउँका युवा फसाएर दिल्लीमा लुक्छ्न दलाल

१८ वैशाख, विराटनगर । कटहरी २ आदर्श टोलका अशोककुमार राजवंशी ग्रिल उद्योगमा काम गरेर गुजारा गर्दै थिए । उनले दलालमार्फत सुने, क्यानडा गए मासिक २ लाख पारिश्रमिक पाइन्छ । दलालले उनलाई क्यानाडामा फुड प्याकिङको काममा ४ लाखमै पठाइदिने पनि बताए ।

क्यानाडाको हुटहुटीले सयकडा ३ का दरले जेठीसासुको ५ कट्ठा जग्गा दृष्टिबन्धकमा राखेर २ लाख रुपैयाँ ऋण लिए । बाँकी रकम आफै जोहो गरे । एक वर्षभित्र तिर्ने भाकामा जग्गा दृष्टिबन्धक राखेको ६ महिना पुग्नै लाग्यो । यो समयमा उनले क्यानडा जान पाएनन्, न दलालले लगेको ४ लाख रुपैयाँ नै फिर्ता पाए ।

अशोकसहित ६ जना युवासँग जनही ४ लाख रुपैयाँ उठाएर दलाल राजन राजवंशी फरार भएका छन् । धनपालथान घर भएका दलाल राजवंशी फरार भएपछि पैसा फिर्ता गराउन भन्दै पीडित युवाहरु श्रम तथा रोजगार कार्यालय विराटनगर धाइरहेका छन् ।

सुनबर्सी नगरपालिका– २ का राजु राजवंशी, पुष्पकुमार राजवंशी, श्रवण राजवंशी, सुनबर्सी– ९ का लक्ष्मण सहनी, दयानन्द सहनीले श्रम कार्यालयमा उजुरी गरेका हुन् ।

विदेश जाने लोभमा कमजोर आर्थिक अवस्था भएका उनीहरु सबैले सयकडा ४ रुपैयाँसम्म ब्याज तिरेर ऋण लिएका छन् । तर विदेश नपठाई दलाल फरार भएपछि ऋण तिर्न समस्या भएको पुष्पकुमार बताउँछन् । उनले दुई माइक्रोफाइनान्स कम्पनी र केही व्यक्तिबाट ऋण लिएर दलाललाई रकम बुझाएका थिए ।

क्यानाडा नै पठाउने भन्दै सुनसरी रामधुनी नगरपालिकाका ६ जना स्थानीय युवाहरुबाट ३७ लाख उठाएर अर्का दलाल पनि फरार भएका छन् । धर्मेन्द्र चौधरी, योगनारायण चौधरी, सुरज चौधरी, लिलेन्द्र चौधरी, कृष्णकुमार चौधरी र सन्तोष चौधरीलाई नक्कली भिषा देखाएर ३५ लाख ठगी गरेका थिए ।

असारमा नै पठाउने भन्दै रकम लिएर दलाल बेपत्ता भएपछि ठगिएकाहरु श्रम कार्यालय विराटनगर आएका थिए । श्रम कार्यालय विराटनगरका प्रमुख प्रेमप्रसाद सञ्जेलले दलालबाट ७ लाख ६७ हजार रुपैयाँ फिर्ता गराए पनि धेरै युवाको न रकम फिर्ता भएको छ, न विदेश जान पाएका छन् ।

गाउँका युवा फसाउने, दिल्लीमा लुक्ने

मोरङको कटहरी, सनुबर्सी र सुनसरीको रामधुनीका युवालाई ठगी गर्ने गिरोहका स्थानीय एजेण्ट हुन् राजन राजवंशी । रामधुनीमा भने किशोरकुमार ठाकुर, विनोद कुमार ठाकुर पनि थिए ।

क्यानाडाका नाममा ठगी गरिरहेको गिरोहमा देखिएका नाइके निरञ्जन पुरी, गणेशप्रसाद गिरी, दिपेन्द्रकुमार झा हुन् । उनीहरु भारतको दिल्लीमा लुकेर बस्दै आएको श्रम तथा रोजगार कार्यालय विराटनगरका प्रमुख प्रेमप्रसाद सञ्जेल बताउँछन् ।

गिरी र पुरीसहितको समुहले नक्कली भिसा र प्लेन टिकट देखाएर मोरङ रंगेली, सुनबसी आसपासका ३० जना युवालाई ठगी गरेका छन् । ४ देखि ७ लाख रुपैयाँका दरले गिरोहलाई रकम बुझाएकाहरु मध्ये मोरङका ६ जनाले श्रम कार्यालय विराटनगरमा लिखित उजरी श्रम कार्यालय हुदै बैदेशिक रोजगार विभाग पुगेको छ ।

ठगी गिरोहको नाइके भनिएका निरञ्जनको स्थायी ठेगाना नेपालगञ्ज हो । झापाको गौरीगञ्ज गाउँपालिका ४ का गणेशप्रसाद गिरी र दिपेन्द्रकुमार झा पनि दिल्ली नै बस्दै आएका छन् ।

मोरङ सुनसरी र झापामा क्यानडा पठाउने नाममा ठगी गर्ने दलालको गिरोह एउटै रहेको श्रम तथा रोजगार कार्यालय विराटनगरका प्रमुख सञ्जेल बताएको समाचार अनलाइन खबरमा छ |

रंगेली र सुनबर्षी आसपास ३० जना भन्दाबढीबाट डेढ करोड उठाएर दलाल फरार भएको जानकारी आएको उनले बताए । ठगीमा संलग्नलाई पक्राउ गरी उपस्थीत गराउन श्रम कार्यालयले प्रहरी कार्यालयहरुलाई पत्र लेखेको छ । तर उनीहरु अहिलेसम्म पक्राउ परेका छैनन् |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution