रुसी राष्ट्रपति भ्लादिमिर पुटिनले अमेरिकालाई चेतावनी दिएपछि रुसका सरकारी सञ्चार माध्यमले अमेरिकी सैन्य ठेगानाको सूची जारी गर्दै परमाणु आक्रमण भएमा मस्कोले अमेरिकाका ती सबै स्थानलाई निशाना बनाउने बताएका छन् ।

खबरका अनुसार, रुसले आफ्नो नयाँ हाइपरसोनिक मिसाइलको माध्यमबाट पाँच मिनेट भन्दा पनि कम समयमा ती परमाणु स्थललाई ध्वस्त पार्न सक्छ ।

सञ्चार माध्यमबाट जारी गरिएको सूचीमा अमेरिकी सेनाको मुख्यालय पेन्टागन तथा मेरिल्यान्डमा रहेको क्याम्प डेभिड प्रेसिडेन्सियल रिट्रिट पनि शामिल छ ।

खासमा हालैमा पुटिनले भनेका थिए कि, यदि अमेरिका क्यूबाको मिसाइल संकट जस्तो स्थितिको सामना गर्न चाहन्छ भने मस्कोको सैन्य तयारी पनि पूरा छ । अमेरिकाको युरोपममा अन्तर महाद्विपय परमाणु मिसाइल तैनाथ गर्ने आशंकालाई लिएर रुस चिन्तित बनेको छ । यसै कारण दुई देशबीच तनाव बढ्दै गएको बताइएको छ ।

पुटिनले भने, यदि अमेरिकाले त्यस्तो गर्छ भने उसले पनि अमेरिकी समुन्द्री क्षेत्रको नजिकै आफ्नो पनडुब्बीमा हाइपरसोनिक परमाणु मिसाइल तैनाथ गर्नेछ । यो विषयमा अमेरिकाले युरोपमा तत्काल परमाणु मिसाइल तैनाथ गर्ने कुनै पनि योजना नरहेको बताएको छ ।

यद्यपी, अमेरिकाले रुसमाथि सन् १९८७ को अन्तर महाद्वीपिय परमाणु बल सन्धिको उल्लंघन गरेको आरोप लगाएको छ । त्यसैले अमेरिकाले पनि सन्धिबाट अलग हुने निर्णय लियो । अब अमेरिका यस्तो मिसाइल बनाउन र तैनाथ गर्नका लागि स्वतन्त्र भएको बताइएको छ ।

पुटिनले हालै मात्र भनेका थिए, रुस फेरि हतियारको होड चाहदैन तर जवाफ दिनका लागि पूर्ण रुपमा तयार छ । सरकारी च्यानलले आइतबार प्रशारित कार्यक्रममा अमेरिकाको नक्सामा केही लक्ष्यको चिन्ह देखाएको बताइएको छ । एजेन्सी