यूएईमा नेपालको ऐतिहासिक जित, टी ट्वान्टी सीरिज पनि कब्जा
काठमाडौं। यूएईलाई अन्तिम तथा तेस्रो टी ट्वान्टीमा १४ रनले पराजित गर्दै नेपालले आइतबार ऐतिहासिक जित हात पारेको छ । यो जितसँगै नेपालले तीन टी ट्वान्टी खेलको सीरिज २–१ ले जितेको हो । नेपालले टी ट्वान्टी अन्तर्राष्ट्रिय मान्यता पाएपछि यो पहिलो सीरिज जित हो ।
यो जितसँगै नेपालले यूएई भ्रमणलाई ऐतिहासिक बनाएको छ । यसअद्धि एकदिवसीय सीरिज जितेको नेपालले टी ट्वान्टी सीरिज पनि जितेको हो । पहिलो खेलमा बिहीबार पराजित भएको नेपालले शुक्रबार र आइतबार लगातार दुई खेलमा जित निकाल्दै सीरिज कब्जा गरेको हो ।
आइतबार अन्तिम खेल वार्षले विथोलेपछि १०–१० ओभरमा छोट्याइएको खेलमा नेपालले टस हारेर पहिला ब्याटिंग गर्दै ८ विकेटमा १०४ रन बनाएको थियो । जवाफी ब्याटिंग गरेको यूएईले निवर्धारित १० ओभरमा ८ विकेट गुमाएर ९० रन मात्र बनाउन सक्यो । उसलाई जितका लागि अन्तिम ओभरमा २० र आवश्यक भएकाले बेला ललित राजवंशीले अन्तिम ओभर बलिंग गरेका थिए । उनले लगातार दुई विकेट लिएपछि नेपाल जित निकाल्न सक्षम भयो ।
नेपालका लागि रावंशी, करण केसी र अभिनाष बोहोराले समान २–१ विकेट लिए भने सन्दीप लामिछाने र सोमपाल कामीले एक एक विकेट लिए ।
यसअघि युएइविरुद्धको अन्तिम टि–२० मा नेपाली मध्यक्रममा ब्याट्सम्यानको आक्रामक प्रदर्शनपछि नेपालले युएइलाई १०५ रनको बलियो लक्ष्य दिएको छ । वर्षाका कारण झण्डै अढाइ घण्टा ढिलो गरेर सुरु भएको खेल १० ओभरमा छोट्याइएको छ । निर्धारित १० ओभरमा नेपालले ७ विकेटको क्षतिमा १०४ रनको स्कोर खडा गरेको हो । नेपाली ब्याट्सम्यानले कूल ६ छक्का र ८ चौका प्रहार गरे ।
ओपनर पवन शर्राफ शून्यमै आउट भएपछि दबाबमा परेको नेपालले २१ रनको स्कोरमा ज्ञानेद्र मल्ल र दिपेन्द्र सिंह ऐरीलाई पनि गुमाएको थियो । तर, तीन विकेट झरेपछि आएका सन्दिप जोराले कप्तान पारस खड्कासँग ३३ रनको साझेदारी गरे । ५४ रनको स्कोरमा कप्तान खड्का आउट भएपछि विनोद भण्डारीले पनि सन्दिप जोरासँग ३७ रनको साझेदारी गरे ।
नेपालका लागि पारस खड्काले १४ बलमा २९, सन्दिप जोराले ११ बलमा २८, विनोद भण्डारीले १३ बलमा २१, करण केसीले ५ बलमा १०, ज्ञानेन्द्र मल्लले ९ बलमा ११ रन बनाए । युएइका लागि कप्तान मोहम्मद नावेद र सुल्तान अहमदले २ विकेट लिए । आमिर हयात, जहुर खान र मोहम्मद बुटाले १–१ विकेट लिए ।
आजको खेल डकवर्थ लुइस विधिअनुसार १० ओभरमा छोट्याइएको छ । पहिलो टि–२० सिरिज जितेर इतिहास रच्नको लागि नेपाललाई यो खेल जित्नै पर्ने दबाब छ । सिरिजका यसअघि भएका दुई खेलमा नेपाल र युएइले एक एक खेल जितेका छन् । यसअघि भएको व डे सिरिज भने नेपालले २–१ ले जितिसकेको छ ।