आजबाट आशा लघुवित्तको आईपीओ निष्काशन
काठमाडौं, माघ १८ । आशा लघुवित्तको साधारण शेयर आजदेखि निष्काशन गरेको छ । लघुवित्तले सर्वसाधारणका लागि छुट्याएको ६ लाख ७४ हजार कित्ता आईपीओ बिक्री गर्न लागेको हो । उक्त शेयर छिटोमा माघ २२ गते र ढिलोमा फागुन १९ गते बन्द हुनेछ ।
बिक्री गर्न लागेको साधारण शेयरमध्ये १०३७० कित्ता कर्मचारीलाई र ३३७०० कित्ता म्युचुअल फण्डलार्इ छुट्याएर बाँकी ६ लाख २९ हजार ९३० कित्ता सर्वसाधारणका लागि खुल्ला गरिने बताइएको छ ।
उक्त शेयरका लागि १० कित्ता मात्रै पनि आवेदन गर्न सकिन्छ । आशाले निष्काशन गरेको आईपीओमा न्युनतम १० कित्तामा पनि आवेदन दिन सकिनेछ । बढीमा भने ३ हजार ३ सय ७० कित्ता आवेदन गर्न सकिन्छ । यद्यपि लघुवित्तको शेयरमा सबैको आकर्षण हुने र बढीमा ६३ हजारले मात्र शेयर पाउने भएकोले १० कित्ता मात्र आवेदन दिनु उपयुक्त हुन्छ ।
आशाको मुख्य कार्यालय नुवाकोटको ककनीमा रहेको छ । आशाले २४ जिल्लाका ४३ स्थानमा शाखा स्थापना गरी २ अर्ब कर्जा प्रबाह गरेको छ ।
केयर रेटिङ ग्रेड चार प्राप्त गरी औसत भन्दा कमजोर आधार देखिएको छ ।
आशाको प्रतिशेयर नेटवर्थ १०० रुपैयाँ, प्रति शेयर आम्दानी ७ रुपैयाँ र जगेडा कोष २५ लाख घाटामा रहेको छ ।
आशाले निष्काशन गरेको आईपीओमा नेपाल धितोपत्र बोर्डबाट अनुमति प्राप्त गरी सिआश्वा सेवामा सहभागी बैंक तथा वित्तीय संस्था र तीनका शाखा कार्यालयहरुबाट आवेदन दिन सकिनेछ ।