हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

दोस्रो बजारमा सेयर कारोबार गर्न ‘प्यान नम्बर’ अनिवार्य

काठमाडौं । दोस्रो बजारमा सेयर कारोबार गर्न स्थायी लेखा नम्बर (प्यान) अनिवार्य गरिने भएको छ । दोस्रो बजारमा हुने सेयर कारोबारलाई नियनम गर्ने उद्देश्य अनुरुप दोस्रो बजारमा सेयर खरिदबिक्री गर्दा प्यान नम्बर अनिवार्य गर्न लागिएको अर्थ मन्त्रालयले जानकारी दिएको छ ।

हाल सेयर कारोबारमा प्यान नम्बर अनिवार्य गर्ने बिषय अन्तिम चरणमा पुगेको र अब तत्कालै कार्यान्वयनमा ल्याइने अर्थ मन्त्रालयका वित्तीय क्षेत्र व्यवस्थापन तथा संस्थान समन्वय महाशाखा प्रमुख उत्तरकुमार खत्रीले जानकारी दिए ।

‘दोस्रो बजारमा सेयर कारोबार गर्ने लगानीकर्ताका लागि प्यान नम्बर लागू गर्ने विषयमा आन्तरिक राजस्व विभाग र धितोपत्र बोर्डले समन्वय गरिरहेका छन्,’ उनले भने, ‘सबै प्रक्रिया अन्तिम चरणमा पुगेकाले अब तत्काल लागू गर्नेछौं ।’ मौजुदा व्यवस्था अनुसार १० लाखभन्दा बढीको प्राथमिक सेयरका लागि आवेदन दिँदा मात्र अबका दिनमा दोस्रो बजारमा कारोबार गर्नका लागि नै प्यान नम्बर अनिवार्य हुने भएको हो । तर, प्राथमिक सेयर आवेदकको लागि भने प्यान नम्बर अनिवार्य नहुने खत्रीले जानकारी दिए । अबका दिनमा दोस्रो बजारमा सेयर कारोबार गर्ने जोसुकैले पनि प्यान नम्बर अनिवार्य रुपमा लिनुपर्ने धितोपत्र बोर्डका प्रवक्ता निरज गिरीले जानकारी दिए ।

‘अहिलेसम्म हामीले सेयर कारोबारमा प्यान नम्बर लगाएका थिएनौं,’ उनले भने, ‘अबका दिनमा बजारलाई व्यवस्थित गर्नका लागि सेयर खरिद तथा बिक्री गर्ने दुबैलाई अनिवार्य रुपमा प्यान नम्बर लगाउने छौं ।’ अबमा दिनमा आयोजना प्रभावित, स्थानीयहरुले आईपीओमार्फत खरिद गरेका सेयर बिक्री गर्नका लागि पनि प्यान नम्बर अनिवार्य हुने उनको तर्क थियो । ‘यदि उनीहरुले आईपीओमार्फत भरेका सेयर बिक्री नगरी राख्नुहुन्छ भने त्यसमा प्याननम्बरको कुनै आवश्यकता परेन,’ गिरीले भने, ‘तर, दोस्रो बजारमा बिक्री गर्न चाहनुुहन्छ भने प्यान नम्बर अनिवार्य हुनेछ ।’ उक्त व्यवस्था कार्यान्वयनमा आएसँगै प्यान नम्बर नभई कसैले पनि सेयर खरिदबिक्री गर्न नसक्ने उनको दाबी थियो । सरकारले सेयर कारोबारका लागि अनिवार्य प्यान नम्बर लागू गरेमा तत्काल बजारमा १ देखि २ लाख लगानीकर्ता सोको दायरामा आउनेछन् ।

लगानीकर्ता सम्बन्धी विभिन्न संघसंस्थामा बजार १५ लाख भन्दा लगानीकर्ता भएको बताउँदै आएपनि दैनिक वा मासिक रुपमा कारोबार गर्ने लगानीकर्ताको संख्या भने बढीमा २ लाख भएको सम्बद्ध ब्रोकरहरुले जानकारी दिएका छन् ।






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution