हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

माघी महोत्सव थलो विवाद: थारुलाई होइन मगरलाई दिइयो ‘टुँडिखेल’

काठमाडौं- ‘राष्ट्रिय पर्व माघी महोत्सव’का मनाउनका लागि नेपाली सेनाले टुँडिखेल मगर समुदायलाई दिएपछि त्‍यसका लागि झण्डै नौ महिनाअघि विधिवत् आवेदन दर्ता गरेको थारु समुदाय आक्रोसित बनेको छ।

अन्तिम समयमा आएर उक्त थलो मगर समुदायलाई दिइएको थाहा पाएपछि आक्रोशित थारु समुदायले चाबहिलस्थित सानो चुच्‍चेपाटी मैदानमा यस पटकको थारु राष्ट्रिय माघी महोत्सव मनाउने भएको छ। उच्च संवैधानिक तथा राजनैतिक तहमा रहेका मगर नेताहरुको हस्तक्षेपपछि यसपल्ट टुँडिखेल नेपाली सेनाले मगर समुदायलाई दिने निर्णय गरेको छ।

‘२०७३ साल र २०७४ साल दुवै वर्ष थारु समुदायलाई टुँडिखेल दिइएको र यसपपल्ट मगर समुदायले हामी आलोपालो गर्छौ भनेपछि उनीहरुलाई दिइएको छ। ‘सेनाका रथी एवं प्रवक्ता याम प्रसाद ढकालले भने। तर थारु कल्‍याणकारिणि सभाका उप-महामन्त्री मिनराज चौधरीले माथिको आदेशमा थारु समुदायलाई टुँडिखेल दिनबाट रोकिएको दाबी गरे।

‘नेपाली सेना यस पटक राजनीतिक दबाबमा पर्‍यो। त्‍यसकारण थारु कल्‍याणकारिणी सभालाई माघी मनाउन टुँडिखेल नदिएको हो। सैनिक प्रशासनले माथिको आदेश भन्‍दै विधि र विगतको नजिरलाई लत्यायो र मगर समुदायलाई टुडीखेल उपलब्ध गराएर थप जटिलता उत्पन्‍न गरेको छ।’
उनले माघी महोत्सव गर्नका लागि थारु कल्याणकारिणी सभाले गत वैशाख १० गते नै नेपाली सेनाको मुख्यालयमा निवेदन दर्ता गराएको तर टुँडीखेल प्रयोगका लागि नेपाल मगर संघले साउन १ गते निवेदन दिएकोमा सेनाले राजनीतिक पहुँचको आधारमा मगर संघलाई उपलब्‍ध गराएको गुनासो गरे।

उनले भने, ‘हामीले पहिला निवेदन दिएका थियौँ। माघी महोत्सव गर्न हामीलाई टुँडिखेल नदिएर नेपाली सेनाले थारु समुदाय माथि ठूलो अन्याय गरेको छ’, उनले भने, ‘सेनाको यो कार्यले थारु समुदायको चित्त दुखेको छ। यसले
राज्‍य,सरकार र सेनालाई दीर्घकालीन असर गर्नेछ। ’

नेपाली सेनाले जातीय, सामाजिक र सांकृतिक पहिचान झल्कने कार्यक्रम गर्नका लागि टुँडीखेलको मैदानलाई निःशुल्क प्रयोग गर्न दिँदा पहिला आउनेलाई पहिलो प्राथमिकता दिने नियम छ। तर यसपटक पहुँच र पावरको आधारमा दवावमा सेनाले टुँडिखेल थारु कल्याणकारिणी सभालाई दिनुको साटो मगर समुदायहरूलाई दिएको आक्रोश पोखे।

यस्तै थारु समाजसेवी एवम् थारु अगुवा नेता शिव चौधरीले नेपाली सेना दबाबमा परेर पछाडि निवेदन दिएको मगर संघलाई टुँडीखेलमा महोत्सव गर्न दिनुको भित्रि रहस्‍य राजनीतिक आडम्बर भएको आरोप लगाए। उनले भने, ‘ सेना संवैधानिक उपराष्ट्रपति पुन:देखि राजनैतिक गृहमन्त्रीसम्‍मको दबाबमा पर्‍यो र थारु समुदायलाई पहुँच बिनाको भनेर पन्छाउने काम गरियो। यो जातीयतामाथिको थिचोमिचो र सेनामा राजनीतिक अहंकारले काम गरेको हामीले पाएको अनुभव गर्‍यौ, देश सञ्‍चार समाचारमा छ |






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution