हेडलाईन

तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै        

बुद्ध जन्मस्थल लुम्बिनीमा पर्यटन बजारको शुभारम्भ

लुम्बिनी – लुम्बिनीलाई केन्द्रमा राखेर बौद्ध सर्किटको पर्यटन प्रवद्र्धन गर्ने विषयमा विभिन्न देशका पर्यटन व्यवसायीले सहकार्य गर्ने प्रतिवद्धता जनाएका छन् ।

 

लुम्बिनीले संसारभरका पर्यटकलाई आकर्षित गर्न सक्ने प्रचूर सम्भावना रहेको भन्दै उनीहरूले लुम्बिनीलाई केन्द्रमा राख्दा दीगो पर्यटन विकास हुने बताएका छन् ।

बुद्ध जन्मस्थल लुम्बिनीमा इन्टरनेसनल बुद्धिस्ट ट्राभल मार्ट (पर्यटन बजार) को शुभारम्भ गर्न आएका पर्यटन व्यवसायी तथा विज्ञले यस्तो प्रतिवद्धता जनाएका हुन् ।

लुम्बिनीस्थित पवित्र उद्यानमा एक भव्य समारोहबीच कार्यक्रमको औपचारिक उद्घाटन भएको छ । हट एयर बेलुन उठाउनुका साथै अन्तर्राष्ट्रिय बौद्ध सर्किट र त्यहाँका पर्यटकीय गन्तव्यबारे अवधारणापत्र प्रस्तुत गर्दै कार्यक्रमको शुभारम्भ गरिएको थियो ।

संस्कृति पर्यटन तथा नागरिक उड्डयन मन्त्रालयको आयोजना, नेपाल पर्यटन बोर्डको सहकार्य तथा नेपाल एसोसिएसन अफ टूर एण्ड ट्राभल एजेन्टस् (नाट्टा)ले कार्यान्वयन गरेको मार्टमा १८ देशका १ सय ५० बढी पर्यटन व्यवसायीको सहभागिता रहेको छ ।

मार्टमा बिजनेस टू बिजनेस मिटिङसहित बुद्ध पर्यटन प्रवद्र्धनका विविध पक्षका सम्बन्धमा छलफल हुनेछ । मार्टको शुक्रवार लुम्बिनीमा एक समारोहबीच संस्कृति, पर्यटन तथा नागरिक उड्यनमन्त्री रविन्द्र अधिकारीले उद्घाटन गरे  । त्यस अवसरमा उनले नेपाल भ्रमण वर्ष २०७६ लाई सफल बनाउन मार्टले सहयोग पुर्याउने विश्वास व्यक्त गरे  ।

लुम्बिनीको विकासलाई सरकारले प्राथमिकतामा राखेको भन्दै उनले स्थानीय समुदायले अपनत्व गर्ने र निजी क्षेत्रले पनि सहकार्य गरेर प्रभावकारी बनाइने बताए  ।

१८ देशका पर्यटन व्यवसायी लुम्बिनीमा

लुम्बिनी केन्द्रित पर्यटन विकासका लागि भन्दै विभिन्न १८ देशका पर्यटन व्यवसायी लुम्बिनीमा जुटेका छन् । नेपालका विभिन्न पर्यटकीय गन्तव्य अवलोकनपछि उनीहरू बुद्ध जन्मस्थल लुम्बिनीमा भेला भएका हुन् । ३ दिने मार्टमा विभिन्न बौद्ध विद्वान, पर्यटन व्यवसायी लगायतले कार्यपत्र प्रस्तुत गर्नेछन् ।

मार्टमा म्यानमार, थाइल्याण्ड, बंगालादेश, अष्ट्रेलिया, जर्मनी, अमेरिका, भारत, माल्दिभ्स, श्रीलंका, भुटान, चीन लगायत गरी १८ वटा मुलुकबाट टूर अपरेटर, ब्लगर, सम्बन्धित देशका सरकारी प्रतिनिधि सहभागी छन् ।

विश्व बजारमा नेपालका पर्यटकीय स्थलको व्यापक प्रचारप्रसार गर्न मार्ट आयोजना गरिएको मार्टका सदस्य सचिव तथा नाट्टाका केन्द्रीय वरिष्ठ उपाध्यक्ष अच्युत शर्मा गुरागाईले बताए ।

मार्टको औपचारिक उद्घाटन शुक्रबार गरिएपनि बिहीवारदेखि शुरू भएको थियो । जसअनुसार पहिलो दिन सहभागी विदेशी पर्यटन व्यवसायीलाई विभिन्न पर्यटकीय स्थल घुमाइएको छ । पर्यटकलाई नवलपरासीको रामग्राम नगरपालिकाले अभिनन्दन समेत गरेको छ ।

अभिनन्दनपछि व्यवसायीको टोलीले बुद्ध मावली रुपन्देही देवदहको अवलोकन गरेको थियो । त्यहाँ देवदह नगरपालिकाले स्थानीय परिकार सहितको ‘मेयर लञ्च’ गराएको थियो । त्यसपश्चात् व्यवसायीले कपिलवस्तु र बुद्ध जन्मस्थल लुम्बिनी अवलोकन तथा भ्रमण गरेका छन् । यसअघि उनीहरुलाई काठमाडौं र चितवनका विभिन्न पर्यटकीय क्षेत्रमा घुमाइएको थियो ।

ट्राभल मार्टले बौद्ध पर्यटकीय स्थल र सेवाहरुको अन्तर्राष्ट्रिय क्रेता तथा राष्ट्रिय बिक्रेताबीच सेवा तथा व्यापार विनिमयको अवसर सिर्जना गर्ने स्थानीय आयोजकका संयोजक सागर अधिकारीले बताए ।

लुम्बिनीसहित कपिलवस्तु, देवदह, रामग्राम लगायतका स्थानमा विदेशी पर्यटन व्यवसायी र टूर गाइडलाई अवलोकन गराइएकाले पर्यटकको बसाइ लम्ब्याउन समेत मार्टले महत्त्वपूर्ण भूमिका खेल्ने अपेक्षा लिइएको छ ।

लोकान्तरबाट

पुस २७, २०७५






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution