हेडलाईन

नेफिन:अन्तर्राष्ट्रिय प्रवास समन्वय समिति गठन         इजरायल घेदुङको सातौं वार्षिकोत्सव तथा एकता दिवस साथै अधिवेशन हुदै         इजरायल जान यसरी ११७५ जनाको नामावली सार्वजनिक (छनौटको भिडियो सहित)         इजरायलमा मणि पूजा तथा प्रवचन कार्यक्रम हुदै         डिभी लटरी आजबाट खुल्यो         नेपाली काँग्रेसका १४ औँ महाधिवेशनअन्तर्गत जिल्ला सभापतिमा तामाङद्वय निर्वाचित         नेपाल तामाङ कलाकार संघको अध्यक्षमा बिश्व दोङ निर्वाचित         इजरायलमा नेपाली चाडपर्वहरुको अवसरमा शुभकामना आदानप्रदान कार्यक्रम हुदै         जसपा नेपालको प्रबास विशेष प्रदेश समितिले संगठन सुदृढीकरण तथा जनजागरण अभियान अभिमुखीकरण कार्यक्रम गर्ने         नेवा: खल: इजरायलले चोथा: पूजा तथा हरितालिका तीजको शुभकामना आदानप्रदान कार्यक्रम गर्दै         आज तामाङ पहिचान तथा ज्ञान दिवस (गोने ङ्ञा)         इजरायल घेदुङले तामाङ पहिचान र ज्ञान दिवसको अवसरमा अन्तरक्रिया कार्यक्रम गर्दै         नेपाली समाज इजरायलको प्रथम अधिवेशनबाट अध्यक्षतामा अनिला तामाङ चयन         इजरायलमा २७ औं विश्व आदिवासी दिवस अनलाइन भर्चुअल मार्फत मनाउने         इजरायलमा भारतको ७५ औं स्वतन्त्रता दिवसको अवसरमा फुटसल प्रतियोगिता हुने        

३८ दिनदेखि निगमको बोइङ मलेसियामा अलपत्र

काठमाडौँ — सामान्य मर्मतका लागि मलेसिया पठाइएको नेपाल वायुसेवा निगमको बोइङ विमान ३८ दिनदेखि त्यहाँको क्वालालम्पुर अन्तर्राष्ट्रिय विमानस्थलमा अलपत्र परेको छ । निगमको प्राविधिक स्रोतका अनुसार गण्डकी नाम दिइएको उक्त बोइङको इन्जिन एक्सरे गराउन कात्तिक ११ गते क्याप्टेन ओबी गुरुङ र दिपाल शेरचनले उडाएर काठमाडौंबाट क्वाललमपुर पुर्‍याएका थिए ।
‘दुई दिनमा मर्मत सकेर काठमाडौं ल्याइने भनिएको थियो,’ स्रोतले भन्यो, ‘व्यवस्थापनको बेलैमा निर्णय नगर्दा डेढ महिना भइसक्यो जहाज फर्किएन।’ क्लालामपुरस्थित निगमको विमान मर्मत गर्ने जिम्मा लिएको डेभिएसन कम्पनीले इन्जिन एक्सरे गर्दा थप प्राविधिक गडबडी देखाएको स्रोतले बतायो।

त्यो विमानको इन्जिनमा हुने सी डक्ट उपकरण नै इन्जिनियरले फेर्नुपर्ने सुझाव दिएका थिए। बोइङ कम्पनीका इन्जिनियरले पनि मलेसियन प्राविधिककै सुझावअनुसार विमान मर्मत गर्नुपर्ने भनेको छ। उक्त उपकरणको २ लाख डलर हाराहारी (२ करोड २५ लाख रुपैयाँ) लागत पर्ने भनिएको थियो। ठूलै रकम आवश्यक पर्ने भएपछि काठमाडौंस्थित निगम व्यवस्थापनले निर्णय लिन सकेन। ‘हामीसँग रकम पनि उपलब्ध भएन, अर्को कुरा त्यो उपकरण फेर्ने कि नफर्नेबारे बेलैमा निर्णय पनि दिन सकिएन,’ स्रोतले भन्यो, ‘बेलैमा व्यवस्थापकीय निर्णय दिन नसक्दा जहाज उता थन्किएको छ। पार्किङ चार्जको बिल दैनिक निगमको थाप्लोमा बढेको बढ्यै छ।’

निगमले ३० वर्ष पहिले दुइटा बोइङ विमान खरिद गरेको थियो। यीमध्ये कर्णाली नाम दिइएको एउटा पुरानो बोइङ बीबी एयरवेजले एक वर्षअघि लिलामी प्रक्रियामार्फत खरिद गरिसकेको छ। एक वर्षयता त्यो विमानबाट कमर्सियल उडान भएका छैनन्। ‘काठमाडौं विमानस्थलमै ग्राउन्डेड गरिएको बीबीको स्वामित्वको त्यो जहाजबाट सी डक्ट झिकेर मलेसियामा अलपत्र परेको विमानमा राख्ने कुरा पनि चलेको थियो तर त्यसो गर्न नमिल्ने रहेछ,’ स्रोतले कान्तिपुरसँग भन्यो, ‘हामीले नै बिक्री गरेको विमान तर पूरा स्वामित्व हस्तान्तरण नभइसकेकाले बीबीबाट त्यो उपकरण झिकेर हाल्दा विवाद हुने भएकाले त्यसो गर्न पनि सकिएन।’

कमर्सियल विभागका एक अधिकारीका अनुसार निगमको यो विमान हङकङ र दुबईबाहेक प्राय: सातामा ३/३ दिन भारतको बैंगलोर र थाइल्यान्डको बैंकक उड्थ्यो। बैंगलोरको दुईतर्फी उडानमा यसले ३७ लाख हाराहारी र बैंककको उडानमा ५० लाख हाराहारीको आम्दानी गथ्र्यो। यो विमान मलेसियामा थन्किएपछि अहिले एयरबसका न्यारो र वाइडबडीमार्फत ती रुटमा उडान मिलाइएको छ।

बोइङका लागि मात्रै निगमसँग ६ जना वरिष्ठ पाइलट छन्। जहाज नै नभएपछि उनीहरू घरै बसेर जागिर खान बाध्य भएका छन्। जहाज नउडदा निगमले कम्तीमा ४५ उडान घण्टा बराबरको पारिश्रमिक दिनुपर्छ। ‘यो विमानकै लागि करिब २० जना सर्टिफाइड एयरहोस्टेस छन् तर उनीहरूलाई अर्को प्रकारको पनि विमानमा उड्ने प्रमाणपत्र हुने भएकाले समस्या भएन तर बोइङको पाइलटले अर्को विमान उडाउन नमिल्ने भएकाले यो बेर्थैकै दायित्व थपिएको छ,’ निगमको फाइन्स विभागका एक अधिकारीले भने।

यसैबीच यसै विमानको एउटा करोडौं मूल्यको इन्जिन आइबेरियामा मर्मतका लागि ५ वर्षअघि पठाइएको थियो। उक्त इन्जिनबारे निगमको इन्जिनियरिङ विभाग र व्यवस्थापन बेखबर छ। ‘पेमेन्ट गर नत्र तिमीहरूको इन्जिन सिज गरिदिन्छौं भनेर उताको पाटीले इमेल पठाएको बैठकहरूमा पहिले पहिले सुनिथ्यो तर अहिले त्यो इन्जिनको अवस्था पनि के छ? हामीलाई केही जानकारी नै छैन,’ सम्बद्ध स्रोतले भन्यो।

इकान्तिपुर






शुभकामना

Warning: यो Categories मा कुनै पनि आर्टिकल नहुनाले खाली देखिएको छ त्यसैले कृपया अहिले नै पोस्ट गरिहाल्नुहोला

भर्खरै...

लोकप्रिय

रोचक खबर

राष्ट्रपतिद्वारा ओली र देउवा दुवैलाई प्रधानमन्त्रीमा नियुक्त गर्न अस्वीकार

याम्बु - राष्ट्रपति विद्यादेवी भण्डारीले नयाँ प्रधानमन्त्री नियुक्तिका लागि दावी पेश गर्ने दुबै प्रतिनिधिसभा... बाँकी यता

tamang online / May 22, 2021

चर्चित गायिका मेलिना राई र विरेन्द्र श्रेष्ठको ‘जाले रुमाल’ सार्वजनिक (भिडियो)

याम्बु - चर्चित गायिका मेलिना राई र गायक तथा वरिष्ठ ईन्जिनियर विरेन्द्र श्रेष्ठको स्वरमा रहेको जाले रुमाल... बाँकी यता

tamang online / October 2, 2020

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2021: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution