हेडलाईन

बुद्धभूमिमा हिन्दू रामकथा प्रवचन रोक्न घेदुङको माग         शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै        

विद्यार्थीको अश्लिल भिडियो बनाएर ब्ल्याकमेल गर्ने प्रोफेसर पक्राउ

काठमाडौं, ४ मंसिर । नेपालका प्रतिष्ठित कलेजहरुमा म्यानेजमेन्ट पढाउँदै आएका भारतीय नागरिक वि.एस. गौतम भनेर चिनिने बोधीसत्व गौतम भट्टाचार्यले आफ्नै विद्यार्थी र किशोरीहरुलाई ब्ल्याकमेल गरि यौन शोषण गर्दै आएको खुलेको छ । कोलकत्ता घर भई हाल काठमाडौंको कालोपुल बस्ने ५४ वर्षीय भट्टाचार्यले विभिन्न तरिकाले किशोरीहरुसँग शारीरिक सम्पर्क स्थापना गर्ने र नाङ्गा फोटा भिडियो खिचेर ब्ल्याकमेल गर्दै आएका रहेछन् ।

भट्टाचार्यकै विद्यार्थी (परिवर्तित नाम) सानीमायालाई दुई वर्षसम्म प्रयोग गरे । १८ वर्षीया सानीमाया अहिले २० वर्षकी भइन् । उनलाई त्यति बृद्ध व्यत्तिले कसरी फसाए सम्झिन सक्दिनन् । तर भट्टचार्याले खिचेका सानिमायाका आपत्ती जनक फोटोहरु देखेपछि उनी छाँगाबाट खसेजस्तै भइन् । तिनै फोटोहरु देखाएर भट्टचार्याले ब्ल्याकमेल गर्न सुरु गरे ।

छोरी उमेरकी सानिमायाले आफूलाई छाडिदिन बारम्बार विन्ती गरिन् तर भट्टचार्या झन् क्रुर बन्दै गए । भट्टाचार्यले केही बोले, कतै उजुरी गरे तथा भनेको समयमा तोकेको होटलमा नपुगे आफ्नो ल्यापटपमा रहेका नाङ्गो फोटो र भिडियो परिवारमा देखाइदिने भन्दै धम्काउँथे । यति मात्रै होइन बोलाएको ठाउँमा एक मिनेट ढिला पुगे ज्यान मार्ने समेत धम्की दिन्थे ।

भट्टाचार्य प्रत्येक साता उनलाई राजाधानीको विभिन्न होटलहरुमा लगेर बलात्कार गर्थे, कुटपिट गर्थे । सानिमायालाई कसैसँग पनि कुरा गर्न बन्देज लगाउँथे, उनको फेसबुक आफै चलाउँथे, सिम कार्ड चेन्ज गराइरहन्थे ।कतिसम्म भने भट्टाचार्यको यातना सहन नसकेर सानिमाया आत्महत्यासम्मको सोचमा पुगिन् । तर उनले त्यसअघि एक पटक हाम्रो कार्यालयमा आएर हामीलाई आफ्नो पीडा बताउने अन्तिम विकल्प रोजिन् । र हामीलाई आफ्नो पीडा सुनाउँदै भट्टाचारर्यको कुरुप अनुहारलाई देखाईन् ।

हामीले सबैै प्रमाण हेरेपछि सानिमायालाई मदत गर्ने सोच्यौं । उक्त दिन पनि भट्टाचार्यले उनलाई दिउँसो ३ बजे काठमाडौंकै एक होटलमा बोलाएका थिए । हामीले उनलाई सँगै लिएर केन्द्रीय अनुशन्धान व्युरो सिआइबी, तथा प्रहरी कार्यालयहरुसग समन्वय ग¥यौं । र हामी उनलाई बोलाइएको होटलमा उनी भन्दा पहिला पुग्यौं । केही बेरमै होटल छिरेका उनले पूर्व निर्धारित कोठा परिर्वतन गरे । कोठा भित्र छिर्ने वित्तिकै फोन किन नउठाएको भन्दै कुटपिट गर्न थाले । कोठा भित्र उनलाई थर्काएको, कुटपिट गरेको आवाज होटल बाहिरैसम्म आएको थियो । कोठा भित्र सानीमाया प्रतिवाद गर्न सक्ने अवस्थामा थिइनन् । सानिमायालाई ढोका खोलेर भाग्न समेत नदिएपछि हामी आफै ढोका खोल भन्दै भित्र छि¥यौं ।

प्रहरी आउनु पूर्व हामीले सबै प्रमाण देखाई मुद्धा चालाउने भनेपछि उनले सानिमायाको खुट्टामा टाउको राखेर माफी मागे र यो मुद्धा यही सेटल गरौं भन्दै बारम्बार भने । सानिमायाको बयानपछि प्रहरीले बोधीसत्वा भट्टचार्यलाई आफ्नो नियन्त्रणमा लियो र युवतीको जाहेरीपछि उनलाई हिरासतमा राख्यो । अहिले काठमाडौं जिल्ला अदालतबाट म्याद थप गरि भट्टाचार्य माथि अनुसन्धान भइरहेको छ ।

सानिमाया मात्र होइन भट्टचार्य अन्य युवतीहरुलाई पनि होटलमा ल्याउने गरेका रहेछन् । बोधीसत्व भट्टचार्य एक कु पात्र हुन् । समाजमा यस्ता धेरै व्यत्तिहरु छन् जो सफेद पोशाकमा यसरी किशोरीहरुलाई ब्ल्याकमेल गरि बलात्कार गरिरहेका छन् । फरक यति छ सानीमाया हिम्मत गरेर अघि सरिन्, अन्य धेरैले अझै बोल्न सकेका छैनन् । न्युज२४नेपाल






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution