हेडलाईन

क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै         इजरायलमा न्हु: दँ नेपाल संवत् ११४३ तथा म्ह पूजाको अवसरमा सांस्कृतिक कार्यक्रम गर्दै         नेपाल तामाङ घेदुङ इजरायलको आठौं आदिवेशन हुदै         इजरायलमा मणिपूजा प्रवचन कार्यक्रम हुदै        

निर्मला हत्या प्रकरण : चारजनाको डीएनए परीक्षणसँगै पोलिग्राफको तयारी, हत्यारा पहिचान हुनसक्ने

निर्मला हत्या प्रकरण : चारजनाको डीएनए परीक्षणसँगै पोलिग्राफको तयारी, हत्यारा पहिचान हुनसक्ने

काठमाडौं । निर्मला पन्त हत्या प्रकरणको अनुसन्धानका क्रममा प्रहरीले शंकास्पद ४ जनाको डीएनए परीक्षणको तयारी गरेको छ । प्रहरी प्रवक्ता उत्तमकुमार सुवेदीका अनुसार अनुसन्धानका क्रममा ३ देखि ४ जनाको डीएनए परीक्षण गर्ने प्रक्रिया सुरु गरिएको छ । तर, नमुना संकलन भने भइसकेको छैन ।

केन्द्रीय अनुसन्धान ब्युरो र कञ्चनपुर प्रहरीको टोलीले घटनाको विभिन्न कोणबाट सुक्ष्म अध्ययन गरिरहेको सुवेदीले बताए । उनका अनुसार कतिपयको पोलिग्राफ परीक्षण गर्ने तयारीसमेत भएको छ । ‘‘पोलिग्राफ गर्ने टोली प्रदेश प्रहरी कार्यालयमै रहन्छ । आवश्यक परे तत्काल पुग्नसक्छ,’’ उनले भने ।

कञ्चनपुर प्रहरीका डीएसपी कृष्णराज ओझाले पनि घटनाको अनुसन्धान भइरहेको बताए । ‘‘अनुसन्धानकै क्रममा छौं । नयाँ कुरा आएपछि भनौंला,’’ ओझाले भने । निर्मला हत्या प्रकरणमा यसअघि दिलिपसिंह विष्ट, कञ्चनपुरका तत्कालीन एसपी दिल्लीराज विष्ट, उनका छोरा किरण विष्ट, स्थानीय आयुष विष्ट र चक्र बडूको समेत डीएनए परीक्षण गरिएको थियो ।

निर्मलाको शरीरमा भेटिएको ‘स्पर्म’सँग उनीहरुको डीएनए ‘म्याच’ गरेको थिएन । कञ्चनपुर प्रहरीले गत भदौ ४ गते निर्मला हत्याको मुख्य अभियुक्त भन्दै दिलिपसिंह विष्टलाई सार्वजनिक गरेको थियो । प्रहरीले दिलिपलाई अभियुक्तका रुपमा सार्वजनिक गरे पनि डीएनए म्याच नगरेपछि उनी थुनामुक्त भएका थिए ।

स्रोतका अनुसार लामो अध्ययनपछि प्रहरीले केही शंकास्पद व्यक्तिको पहिचान गरेको छ । उनीहरुका गतिविधि, घटनाअघि र पछिको व्यवहारलाई केलाएर प्रहरीले थप ४ जनाको डीएनए परीक्षण गर्ने योजना बनाएको छ । स्रोतले भन्यो, ‘‘दुईजनामाथि बढी शंका छ । उनीहरुको नाम भन्न मिल्दैन । डीएनए नमुना संकलन गर्न आशंकामा रहेका सबैको उमेर २५ माथि र ४० वर्षमुनि छ ।’’ डिएनए परीक्षण गर्न लागेकाहरु सबै भीमदत्त नगर क्षेत्रभित्रकै भएको स्रोतको दाबी छ । ‘‘हामीले संकलन गर्न लागेको डिएनएबाट हत्याराको पहिचान हुने सम्भावना छ । त्यसका केही आधार फेला पारेका छौं । डिएनए म्याच नभए अनुसन्धान निकै जटिल बन्ने सम्भावना छ,’’ स्रोतले भन्यो ।

झण्डै ३ महिनादेखि सिआइबीको विशेष टोली र राष्ट्रिय अनुसन्धान विभागको गोप्य टोली कञ्चनपुरमै छ । अनुसन्धान टोलीले घटना उखुबारीमै भएको निष्कर्ष निकालेको छ । यसअघि निर्मला हत्या उखुबारीमा नभएर अन्त भएको हो कि भन्ने आशंका हुँदै आएको थियो । घटनास्थलको प्रकृति, विभिन्न फोटो र भिडियो फुटेजका आधारमा प्रहरीको ‘एक्सपर्ट’ टोलीले उखुबारीमै बलात्कार र हत्या भएको निष्कर्ष निकालेको हो । बार्हखरिबाट

निर्मला हत्याकाण्डको अनुसन्धानमा लापरवाहि गरेको भन्दै गृह मन्त्रालयले यसअघि नै तत्कालीन एपसपी दिल्लीराज विष्ट र वडा प्रहरी कार्यालय महेन्द्रनगरका इन्स्पेक्टर जगदिश भट्टलाई बर्खासी गरिसकेको छ । तत्कालीन समयमा दिलिप विष्टलाई अभियुक्त बनाएर सार्वजनिक गर्नुअघि अनुसन्धानमा संग्लन सबै प्रहरीमाथि प्रहरी प्रधान कार्यालयले उनीहरुको भूमिकाबारे अनुसन्धान गरिरहेको छ । प्रहरीमाथि नै अनुसन्धान गर्ने जिम्मेवारी एआईजी धिरु बस्न्यातलाई दिइएको छ ।

 

१३ कार्तिक २०७५






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution