हेडलाईन

तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी         इजरायलमा सोनाम ल्होछार २८५९ भव्यताको साथ मनाउने तयारी         हिमाली क्षेत्रका लामा समुदाय तोतङरी ल्होसार मनाइँदै        

खसोगीकी प्रेमिकाले गरिन् ,डोनाल्ड ट्रम्पले गरेको अमेरिका भ्रमणको निम्तो अस्वीकार

टर्कीमा हत्या गरिएका साउदी पत्रकार जमाल खसोगीकी प्रेमिकाले अमेरिका भ्रमणको निम्तो अस्वीकार गरेकी छिन् । राष्ट्रपति डोनाल्ड ट्रम्पले गरेको ह्वाइटहाउस भ्रमणको निम्तोलाई हेटिस सेन्जिजले अस्वीकार गरेकी हुन् । वासिङ्टन पोस्टका स्तम्भकारसमेत रहेका खसोगीको टर्कीको राजधानी इस्तानबुलस्थित साउदी वाणिज्य दूतावासमा साउदी गुप्तचरहरूले हत्या गरेको विवरण सार्वजनिक भएको छ ।

खसोगी प्रकरणलाई लिएर अन्तर्राष्ट्रिय समुदायले साउदी सरकारको चर्को विरोध गरेको छ । यमनको रक्तपातपूर्ण युद्धमा साउदी संलग्नता, लेबनानी प्रधानमन्त्रीको कथित अपहरण र असन्तुष्ट राजकुमारमाथि चरम दमनलगायत आरोपको सामना गरेका साउदी युवराजलाई खसोगी प्रकरणले थप दबाबमा पारेको छ ।

‘ट्रम्पले अमेरिका भ्रमणको निम्तो दिनुअघिका उनका अभिव्यक्ति र त्यसपछिका धारणा विरोधाभाषपूर्ण छन् । उनको भनाइ केबल सहानुभूति दिने खालका छन्,’ हेटिस सेन्जिजले टर्कीको एक सरकारी सञ्चार माध्यमसँगको अन्तर्वार्तामा भनिन् । तर, ट्रम्पको ‘विवादास्पद अभिव्यक्ति’ बारे उनले खुलाउन चाहिनन् । यसअघि सेन्जिजले वासिङ्टन भ्रमणका लागि आफू खुला रहेको बताएकी थिइन् । इस्तानबुलस्थित साउदी दूतावासमा भएको खसोगी प्रकरणको सत्यतथ्य सार्वजनिक गर्न ट्रम्पले इमानदारपूर्वक सहयोग गरे वासिङ्टन भ्रमण गर्ने सेन्जिजले बताएकी थिइन् । खसोगी प्रकरणमा ट्रम्प प्रशासनले कदम चाले आफू वासिङ्टन जाने उनले बताइन् ।

‘मैले अमेरिका जाने केही योजना बनाएकी छैन,’ उनले भनिन्, ‘म ह्वाइटहाउस जाने–नजाने विषय विवेकमा भर पर्छ ।’ ट्रम्पको निम्तोपछि विदेशमन्त्री माइक पोम्पेओले पनि आफूलाई बोलाएको उनले बताइन् । सो घटनाबारे केही थाहा नभएको वासिङ्टनले जानकारी दिएको उनले बताइन् । खसोगी प्रकरणको सत्यतथ्य छानबिन गर्न टर्कीका राष्ट्रपति रेसेप तेइप एड्रोगान र आफूले बारम्बार आह्वान गरिरहेको उनले बताइन् ।

‘मेरो र राष्ट्रपतिको आशा घटनाका दोषीलाई अदालतमा उपस्थित गराएर कानुनी कारबाही गर्नु भन्ने हो,’ उनले भनिन्, ‘यो अनुसन्धान सकेसम्म छिटो गरिनुपर्छ । अनुसन्धान प्रक्रियाले निश्चय नै पीडा देखाउँछ, तर पनि प्रक्रिया चाँडो थाल्नुपर्छ ।’

खसोगीको हत्यापछि साउदी अरेबिया सरकारको कुनै पनि व्यक्तिले आफूसँग सम्पर्क नगरेको उनले बताइन् । ‘ट्रम्पले बोलाउँदैमा अमेरिका जान्छु जस्तो मलाई लाग्दैन,’ उनले थपिन्, ‘किनकि भ्रमणका लागि यो उचित समय होइन ।’






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution