काठमाडौं स्थित तीनचुलीको नाम्ग्याल झ्याङ्छ्युब गुम्बामा आगलागी (फोटो सहित)
याम्बु – बौद्ध स्थित तीनचुलीमा नाम्गेल ज्याङछयुब छयोलिङ गुम्बा कार्तिक ९ गते शुक्रबार तदअनुसार अक्टोबार २६ गते बेलुकी १०ः३० बजे गुम्बाको प्रार्थना भवनमा अकस्मात विद्युत सर्किट सट भइ आगलागी भएको छ |
आगलागी गुम्बाको प्रार्थना भवन र भवन भित्र रहेका सम्पूर्ण समाग्री पूर्ण रुपमा जलेर क्षति भएको छ | आगो नियन्त्रण गर्न हामीलाई सहयोग गर्नु हुने धर्म सदस्यहरु, सुरक्षाकर्मीहरु, दमकलका कर्मचारीहरु, स्थानीय दाजुभाइ तथा दिदीबहिनीहरुमा नाम्गेल ज्याङछयुब छयोलिङ गुम्बाले हार्दिक कृतज्ञता व्यक्त गरेको छ |
त्यसैगरी यो दुखद घटना लगत्तै देशविदेशमा रहनु भएका धर्म सदस्यहरु तथा शुभेच्छुक महानुभावहरुले घटनाप्रति प्रकट गर्नु भएको दुःखले हामीलाई धैर्यधारण गर्न उर्जा मिलेको छ । त्यसको लागि सम्पूर्ण धर्म सदस्य शुभेच्छुक महानुभावहरुमा धेरै धेरै थुजुछे व्यक्त गर्दछ |
सत्य कुनै बेला कल्पना भन्दा पनि विचित्रको हुन्छ । त्यही विचित्रको रुपलाई स्वीकार्नु भन्दा हामीसँग अरु केही विकल्प छैन । यो पनि संसाराभित्रको एउटा नियति भएकोले हाम्रो लागि आकस्मिक र ठूलो र्दूघटना हो । अझ भन्दा यो अनित्य कै स्वरुप हो । फेरि पनि यो दुःखद घडीमा यहाँहरुले प्रकट गर्नु भएको अपार सहानुभूति र साथको लागि हार्दिक धन्यवाद दिदै अगामी दिनहरुमा यहाँहरुको साथ, सहयोग र प्रणिधानको अपेक्षा गर्न चाहन्छौं ।
गुम्बाको प्रशासन र लामा आवशीय भवनमा कुनै क्षति नभएको जानकारी यहाँहरु समक्ष राख्न चाहन्छौं । क्षतिको प्रारम्भिक संकलित विवरण अनुसार भवन सहित झण्डै रुपियाँ १,१३,४२,००० क्षति भएको अनुमान छ ।
-नाम्गेल ज्याङछयुब छयोलिङ गुम्बा
सर्व मंगलम
१० कार्तिक २०७५