हेडलाईन

शेर्पा किदुग रोमानियाको दोस्रो अधिवेशन सम्पन्न         रोमानियामा पहिलोपटक सोनाम ल्होछार (तावार ल्हो) भव्य र सभ्य रुपमा सम्पन्न         तामाङ समाज पोर्तुगलले विविध कार्यक्रम गरी मनायाे सोनाम ल्होसार !         डेनमार्कमा सोनाम ल्होछार २८५९ मनाउनको साथै नयाँ कार्य समिति गठन         नेपाल तामाङ घेदुङ इजरायल         क्यानाडामा सोनाम ल्होछार २८५९ भव्य रुपमा सम्पन्न         सोनाम ल्होछार २८५९ तावार ल्हो टुँडिखेलमा ३ दिन मनाइने         पृथ्वी जयन्ती र राष्ट्रिय एकता दिवस         रोमानियामा तामाङ घेदुङ गठन, सोनाम ल्होछार मनाउने तयारी         नेपाली राष्ट्रिय पर्व सोनाम ल्होछार र तामाङ जाती         डम्फू र तामाङ भेषभूषा अंकित हुलाक टिकट प्रकाशित         प्रवासमा सोनाम ल्होछार २८५९ कहाँ कहाँ मनाउदै र को को कलाकार सहभागी हुदै         जापानको विभिन्न शहरमा सोनाम ल्होछार २८५९ मनाउदै         स्विट्ज़रलैन्डमा सोनाम ल्होछार २८५९ भव्यताको साथ मनाउदै         बहराइनमा सोनाम ल्होछार २८५९ भव्यताको साथ मनाउने तयारी        

काभ्रेमा जिप दुर्घटनामा परी डिआइजीसहित ३ जनाको मृत्यु

काठमाडौँ – ‘कन्डिसन’मा नरहेको जिप जबरजस्ती कुदाउँदा काभ्रेमा भएको दुर्घटनामा नेपाल प्रहरीका एक उच्च अधिकृतसहित ३ जनाको मृत्यु भएको छ।

शनिबार अपरान्ह ३ बजे भएको जिप दुर्घटनामा नेपाल प्रहरीका डिआइजी सुशील भण्डारीसहित तीन जनाको मृत्यु भएको हो।

बा३च २८७ नम्बरको जिप दुर्घटनाग्रस्त हुँदा डिआइजी भण्डारीसँगै पत्रकार जीवन पराजुली र ट्रेड युनियन कांग्रेसका प्रदेश–३ संयोजक विनोद कार्कीको मृत्यु भएको हो।

दुर्घटनामा घाइते भएका भण्डारीको उपचारका लागि धुलिखेल अस्पताल लाने क्रममा बाटोमै मृत्यु भएको हो। पराजुली र कार्कीको घटनास्थलमै मृत्यु भएको प्रहरीले जनाएको छ। दुर्घटनामा अरु तीन जना गम्भीर घाइते भएका छन्।

घाइते हुनेमा काभ्रेका ४२ वर्षका धनराज पुरी, चालक काभ्रेकै प्रदीप बोगटी र काठमाडौँका विनोदकुमार गौतम छन्।

उनीहरुको धुलिखेल अस्पतालमा उपचार भइरहेको जिल्ला प्रहरी कार्यालय काभ्रेले जनाएको छ।

जिप सडकबाट झण्डै आठ सय मिटर तल खसेको प्रत्यक्षदर्शीलाई उद्धृत गर्दै मृतक पराजुलीका भतिजा शालिग्राम पराजुलीले जनाएका छन्।

मण्डन देउपुर नगरपालिकामा आयोजित एक कार्यक्रममा सहभागी भएर फर्किने क्रममा दुर्घटना भएको पराजुली बताएका छन्।

कण्डिसनमा थिएन जिप

मण्डन देउपुरस्थित ढकालथोकमा जिप दुर्घटनाग्रस्त भएको हो। प्रत्यक्षदर्शीका अनुसार जिपको अगाडिको चक्का सडकको छेउमा रगडिएको छ।

‘दुर्घटनास्थलभन्दा केही अगाडि उकालो छ, गाडी नचढेपछि तानेर उकालो पार गराइएको थियो,’ पराजुलीले भने, ‘तेर्सो बाटो आएपछि मात्रै उहाँहरु गाडीमा चढ्नु भएको रहेछ, त्यसलगतै दुर्घटना भएछ।’

दुर्घटनास्थलमा घुम्ती छ। घुम्तीमा गाडीले सही टर्न नलिएको देखिने उद्दारका घटनास्थलमा पुगेका प्रहरीले बताएका छन्। ‘बाटो सजिलै छ, तर घुम्ती निकै अप्ठ्यारो रहेकाले गाडी अनियन्त्रित भयो, र भीरबाट खस्यो,’ काभ्रे प्रहरी स्रोत भन्यो।

उद्दार समयमै हुन सकेन

काभ्रेको मण्डन देउपुरस्थित ढकालथोकमा ३ बजेर जिप दुर्घटना भएको थियो। घटनाको जानकारी आएको ४५ मिनेटपछि मण्डन देउपुरको प्रहरी टोली पुग्यो। तर, उद्दारका लागि पाँचखाल प्रहरी चौकीबाट गएको प्रहरी टोलीलाई पनि पर्खिनु पर्‍यो।

पाँचखाल प्रहरी चौकीबाट प्रहरीको टोली करिब एक घण्टापछि मात्रै घटनास्थल पुगेको थियो। उद्दार गर्दा साढे ४ बजिसकेको थियो। ८ सय मिटरमाथिबाट भीरमा खसेको गाडीमा सवार यात्रुको अवस्था गम्भीर हुने नै भयो।

‘त्यसमाथि उद्दार कार्यमा अलि ढिलाइ भयो, डिआइजी भण्डारीको बढी रक्तश्राव भएकाले बाटैमा मृत्यु भएको बुझिएको छ,’ काभ्रे प्रहरी स्रोतले भन्यो, ‘कार्की र पराजुलीको चाहिँ दुर्घटनास्थलमै ज्यान गएको हो।’

१० कार्तिक २०७५






शुभकामना

भर्खरै...

लोकप्रिय

रोचक खबर

अन्तर्राष्ट्रिय कलाकार मंच इजरायल शाखाको अध्यक्षमा युनिका गुरुङ चयन

तेलअविव - अन्तर्राष्ट्रिय कलाकार मंच इजरायल शाखाको १०औं वार्षिकोत्सव तथा साधारण सभा सम्पन्न भएको छ ।संस्थाका... बाँकी यता

tamang online / June 20, 2022

चलचित्र कबड्डि ४ यथाशिघ्र प्रदर्शन रोक्न माग गर्दै मुद्धा दर्ता

याम्बु - चलचित्र कबड्डि ४ यथाशिघ्र प्रदर्शन रोक्न माग गर्दै सिन्धुपाल्चोक जिल्ला, लिसन्खुपाखर गाउँपालिका... बाँकी यता

tamang online / June 13, 2022

 Photo Gallery

 Music videos

बिज्ञापनका लागि:
 [email protected]
लेख, रचना र समाचारका लागि:
 [email protected]
सामाजिक संजाल तर्फ:
सर्वाधिकार © 2012 - 2023: Tamang Online मा सार्बधिक सुरक्षित छ. | बिज्ञापन | सम्पर्क | हाम्रो बारेमा Designed by: GOJI Solution